استفسارات و تسؤلات الامهات عن كل شئ

حد جرب الببرونة لوفى اللى بالمعلقة علشان ناكل بيها الاطفال ؟؟؟؟؟؟حلوة ولالا وبتستعمل مع الاكل السميك زى السيريلاك ولالا

بنت من الزمن ده;12496616:
دكتور مدحت الزيات قال فيتامين د ف الشهر التانى عادى . انا بقى عايزة اعرف الكالسيوم بردو من التانى ولا ايه محدش رد على اسالتى ياقمراات طمنونى بالله عليكوا لا وكمان بقى حصلت حاجه كمان قلقتنى اكتر لما طاهرت يويو الدكتور كتبلو على مسكن كده اسمة دولفين قالي اديه 5 نقط المهم الولد كان بيصرخ فادتهوله قبل ما اقرا النشره بتاعته وبعدين قريتها لقيت مكتوب الجرعه من سنه فيما فوق ومش جيبين سيرت اللى اقل من سنه فشكيت فسالت الصيدلي قالي دولفين ده مش بيتاخد قبل 6 شهور شهر ونص لسه صغير اوى عليه وغلط المفروض سيتال مع انى ولله سالت الدكتور وماكده عليه وقلتله اديلو سيتال قالي سيتال خافض للحرارة انا قلقانه اوى خايفه يعمل حاجه وحشه لاقدر الله :'(:'(

متقلقيش يا حبيبتى فى اتنين دولفين فى 12 جم و 25 جم ال 12 دة لاقل من 6 شهور و ال 25 لل6 شهوؤ فما فوق فيمكن الدكتور كتبلك على ال 12؟ و حتى لو مش كدة بردو متقلقيش من جرعة واحدة ان شاء الله خير و ربنا بيسترها

praivet;12502988:
يابنات في بتاع كده زي اللبن البودرة مكتوب علية مكمل غذائي وفيتامينات كتير كده بيبقا بطعم الفراولة او الشيكولاتة بيتدوب في مية او لبن
عادي ادية لزياد من نفسي ولا لازم اسال دكتور

لالالالا طبعا لااااااااااازم تسألي الدكتور

white angel 85;12500297:


انا جبت التطعيم من صيدلية الوطنية ا للي قدام جامعة فاروس و الدكتور بتاع مومو اللي في مركز طب الاطفال هو اللي حيديهوله ان شاء الله خللي بالك التطعيمات اللي في مركز طب الاطفال مركونة من زمان اوي عندهم

هوا التطعيمات بتتباع ف الصيدليات عادى
هوا فين مركز طب الاطفال دا؟؟؟
و فية دكاترة كويسة و اسمو اية الدكتور اللى انتى بتروحيلة

بنت من الزمن ده;12502690:
وعايزة اسال البيبي بيصلب راسه كده وبتبقى ثابته امتى يعنى تبقى ثابته على رقبته لما نيجى نقعده نص قاعده كده على رجلينا وكمان هو بيفضل قافل ايده وهو نايم لحد امتى بردو لان دكتور مدحت قال ان قفل الايد ده من علامات لين العظام فمش عارفه قصده على اى شهر لانى اعرف ان كل البيبيهات بيبقوا قافلين ايديهم عادى

مش قب 5 شهور البيبى بيصلب راسة لكن بيرفعا من الرابع

راندا;12503464:
حد جرب الببرونة لوفى اللى بالمعلقة علشان ناكل بيها الاطفال ؟؟؟؟؟؟حلوة ولالا وبتستعمل مع الاكل السميك زى السيريلاك ولالا

اة انا جربتها و حلوة و عملية اوى
و بتستعمل مع الاكل البورية المهروس عاتى لان الببرونة طرية و بتضغطى عليا فالاكل بينزل منها

white angel 85;12500297:



مدحت الزيات قال على النوع اللي 3 جرعات ده انه خماسي يعني بيقي من 5 انواع

بصي يا بيبو اصلي قريت على النت ان الروتا ريكس اتوقف من شهر 3\2010 حتلاقي الكلام دا على ال وكيبيديا
فمش عارفة انا حايرانة جداااااااااااا بفكر اخليني في الروتا تك وخلاص

