استفسارات و تسؤلات الامهات عن كل شئ

يعنى انتوا هنا ولا فين

أم يـاسـيـن العسل;12197537:
لا طبعا عادى بس انتى متجيبيش مقاس صغير هاتى االمقاس اللى ععلى قد سنه ودا مش عشان حاجه بس عشان المقاس الصغير بيضايقهم بس مش اكتر

وبعدين انا بسيب ابنى بعد كل غيار مهويه شويه بس مش عشان اللى بتقولى عليه بس عشان بلاقيه بيضحك ومبسوط

فا بسيبه 5 دقايق كدا وبعدين البسه البامبرز




ههههههههههههههه لا لما تتم شهرين هتلاقيها بدأت تبتسم ولما تتم شهرين ونص هتلاقى ضحكه عسل
ولما تم 3 شهور هتلاقى ضحكه بصوت وتقولك اغاااااااااااا

بس اهم حاجه بجد انك تلاغيها ومتبطليش محاولات انك تضحكيها وهى هتضحك واحده واحده

بس لاغيها عشان تطلعلك اصوات متيبيهاش مع نفسها كدا

لان انا قدامى ابنى وبنت سلفتى وفى فرق باين بنيا
يعنى انا بلاغي يويو دلوقتى الاقيها لوحده بيقول اغاا واوووووو وحاجات كدا وهى البنوته محدش بيلاغيها بتفضل ساكته حتى ضحكتها من غير صوت

لما فى مره بلاغى البنوته لقيتها ياروحى بتلاغى




:lol: :lol: :lol: :lol:


:thumbs_up: :thumbs_up:

ايوة معاكى حق يا بسبس فى موضوع الملاغاة دى
جنى عشان مكنتش بقولها اغاااا مقلتهاش خالص

أم يـاسـيـن العسل;12197547:
اقول فيكى ايه 8o|

عملتله الحركه دى لما بوقى وجعنى والواد بردو مضحكش :|:|:|

الحركة دى الوحيدة اللى كانت بتضحط جنى وهيا صغيرة وانى اطلعلها لسانى :p واعمل نفسى كانى بزغرد
يمكن عشان حركاتى بناتى؟؟؟:worn_out:

جزاكى الله خيرا على الموضوع المفيد ده
وإن شاء الله لما أولد على خير آجى أشارك معاكم
بس كان ليا استفسار للأمهات اللى ولدوا قيصري
رضعتو ولادكو بعد أد إيه من العملية ؟
وفى الوقت ده البيبى كانوا بيدوله إيه؟
وربنا يحفظلكم أولادكم ويبارك فيهم

شوق وحنين للجنة;12212217:
جزاكى الله خيرا على الموضوع المفيد ده
وإن شاء الله لما أولد على خير آجى أشارك معاكم
بس كان ليا استفسار للأمهات اللى ولدوا قيصري
رضعتو ولادكو بعد أد إيه من العملية ؟
وفى الوقت ده البيبى كانوا بيدوله إيه؟
وربنا يحفظلكم أولادكم ويبارك فيهم

جزانا واياكم يا حبيبتي كل الخير
بصي يا سيتي انا ابني رضع مني بعد 12 ساعة من العملية انا كنت والدة سيزيرين

على فكرة لبن السرسوب ده بيقعد 3 ايام مش اول ماتولدي بس ما تقلقيش
هو انتي حتولدي سيزيرين خلاص

lifedrop;12198481:
ايوة معاكى حق يا بسبس فى موضوع الملاغاة دى
جنى عشان مكنتش بقولها اغاااا مقلتهاش خالص

الحركة دى الوحيدة اللى كانت بتضحط جنى وهيا صغيرة وانى اطلعلها لسانى :p واعمل نفسى كانى بزغرد
يمكن عشان حركاتى بناتى؟؟؟:worn_out:

لا موضوع اغا دا والله فرق جامد اوى فى كل حاجه فى الضحك والملاغيه والادراك كمان لانه بقى يحاول يقلد

ههههههههههههه لا انا ابنى رااااااجل ميضحكش من الحاجات العبيطه دى

البنات بس اللى عبيطه من يومها (امال بتتهبل وتتجوز ليه؟؟ ماهو من اللى امهاتنا كانوا بيلاعبونا بيه ههههههههههه)

انا يويو تضحكيله بس يضحك :lol:

شوق وحنين للجنة;12212217:
جزاكى الله خيرا على الموضوع المفيد ده
وإن شاء الله لما أولد على خير آجى أشارك معاكم
بس كان ليا استفسار للأمهات اللى ولدوا قيصري
رضعتو ولادكو بعد أد إيه من العملية ؟
وفى الوقت ده البيبى كانوا بيدوله إيه؟
وربنا يحفظلكم أولادكم ويبارك فيهم

