بنات البحرين تعالوا وحكموا علي

ههههههه اللي يسمعهم على كل هالبلبله يقول انه في شي جآيد مستوي
انتي سكتي عن حقج وآايد
المفروض مآتسكتين وتتكلمين ان شالله لو شنو

بعدين حبيبتي انتي غلطتي
المفروض مآتروحين لمركز الا ومعآج أبوج أخوج عمج ولد عمج أي حد المهم ريآل
مب اتروحين انتي وبنت عمتج عقب امج اتيي للمركز

جذي اهم بيآكلون حقج زوود

وسآلفة الصور
ليش لحين سآكتته !

روحي اشتكي عند أي حد
خذي أبوج ولآ أخوج وريحي ويآه واشتكوآ

روحي زين عند نفس الحرمه
وقوليلهآا انج تبين اثبآت ضروري

عقب اشتكي

نفآاااد فالبلآك بيري .. أهم شي صورج وصور بنآت هلج وربعج معآج
هاي سمعه مب لعبه

وعن زين .. مآظنتي شركه شكبرهآ ولهآ سمعتهآ تسرق تلفونآت !


الله يكون في عون شعب البحرين
والله يفرج عنكم جريييب ان شالله

الله يعيينج حبيبتي ..

وحمد لله على سلامتج ..!

زين دخلتي وطلعتي سالمه من هناك كل من دخل مفقوود ..!!

اما التلفون العوض عنه اكيد ..

حبيبتي ماتروحين مكان

هاي البحرين .. لو شنو تسوين بيطلع لج واحد من الكبارية وبدوسج داسه ربه

الحين صورج مارضوا تفر متين الجهاز عشانهم لان جهاز ضابط!!!

مافي حق ولا عدل ابدا

شكواج لر بج بس

الف حمد لله على سلامتش خيوو
القضية حدهااا غريبة بصرراحة وكل شي يجوز في هالدنيا البلاوي تجيك لعند باب البيت
واني جى في بالي ان يمكن احد يشتغل في زين بدل الجهاز يعني اخذ جهاز من الشركة وحط مكانه هذا الجهاز المسروق والشركة ما تدري وصارت هالسالفة كلهااا
ترى كل شي يجووز

وروحي كلمي كذا جريدة واكيد بتحصلين احد ينشر سالفتش

محرقية من قلب;12108403:

باااااااااااااااااااااااااااااااااال لا حول ولا قوة الا بالله العلي العظيم

اولن الحمدلله اللي فكج من شر المركز ,, هذولي عالة على المجتمع مو لخدمته صراحتن لانه يعاملون كل متهم بأنه جاني

حسبي الله عليهم ونعم الوكيل

بما اني عميلة عند زين وعندي بلاك بيري ,, السؤال اللي ينطرح ,, واللي انتي اتوقع غفلتي عنه ,, شنو دليل المركز انه هالتلفون مبيووووووووووووووق ؟؟؟؟؟؟؟؟

اذا حضرة الضابط مضيع تلفونه ,, يشتري غيره يعني الا لازم يبي يقول انه احد باقه

اذا زين مسجل عندهم انه لج وبأسمج ,, اشلون الشرطة صادوا رقم تلفونج من بد كل الناس اللي عندها بلاك بيري ؟؟؟؟؟؟؟؟؟؟؟

هاذي التساؤلات اللي طرت في بالي وانا اقرا قصتج لانه ماعندهم دليل قاطع انه انتي بايقته

وبعدين اهم بنفسهم يقدرون يجيكون الكاميرات بزين لانه كل فرع مجهز بكاميرات مطورة لكل زائر وعميل بالمحل ,, يعني المفروض تاكل تبن وتسكت >> سوري بس عن جد هزلت وانبطت جبدتي

ماعندهم لا ادلة قاطعة ,, ولا عندهم اي اثبات يثبت انج بايقته ,, اشلون انتي يصيدج جذي ,, خو الحين حتى الياهل عنده بلاك بيري ,,

الظاهر والعلم عند الله سبحانه احد اختي واز عليج ,, او لج ناس تبي لج الاذية لانه اللي صار مايدش المخ ,, خو بنات الناس مو لعبة وراج سمعة واهل اشلون يركبونج الجيب ,, وبعدين كان المفروض تتأكدين انه عندهم تصريح انه يركبونج الجيب !!!! ,, حشه ولا راعية مخدرات حسبي الله عليهم دنيا وآخرة