بصى اي توتا ده جدول التطعيمات بتاع مدحت الزيات

كاتب فيه الروتا ريكس وعلى جرعتين
وهم بيدوه عادى فى المصل واللقاخ ماتوقفش
وفعلا الروتا تك بيحمى من 5 لكن الروتا ريكس بحمى من 1
عامة اسألى الدكتور بتاعك برضه
وانا لما اروح للدكتور هبقى اتأكد منه تانى مع ان خلاص فات الاوان بس انا فاكرة انه كان قايلى على الروتا ركس بس ابقى اتأكد تانى مش مشكلة

وده جدول تانى برضه تقريبا بتاع المصل واللقاح عشان مكتوب عليه اسمهم وبرضه فيه جرعتين بس للروتا

m@hy;12503993:
هوا التطعيمات بتتباع ف الصيدليات عادى
هوا فين مركز طب الاطفال دا؟؟؟
و فية دكاترة كويسة و اسمو اية الدكتور اللى انتى بتروحيلة

قدام جامعة فاروس في سموحة

انا بروح للدكتور جمال غريب كل يوم موجود من 1-4 ومن 7ونص-10

ماعدا الاتنين والخميس موجود الصبح بس

التطعيمات في الصيدليات الكبيرة بس







بيبووووووووووووو حيرتيني :confused:
الدكتور لسه قايلي اي واحد فيهم كويس يعني الاتنين كويسين:thumbs_up:

بنات بليز اللي جربوا كريم درما بيور أحسن ولا بالمرز استرتش ماركس أحسن؟ لاني عايزه ابدأ خلاص أنا في آخر السادس..

كمان اللي جرب منتجات من افنت يقولي اجيب منها ايه كويس وأسعارهم كمان بليز؟

و حد جرب البريست بادز بتاعتهم اللي هي بتتغسل و طلعت حلوة؟

مرسي ياماهى ربنا يخليلك دودو يااارب انتى قصدك بيرفع راسه يعنى من الرابع وبيرفعها ازاى يعنى اصل ماما بتقولى هى مال راسه مش ثابته ليه بقولها طب بتثبت امتى قالتلي يعنى على شهرين فخوفتنى بس شكلها بقى مش فاكرة حاجه وانتى ياجميل كنتى بتدى دودو الكالسيوم يعنى قبل الشهر التالت ولا بعده معلش حاولي تفتكري ياقمر اصل بجد قلقانه اوى وبالله عليكوا يابناات اللى تعرف الكالسيوم ممكن يتاخد من الشهر الكام تقوللي او حتى لو عرفتو تسال دكتورها وربنا يخليلكوا بيبيهاتكوا يااارب

توتا مش عارفة بقى شوفى براحتك اللى يريحك انا قولتلك اللى اعرفه :)

دينا أم يوسف :) بصى يا جميل لو يوسف رجليه مقوسة بسيط دى حاجة عادية وكل الاطفال كده انا بنتى كده برضه وورتها للدكتور قالى معظم البيبيهات كده وهى بتتظبط مع الوقت ان شاء الله لا تقلقى

أم يـاسـيـن العسل;12492706:
بنات سؤال بقى انا كمان ضرورى جداااااااااااااااا

دلوقتى يويو 4 شهور وعايزه فيتامين د اديله اسمه ايه بقى ؟؟

عشان اتصلت احجز عند الدكتور قالولى بعد 18 يوم لسه اول كشف

حاجه تشل يعنى

فا قولولى اسمه اديهوله عقبال ما اروح للدكتور

انا عايزه فيتامين د3 مش بتاع حديثى الولاده

جوجو بتاخد فيدروب فيتامين د 3 والكالسيوم هاي كال.