بصى انا ولدت 2 الضهر ورضعته 9 بليل وهو يا روحى كان جعان خالص وادوله اعشاب ساعتها بس يادوب شرب 10 ملى وبس وكانوا بيدوله كل شويه 10 ملى عشان يتصبر بس

لانه يا روحى كان مولود جعان تخيلى والله نازل بياكل فى ايده هههههههههههههه

(اصلى ولدت سيزيرين بنج نصفى فى شوفتهم وهما بيطلعوه) :thumbs_up:

بصوا مدحت الزيات بيقول ايه

الرضاعه كل شويه معناها مغص كل شويه لانه مش بيتكرع والتكريع دا من علامات الشبع

وبيقولك ان النونو معدته بتشيل اللبن لمده ساعتين ل ساعتين ونص

ولازم واحنا بنرضعه نفضل نصحصح فيه عشان نشبعه عشان لو شبع هينام


بيقول مش اول ما البيبى يقول أيأ ترضعيه لا سيبيه يعيط 5 او 10 دقايق عشان يفوق ويصحصح ويقدر ياكل ويشبع

وطالما فاق وصحى نحطه ربع ساعه على البريست دا وربع على البريست التانى وكرعيه

ولو شبع هينام على لاقل ساعتين تلاته

بيقولك هيمص مصتين تلاته ويبطل تروح مصحصحاه عشان هو معناه انه تعب من المص هيرجع يمص تانى وهكزا

بنات هو تطعيم الشهرين حقنتين كل جقنه فى رجل ونقط للفم ان شاء الله

بجد انا كنت بقرا الحاجات اللى فاتت ولله استفدت اوىىىىى ربنا يكرمكوا يابناات ومرسي اوى يا ام مومو
ام ياسين العسل ازيك يا حبيبيبتى بوسيلي ياسين بوسه كبيرة
بنات هو دم النفاس بيخلص امتى والترموتر الدجيتال بتستخدموه ازاى لو تحت الباط بتزودوا نص درجه ولا ايه وبيتنضف ازاى انا بتاعى اومرون

صوت العيون;12220041:
بنات هو تطعيم الشهرين حقنتين كل جقنه فى رجل ونقط للفم ان شاء الله

اه يا مورو صح كدا

بنت من الزمن ده;12221331:
بجد انا كنت بقرا الحاجات اللى فاتت ولله استفدت اوىىىىى ربنا يكرمكوا يابناات ومرسي اوى يا ام مومو
ام ياسين العسل ازيك يا حبيبيبتى بوسيلي ياسين بوسه كبيرة
بنات هو دم النفاس بيخلص امتى والترموتر الدجيتال بتستخدموه ازاى لو تحت الباط بتزودوا نص درجه ولا ايه وبيتنضف ازاى انا بتاعى اومرون

ربنا يخليكى يا قمر

بصى النفاس بيختلف من واحده للتانيه

ممكن واحده تقعد 40 يوم وواحده تقعد 20 يوم

وممكن مثلا تقعدى 10 ايام دم ويتوقف يومين ويرجع تانى

بس بمجرد وقوفه لمده اكتر من 3 ايام يبقى تستحمى وتصلى عادى ولو رجع تانى يبقى استحاضه

انا سمعت فى التى فى كدا

بالنسبه للترمومتر انا مجيبتوش عشان مهسهسش من ناحية الواد :D

جزاك الله خير
طيب والسيتال بتخده 3 مرات فى اليوم كل مره كل 6 ساعات 5 نقط صح
طيب لمده اد ايه يعنى
اوقفه امتى
كام يوم يعنى ان شاء الله
والكمادات النشا برده اد ايه

ربنا يكرمكم يا بنات على ردودكم عليا
أنا فى التامن ومش عارفة هولد طبيعى ولا قيصري
ادعولى ربنا ييسرلى الخير

بنات ازيكم وحشتونى كويس اني لاقيتكم هنا
بقولكم ايييه
بالنسبه للتطعيمات طبعا انا مش في مصر ومحمد دلوقت قرب يمكل شهر من قيمه اسبوع اديته تطعيم هنا بتاع الدرن وفايرس الالتهاب الكبدي بي
هنزل بيه مصر باذن الله الشهر الجاي يعني هيكون عمره شهرين هديبله هناك تطعيمات ايه ؟؟؟؟
كمان انا جيبت له دوا للمغص من هنا بيخليه ينام وقت كتير هل ده غلط بس بحاول اصحيه كل ساعتين تلاته اديله سدري شويا وبعدين الرضعه الصناعي نفغسي سدري يشبعه مش عارفه بئالي 20 يوم والده
ومش بيشبع من صدجري اعمل ايييييييييييه دلونى يا اصحاب الخبره