اللي لازم اتسوينه بسيط ,, روحي جريدة الوسط واشتكي عليهم هناك

وودي معاج اللازم ,, اوراق تثبت انه التلفون لج ,, ورقم المحضر والتاريخ ,, وقولي لهم آبي اعرض مشكلتي بالصحف وجوفيهم شيردون عليج

وعسى الله يرد عنج كل شر وآذية ويوفقج ان شاء الله

تقبلي مروري ,, اختج محرقية

أني مع كلام الاخت محرقية

شلون مافكرتين بالأسئلة الشرطة من وين جابت رقمش ؟؟

لازم تروحين تاخذين تلفونج

ويش دراش شنو يسوون في تلفونش ؟ يشوفون الصور ؟ مافي امان لو ان شاءالله قالت لج
منخلي اخت الضابط تمسحهم ويش دراش مابشوفونهم وخصوصاً اذا كنتوا بدون حجاب !!!

الله يعينش اختي ... عورتين قلبي

سلام عليكم

اختي اسمحي لي بس الي صار كله من البداية انتي غلطانه فيه لانج رحتي اولا بدون احد يعتمد عليه!! شلون تدخلين مركز شرطه بدون رجال يسندك او يساعدك في راي او مشورة وانتي رايحه من غير ماتدرين شنو السالفة اصلا!!

وبما ان السالفة صارت ورحتي المفروض ماتركبين معاهم الا اول تتصلين لاحد .. والله انتي بحرينية وتدرين بوضع البحرين مافي امان ولا 1% الحين

والغلط الثالث الي سويتيه وهذا الي ممكن ياكلون حقج بسببه هو التوقيع على المحضر وكأنج شاهدة!!!!!!!!! شلون تصير ذي؟؟؟ اتهموج وبهدلوج وتوافقين ؟؟

الحين انا اقول لج 100% اذا ماعندج واسطه قوية في الداخلية مابيطلع لج حل في هالديرة
اما اذا حصلتي واسطه يمكن على الاقل تحصلين التلفون او الكارد عشان تمسحين صورج

اما بدون واسطه فشركة زين اتوقع مالها دخل و لابتسوي شي غير انها تعطيج افادة او شي ان التلفون من عندهم وياريت لو تروحين باسرع وقت عشان تلقين نفس الموظفة ويسوون لج حل

+ لازم تروحين تستشيرين محامي عشان تعرفين شلون تتصرفين.. خصوصا وانج قلتي ان التلفون هم يقولون مال ضابط يعني الديرة كلها بتوقف وياه وانتي بيقطونج على صخر على قولتهم حتى لو الحق معاج

الله يوفقج ويسهل امورج واعذريني لو كلامي ماعجبج بس نصيحة في البحرين مرة ثانية لا تسوي اي شي جذي بهالخطورة بدون استشارة او احد وياج لان مو كل مرة تسلم الجرة يا اختي

تحياتي

الحمد لله على سلامتك حبيبتي

جوفي انا مقريت ردود البنات لانه انصدمت من الموضوع واحس مخي انشل

الموضوع الحين واهم شي في الموضوع صورج وصور اهلج ماتدري انتي السالفه ترا مشكوك فيها واحس انه الموضوع فيه انه

وبعدين شهالمعامله الي يتعاملون فيها يعني صج السجن فيه مظلومين وابرياء مالهم ذنب

بس الله على كل ظالم


بس لاتسكتين الموضوع فيه صورج الحين لاتسكتين وروحي اشتكي وكتبي هالموضع في الجريده مو بس عشان زين ينتبهون عشان انج انتي هم مظلومة

والله يوفقج

انا كنت من اوائل الي ردوا عليج وعطيتج رائي وردي
اما الحين بعد ما شفت رائي بنات البحرين وعرفت ان مافي شي اسمه قانون وياكم
وان الوووواسطه فوق كل شي
بقولج شو تسووووووووووووووين
افضحيهم مثل ما فضحوج وبعدين انتي بنت ولج سمعتج
اسمعيني
اولا انشري الموضوع في الجريده واذا الجريده رفضت تنشرها لج
عليج بالنت
انشري سالفتج بالنت
شوفيلي موقع سياسي يعالج القضايا السياسيه ودخلي فيه وكتبي سالفتج
وقولي لهم ان انتي عندج الادله والاوراق الثبوتيه على سبيل المثال عندج موقع ساحه العرب
وبعدها ابغيج تنشرين الموضوع في الايميل وترسليه لكل الي عندج ووصي الي عندج يرسلوها لكل الي عندهم
عشان تنشر السالفه وينفضحوووووووووووووون
وابغيج تكتبين اسم الشرطيه الي بهدلتج واسم المركز واسم شركه زين
اكتبي كل شي بالتفصيل
واذا عندج صور من الضمان ارفقيها بعد بس امسحي اسمج عليهااا
والله اختي ما تتصوري كيف تعاطفج وياج
وخليت نفسي في مكانج وشفت انها اشكثر صعبه وخاصه ان كلام الناس ما يرحم
ربي ينصرج عليهم يارب وتاخذين حقك منهم يارب