Jumanaa;12492797:
حلو اوي الموضوع ده موسوعه بجد
سؤال انا والده قيصري هل ممكن الولاده التانيه تكون طبيعي انا عارفه ان المتعارف عليه ان اللي ولدت قيصري الباقي كله قيصري وايه الخطوره لو تاني مره طبيعي

اه عادي يا جميلة، دكتورتي قالتلي في خلال سنة ممكن يبقي في حمل تاني وعادي لو وضع البيبي يسمح بالطبيعي مفيش اي مشكلة، زمان كانوا بيخافوا اه وكان الموضوع فيه قلق وحتي كانت الفترة بين الحملين لازم تبقي اطول من كده سنتين علي الاقل، لكن دلوقتي عادي خالص.
إلا بقي لو اصلا المشكلة كانت في الحوض مش البيبي، يعني الحوض نفسه صغير او ضيق فكده كده هايبقي كل الولادات قيصري.

hoba555;12493325:
للاسف يا جومانه مش صح خالص ان الواحده تولد طبيعي بعد القيصري
لان ممكن لاقدر الله تحصل مضاعفات في الرحم

اثناء الطلق والولاده ولاحظي ان الجزء ده متخيط واغلبيه الدكاتره طبعا مش بترضي انه ت تعمل كده وتاخدالمخاطره دي

لا يا هوبا عادي والله وسمعتها من ناس كتيرة اوي، المكان بيبقي خلاص التحم كويس جدا ومفيش اي مشكلة مادام استنوا لفترة كويسة لكن لو ورا بعض يبقي طبعا استحالة.

m@hy;12493590:
لا مش لدرجة العياط يا ايمى بيكون استغراب بس و بعدين هيتعودوا

انا اديا بيبي فيت و نوع تانى اسمةبوليفيت بس دا من الشهر التانى و الحمد لله دكتور مدحت الزيات لسة قايل كدا
هوا لما بيكبر بيتغير الفيتامين؟ و بيكون تركيز فيتامين د بيكون اكتر
اصلك بتقولى فيتامين د 3
انا بدى كالسيوم بيديكال و موجود فية د3

مش عارفة جوجو فضحتني يومها لما جيت اجربها، بصي انا قلت اجيبها عشان اجرب الزبادي فيها علي اساس هاينزلها اسرع من المعلقة العادية، قلت اجرب يمكن المشكلة مش في الزبادي وتكون عشان بتاكل بالراحة مش زي ما هي متعودة علي الرضاعة او الببرونة بسرعة.
بس لما جربتها بقي حطيت فيها سريلاك يعني بتاكله عادي في الطبيعي وكويس، لقتها بتعيط بالدموع وصريخ ومتضايقة اوي ومش طايقة وحاولت كذا مرة وهي بردو كده وبقيت بنزلها بسرعة عشان متحسش بالفرق وبردو متضايقة، قمت نقلاه تاني في الببرونة العادية فاخدته وهديت :sick::sick: يعني مشكلتها بقي في نظام الاكل بالمعلقة مش الزبادي ولا الحاجة نفسها، اعمل فيها ايه بقي دي.
جوجو كانت بتاخد فيتامين د 3 من الشهر الرابع والدكتور قاللي لما تبدأ الخامس هتكمليلها منه وتديها بقي جنبه كمان الكالسيوم.

بنت من الزمن ده;12502690:
مرسي اوى ماهى ووايت انجيل انا معملتش تحليل كالسيوم بس الدكتور ورانى ايده ورجله فيهم تقوس شويه وراسه فيه حته داخله لجوة شويه والعصبيه والتحذيق ده بردو قالي من علامات نقص الكالسيوم , يعنى دكتور مدحت الزيات قصده الكالسيوم من السادس وفيتامين د هو اللى من التانى . طب حد يعرف عياده دكتور مدحت الزياات فين اروحله ولله وكشفه بكام ؟
وعايزة اسال البيبي بيصلب راسه كده وبتبقى ثابته امتى يعنى تبقى ثابته على رقبته لما نيجى نقعده نص قاعده كده على رجلينا وكمان هو بيفضل قافل ايده وهو نايم لحد امتى بردو لان دكتور مدحت قال ان قفل الايد ده من علامات لين العظام فمش عارفه قصده على اى شهر لانى اعرف ان كل البيبيهات بيبقوا قافلين ايديهم عادى