ازيك يا مشمشة مبرووووووووووووووك و الحمد لله على سلامتك ، ولدتي طبيعي و لا سيزيريان ؟ ايه اسم الدوا بتاع المغص اللي بتستعمليه ؟ و بيودي المغص و لا بينيم بس و بعد شهرين تقريبا هاتطعميه ضد شلل الأطفال و ايه اللي عرفك ان لبنك مش بيشبع البيبي انتي بس ممكن بيتهيألك .. الدكتور كان بيقول في قناة الحياة اللي تقدر تجيب نقطة لبن ترضع طبيعي و اشربي حلبة و ينسون و سوائل كتيييييييييير

عروووسه نعوووما ازيك وحشاانى طمنني عنك عملتي ايه
نا ولدت قيصري بعد ما عذبونى عذاب الطبيعي وادونى طلق صناعي وتحاميل وفي الاخر قعد فيا الطلق يومين وعنق الرحم واقف على 6 سم وعاوزين يسيبونى كمان يووم بالووجع وبالطلق الصناعي صوتت لهم وجوزي اتخانق وماما لانهم كانوا فضوا لي جيب الميا بتاع البيبي ومنيمني اكتر من 12 ساهع على جنبي وحاطين لي جهاز التخطيط بتاع التقلصات وقلب البيبي بجد عذاااااااااااب غير بئا امة لا اله الا الله الي دخلت فحصتني وعذاااب وفي الاخر ركبوا لي قسطره وولدونى قيصري الساعه 6 الصبح بعد ما كنت خلاص بيغما عليا من التعب والحمد لله جت سليمه ومحمد جالي بالسلامه الحمد لله
بصي بئا الدوا مستورد هنا في الامارات اسمه colicaid
لسا باديئ ياخده امبارح بس حاساه اهدى النهارده بديله 5 نقط قبل كل رضعه بربع ساعه 3مرات يوميا بس كان المغص مبهدله وبيقولوا من اللبن الصناعي بس لا خياار
وزي ما قلتي صدري بينزل نننقطه وبحس انه مش بيشبع لان كل ما يجي ينام على صدري واحطه ينام على السرير بالضبط 5 جقايق ويصحى وبيقوولوا ده علامه جووع فمش عارفه اعمل ايه والله وبشرب سوايل كتير بئالي 20 يوم والده ومش عارفه اللبن هيزيد امتى بس طمنيني عليكي

lifedrop;12159560:


Topic: ملخص حلقة الدكتور مدحت 25/5

Abeer Rashed موضوع الحلقة: كيفية العناية بالطفل فور ولادته.....
1 - الرضاعة:
فى حالة الولادة الطبيعية تستطيع الأم ارضاع الطفل بعد ساعتين من الولادة..
فى حالة الولادة القيصرية...الأم لا تستطيع الأكل و الشرب الإ بعد 12 ساعة و بعد عمل الأمعاء و اخراج ريح ...لذلك يفضل الصبر على الأم حتى تسطيع اخد سوائل..

2 - الصرة:
يجب الرعاية التامة لمنطقة الصرة فور الولادة و حتى تندمل تماما و ذلك بتنظيفها جيدا بالكحول و هو اما اسبراى او محلول من الصيدليات...و يتم تنظيف المنطقة كلها جيدا و دعكها جيدا حتى لو بكى الطفل بكائه هنا لا يعبر عن انه موجوع...
و لا يجب الخوف مطلقا من تنظيف هذة المنطقة و يجب ان لا تيم لف هذة المنطقة كما هو الحال فى السابق....و اهمية التنظيف ترجع الى منع التلوث و الألتهابات...

3 - العين:
تستخدم قطرة مضاد حيوى فور الولادة لتنظيف العين من الافرازات و لمنع حدوث التهاباتو ذلك لمدة اسبوع بعد الولادة...
كيفية وضع القطرة ....اماله الطفل و ان لا يكون هناك ضوء قوى فى الغرفة و انزال نقطة صغيرة عند بداية كل عين و عندما سيفتح الطفل عينه ستدخل النقطة الى عينه فورا فلا داعى لفتح عين الطفل اجباريا....

4 - دهان المقعدة:
هام جدا جدا عند كل غيار للطفل بالزنك او الزيت او الفازلين و اهميته حماية جلد الطفل من التسلخات و الألتهابات الممكن حدوثها من البول و البراز...زو للصبيان يتم دهان المنطقة العلويه فوق العضو و حتى الصرة...

5 - حموم الطفل:
متعة للطفل فلا تحرموا اطفالكم منه:))
من اول يوم حتى لو الولادة فى الشتاء لان الحموم يعطى الطفل استرخاء كبيرا و ممكن جدا ينام بعد ساعات طويلة...و دى حقيقة و عن تجربة
الحمام دائما قبل الرضاعة و ليس بعدها ابدا....حتى لا يرجع الطفل الرضعة...

بقية الملاحظات:
1 - مش هتكلم عن اى اسئلة عن الطول و الوزن ابدا علشان دى حالات فردية و فعلا زهقت...

2 - بالنسبة للسيرلاك ممكن لو الطفل رفض نوع معين نجرب نوع آخر...لكن المهم ان الطفل ياخده لأنه يمد الطفل بالسعرات الحرارية لجسمه...

3 - لو وزن الطفل قليل عن المعدل الطبيعى يجب التركيز على الرضاعة باللبن الصناعى حتى لا يقل وزن الطفل و هنا تبرز اهمية وزن الطفل بصفة دورية...

4 - عند سن خمس شهور لو وزن الطفل قليل عن المعدل الطبيعى يجب ادخال الأكل كالسيرلاك - الفاكهة المهروسة فى الخلاط - الخضروات المهروسة فى الخلاط - البطاطا المهروسة..

5 - احيانا الطفل يصدر اصواتا و تكون نتيجة ضعف فى الأحبال السمعية و ممكن اعطاءه احدى الفيتامينات..

6 - لمعرفة اذا ما كان الطفل فعلا يرضع من امه و لا لأ...يكون المقياس هنا هل اللبن يتكون و يتجمع فى ثدى الم ام لا لانه لو كان لا سيسبب مشكلة للأم...

7 - طبيعى جدا ان براز الطفل يتأثر لونه بلون بعض الأطعمة كالجزر مثلا....

8 - العسل: ممكن اعطاءه للطفل من 6 شهور و لكن بحساب و بمقدار بسيط حتى لا ينعود الطفل على المذاق الحلو فيرفض بقية الأطعمة....فلذلك بعض الأطباء ينصحوا به بعد السنة...

9 - ممكن ترطيب جسم الطفل بزيت و لابد من حموم الطفل يوميا.

10 - بعض سلوكيات الطفال كالاصرار على مص الشفاة او احدى الأصابع...لابد من استشارة دكتور للسلوكيات الأطفال.

11 - يجب فحص هرمون النوم و نسبته عند الطفل قياسا الى الطول و ليس الوزن..لأن الوزن ممكن يتحكم فيه عوامل اخرى كالأنيميا او فقدان الشهية و لو الوزن اقل من الطبيعى يتم عمل تحليل براز لبيان اذا كان فيه طفيليات او غيره...

12 - فى حالة التؤام: يجب اللجوء الى الرضاعة الطبيعى مع الرضاعة باللبن الصناعى بالتبادل من اول يوم حتى لا تصاب الم بأنهيار عصبى...


13- تطعيم الحمى الشوكية و التهاب الأذن الوسطى هام و ضروروى و معنمد من سنة 2000

14 - الهالات الغامقة عند الطفال...نتيجة السهر و لذلك يجب تنظيم ميعاد النوم لأهمية ذلك فى تنظيم عدد الوجبات التى يجب ان يحصل عليها الطفل خلال اليوم...

15 - الطفل الذى يعانى من مشاكل مزمنة فى الرئه....اكيد سيؤثر ذلك على الرضاعة و غالبا امراض الرئة من الممكن تتحسن اذا تحسن الوزن يعنى لما يزيد الوزن ممكن تحل المشكلة...
و ممكن اسنخدا جهاز النبيوليزر و ادوية توسيع السعب لتحسين التنفس و بالتالى نزود كمية الرضاعة و بالتاللى يزيد الوزن فتقل درجة خطورة المشكلة اللى فى الرئة...

16 - الطفل الذى يعانى ضمور فى المخ : المرض غالبا وراثى و يؤثر على النمو الحركى و البدنى و العقلى للطفل...
و بالنسبة لأكل الطفل فى هذة الحالة يجب الأهتمام بالحبوب و الأرز مع صدور الفراخ - النشويات - الفاكهة و ممكن اضافة اليها الحبوب او البسكويت و على الأقل وجبتين فى اليوم....و لابد من علاج طبيعى لتحسين قدرات الطفل و قدرته على الحركة..