موضوع الرجل ده ماما قالتلي بردو علي جوجو وكانت مصرة اني اسأل الدكتور بتاع الاطفال او عظام، وانا رحت للاتنين المهم مع انها مكنتش ملحوظة خالص اصلا يعني بسيط موووووووووووت وكمان كل الاطفال معرفو بيبقوا فيهم النسبة دي وهما صغيرين، فالدكتورين قالولي متقلقيش خالص وهي زي الفل ودي حاجة عادية جدا وهتروح مع الكالسيوم ومع الوقت وكلهم كده.
وبالنسبة لراسه انتي قصدك الجزء اللي فوق؟
لو كده فده طبيعي لأنها بتبقها العظم فيها لسه مقفلش وبيقفل واحدة واحدة لغاية سن سنة، اوعي تضغطي عليها او تلعبي فيها، حتي هتلاقي باين فيها النبض بتاعهم كده منها.

بنت من الزمن ده;12504745:
مرسي ياماهى ربنا يخليلك دودو يااارب انتى قصدك بيرفع راسه يعنى من الرابع وبيرفعها ازاى يعنى اصل ماما بتقولى هى مال راسه مش ثابته ليه بقولها طب بتثبت امتى قالتلي يعنى على شهرين فخوفتنى بس شكلها بقى مش فاكرة حاجه وانتى ياجميل كنتى بتدى دودو الكالسيوم يعنى قبل الشهر التالت ولا بعده معلش حاولي تفتكري ياقمر اصل بجد قلقانه اوى وبالله عليكوا يابناات اللى تعرف الكالسيوم ممكن يتاخد من الشهر الكام تقوللي او حتى لو عرفتو تسال دكتورها وربنا يخليلكوا بيبيهاتكوا يااارب

بيرفعها يعني بيكون نايم عادي علي ضهره او علي ايديكي وتلاقيه بيبقي عايز يقوم كده ويرفعا راسه ويبص وكانها هايقوم بجسمه، وكمان هي مامتك نسيت ولا ايه، ده طبيعي جدا يا بنتي ان راسه تفضل مش ثابتة كده في السن ده لسه بدري شوية، لسه صغير، يعني جوجو لسه بتعمل كده لغاية دلوقتي بس طبعا قلت شوية عن وهي صغيرة يعني بقت اقوي دلوقتي بس لسه بردو مش ثابتة خالص، بتعرف تثبتها فترة وبعدين تتهز منها تاني وحسب ما انا شيلاها ازاي.
الكالسيوم دكتور جوجو قاللي من بداية الخامس

راندا;12503464:
حد جرب الببرونة لوفى اللى بالمعلقة علشان ناكل بيها الاطفال ؟؟؟؟؟؟حلوة ولالا وبتستعمل مع الاكل السميك زى السيريلاك ولالا

انا رائى بلاش تعودى البيبى عليها عشان ميرفوضش المعلقه الاحسن يتعود عالطبيعى عشان معذبكيش بعد كدا عشان العيال بتكسل واللى بيتعودو عليه هو ده اللى بيعزوه بس
وكمان عالشهر السادس حاولو تهرسوا الاكل بالشوكه مش الخلاط عشان العيال تتعود ان الاكل مش سايل بس ممكن يكون فى حتت نونو خالص
يعنى مثلا التفاح اسلقوه جامد واهرسوه بالشوكه احسن عشان يتعودو عالاكل الصلب شويه

المعلقه اللى ببرونه ممكن تنفع فالخروج بس
000000000000000000000000000

انا بدى نانو كالسيوم وفيتامين د الاتنين فى واحد من الشهر السابع ادتها اول شهر بيديكال وتانى شهر الدكتور قالى كالسى كال احسن وادتها حديد نقط
كان فى دكتور قالى ابدئهم من الخامس لحد سنه ونص بس خفت وبدئت من السابع

ونانو بتجننى لحد متاخد الكالسيوم بتعرف ريحته رغم انى بحطه عالمايه بس الحديد بتخدو كويس مش بترخم قوى لانه ربع قطاره وبالكراميل
وسمعت دكتور مدحت الزيات بيقول ان الفيتامين والكالسيوم اللى بيخدو الاطفال من غير تحاليل ده عشان وقايه مش علاج ومهم ليهم

انتو بئا بتعملو ايه عشان تدو الفيتامين من غير رخامه لان جرعته 5 سم ونانو بتجننى لحد متاخدهم

ايه رايكم فى الزبادى بالفواكه انا سمعت مدحت الزيات بيقول ان ممكن اديه من سن 9 شهور تقريبا

يعطيج العافيه اختي

سلام عليكم ازيكم يا بنات انا عندى سؤال ليكم بنتى دلوقتى عندها شهر ونص ما شاء الله وشعرها من ادام كده فيه قشره وكمان حواجبها وبين حواجبها ياريت حد يقولى ازاى اعالجها لان مبوظه وشها خالص

crazy ananas;12512563:
انا رائى بلاش تعودى البيبى عليها عشان ميرفوضش المعلقه الاحسن يتعود عالطبيعى عشان معذبكيش بعد كدا عشان العيال بتكسل واللى بيتعودو عليه هو ده اللى بيعزوه بس
وكمان عالشهر السادس حاولو تهرسوا الاكل بالشوكه مش الخلاط عشان العيال تتعود ان الاكل مش سايل بس ممكن يكون فى حتت نونو خالص
يعنى مثلا التفاح اسلقوه جامد واهرسوه بالشوكه احسن عشان يتعودو عالاكل الصلب شويه

المعلقه اللى ببرونه ممكن تنفع فالخروج بس
000000000000000000000000000

انا بدى نانو كالسيوم وفيتامين د الاتنين فى واحد من الشهر السابع ادتها اول شهر بيديكال وتانى شهر الدكتور قالى كالسى كال احسن وادتها حديد نقط
كان فى دكتور قالى ابدئهم من الخامس لحد سنه ونص بس خفت وبدئت من السابع

ونانو بتجننى لحد متاخد الكالسيوم بتعرف ريحته رغم انى بحطه عالمايه بس الحديد بتخدو كويس مش بترخم قوى لانه ربع قطاره وبالكراميل
وسمعت دكتور مدحت الزيات بيقول ان الفيتامين والكالسيوم اللى بيخدو الاطفال من غير تحاليل ده عشان وقايه مش علاج ومهم ليهم

انتو بئا بتعملو ايه عشان تدو الفيتامين من غير رخامه لان جرعته 5 سم ونانو بتجننى لحد متاخدهم

انوسة فينك مش باينة قلقتيني عليكي؟؟؟؟؟؟؟

ممكن تحطيهولها علي العصير مثلا


انا عايزة اسأل علي البيبرونة اللي فيها معلقة دي ايه تكنيكها بالظبط يعني مش فاهماها ؟؟؟؟؟

love kingy;12514288:
سلام عليكم ازيكم يا بنات انا عندى سؤال ليكم بنتى دلوقتى عندها شهر ونص ما شاء الله وشعرها من ادام كده فيه قشره وكمان حواجبها وبين حواجبها ياريت حد يقولى ازاى اعالجها لان مبوظه وشها خالص

هو هايروح لوحده اطمني
وممكن تدهنيلها زيت زيتون وتستني نص ساعة وللا ساعة كدة وتسرحيلها بالمشط بتاعها بالراحة وبعدين تحميها بقي

sosiii-cat;12478259:
اه ونسيت اقوللكوا كمان بيقوللي الزبادي مش قبل سنة ونص ^o)^o)^o)^o)^o)
وانا بقالي شهر بديلها زبادي كل يوم كل يوم
الدكتور دة اول مرة اروحله ماروحلوش تاني وللا ايه ؟؟؟؟؟؟؟؟؟؟

شكراً يابنات اللي ردوا علي في موضوع اللبس

doaaes وكتكوتة ايمي

وبيبو وسوسي


جزاكن الله خيراً يارب

بنات انا لسة جاية أسألكوا عن فيتامين د لاقيتكوا بتتكلموا عنه

يعني أجيبه اسمه ايه وكام نقطة دلوقتي؟