و السلام عليكم:)))

منقول من جروب برنامج كلام من القلب

جزاك الله خيرا يا توتا أنا اتبسطت أوي بالمشاركة ديه عايزين ملخص حلقة النهاردة بقى عشان ماشفتوش و زعلانة خالص

ندى و بوسى ازيكوو وحشتونى
انا بردو محتارة اوى فى موضوع التطعيمات اللى برة الصحة ده بتاع شهر و نص بتاع الروتا و الانفلونزا البكتيرية و سمعت كلام على الروتا مش لطيف بوسى انتى هتعملى ايه هتديهم لحمزة وللا لا
و بتلبسوهم ايه نااو؟؟
و هو البيبى بيقل عمايله للكيكى فجاه انا اعرف انه كل ما يكبر يقل انا بنتى عندها 39 يوم ده ايه كده وللا ده يبقى امساك؟؟؟

ايه يا مشمشة الناس المتخلفة ديه ؟ هما كشفوا نسا عليكي الأول و لا لأ أصلك كنتي بتقولي ان الدكتورة قالتلك انهم بطلو كشف النسا أنا بقا يا ستي حصلي حاجة شبهك الدكتور قالي هاتولدي سيزيريان قبل ما كمل التاسع ب10 أيام و قالي الحوض صغير و مش هايعدي الراس بصراحة كنت مضايقة و مش مصدقاه و باقول يولدني بدري ليه طيب ما يسيبني لآخر التاسع يمكن يجيلي طلق و خلاص يا بنتي ليلتها الساعة 12 لاقيتلك بطني بتوجعتي و حمزة بيتقلص تقلصات قوية جدا أنا افتكرتها حركة بيبي عادية و قعدت طول الليل ما نمتش تقريبا و باقول ده يمكن من البرد لأني كنت مرشحة و بعد الفجر رجعت قلت ده أكيد برد و قلت لجوزي ان بطني بتوجعني و عملي نعناع و بعديها لاقيت الوجع بيجيي تاني و قوي بقى و زي الطلق تيبيكال بيجي و يروح بس تقريبا كنت في الآخر بقى لأن الفرق بينهم كان بقى 5 دقايق أو أقل و على ما دخلت أوضة العمليات كنت باحزق لا ارادي الرحم بينقبض لوحده و قلت للدكتور هانكمل طبيعي و لا سيزيريان قالي لأ برضه سيزيريان فشفت الولادتين يا بنتي يلا الحمد لله بس قاللي بعدها ده البيبي كان نازل بوشه كمان يعني استحالة كنتي تولدي طبيعي المهم يا ستي انتي بترضعيه وقت قد ايه ما تخليهوش ينام منك قبل ماتحسي انه شبع و انه فضى صدرك لو نام بعد 5 دقايق صحيه و بعدين استني لما ينام بعمق و بعد كده حطيه في السرير و هيأيله جو النوم الأوضة ضلمة و هادية و مش حر حتى لو اضطريتي تشغلي التكييف و الدكتور كان بيقول نفكر بايجابية ما تقعديش تقولي مفيش لبن اللبن قليل ده بيبعت رسايل للمخ تقلل اللبن الحلبة و الينسون بالذات مدرين جدا و فيه هيربانا في الصيدلية اللي البنات بيقولو عليه و ان شاء الله خير

طب واحنا بردو منشربش اى حاجه ساقعه لحد الاربعين ولا ايه وبردو انتوا بتستخدموا غسول او اى حاجه لتطهير المنطقه الحساسه الدكتور كان كاتبلي بيتادين بس معرفش استخدمه لحد الاربعين ولا لا انا بقالي اهو 3 اسابيع

انا قصدى حتى الميا كمان مش ساقعه والاكل بردو فيه حاجات ممنوعه لحد الاربعين ولا عادى انا مش حاطه ف دماغي انى في فترة نفاس اصلا وكمان يابنات انا عايزة اشتري كتاب اللى هو في معلومات عن كل شهر للبيبي اجيبه منين واسمه ايه انا شفت في محلات الاطفال زى لافلي ولاف اند كير بس كلهم اللى هو جونسون ومعجبنيش حد يعرف كتب تانيه احسسن

بنت من الزمن ده;12224325:
طب واحنا بردو منشربش اى حاجه ساقعه لحد الاربعين ولا ايه وبردو انتوا بتستخدموا غسول او اى حاجه لتطهير المنطقه الحساسه الدكتور كان كاتبلي بيتادين بس معرفش استخدمه لحد الاربعين ولا لا انا بقالي اهو 3 اسابيع