في شي مو فاهمته من القصة

الحين في البداية انتي قلتي ان الجهاز مطلعته حق وحدة عزيزة عليج طالعة من المستشفى

وبعدين قلتي انهم اتصلو حقج

شلون يتصلون حقج والتلفون مال رفيجتج؟؟

كل اللي فهمته من القصة ان التلفون كان عندج انتي

مو عند اللي شارية لها التلفون

مرحبا اختي
الحل الوحيد انش تفضحينهم في الجرايد
عندش جريدة الوسط تقدرين اتروحين و راح ينشرون قصتش و ان شاء الله بتحصلين
كل حقوقش و رد اعتبار و الصور اهم شي
و اذا تبين راسليني لان صديقتي صحفية في الجريدة فممكن تكتب لش الموضوع
و ان شاء الله بتاخذين حقش منهم

لا حول الله خلاص طلع من خاطري البلاك بيري..
حبيبتي التهمة مدبرة حقج من عدو لج .. والله اشمعنى انتي ؟؟!!
ولازم اطالبين عن حقج وردين اعتبارج واتشرشحين الشرطية والظابط لأنه والعلم عند الله ان هم متفقين ومدبرين كل شي ..والله الشرطية الخرى يوم انكشفت في زين وعرفت انه الجهاز جهازج وانتي شاريته وتدفعين اقساطه ما لها اي حق تأخذه منج وذي الي باط جبدي شلووووووووووووووووون..
فضحيهم ولعبي بحسبتهم..
والله يعينج يا حبيبتي

رٍوٍـــآنٍ;12113983:
في شي مو فاهمته من القصة

الحين في البداية انتي قلتي ان الجهاز مطلعته حق وحدة عزيزة عليج طالعة من المستشفى

وبعدين قلتي انهم اتصلو حقج

شلون يتصلون حقج والتلفون مال رفيجتج؟؟

كل اللي فهمته من القصة ان التلفون كان عندج انتي

مو عند اللي شارية لها التلفون

اختي انا بعد عندي استفسار بخصوص هالنقطه
انتظر الرد علشان اقولج شو تسوين في الخطوه الي بعدهاااااااا
لان بالفعل ليش انتي قلتي ان الجهاز مطلعته حق وحدة عزيزة عليج طالعة من المستشفى وبعدين طلع ان انتي الي تستخدمي التلفون شي يحير:I:

فجر عمان;12115061:
اختي انا بعد عندي استفسار بخصوص هالنقطه
انتظر الرد علشان اقولج شو تسوين في الخطوه الي بعدهاااااااا
لان بالفعل ليش انتي قلتي ان الجهاز مطلعته حق وحدة عزيزة عليج طالعة من المستشفى وبعدين طلع ان انتي الي تستخدمي التلفون شي يحير:I:

انا بقولكم انا شريت هذي التلفون هديه لبنت عمتي وان التلفون كان بأسمي لان ادفع اقساط شهريا من جذي طلبوني انا وبنت عمتي راحت معاي لما دخلت على الشرطيه الا تسألني عندج بلاك بيري بأسمج انا قلت لها اي فخذيت التلفون من عند بنت عمتي وعطيتها الشرطيه فمن جذي الحين تبين لكم اللي ما كنتوا فاهمينه :'( والله شئ يضايق الصدر حتى ان بنت عمتي قعدت اتصيح تقولي انا سويت لج مشاكل بس خلاص ما تبي اي تلفون بس انا باخذ حقي وحقها باذن الله ادعولي :(

السلام عليكم ورحمة الله وبركاته..
أولاً أحب أشكر جميع الأعضاء الي تابعوا موضوعي و أشكرهم على وقفتهم الحميمه معاي.

حبيت أخبركم أني بعد ما سمعت تعليقاتكم أمس و أخذت بنصائحكم فا رحت اليوم لشركة زين قلت لهم يا جماعة الخير أبي تلفوني ردو تلفوني وقلت قصتي كلها للموظفة تبع الكستمر سيرفيس والموظفه قالت لي مب من حق الشرطه أنهم يخذون تلفونج وبعدين راحت الموظفه عند المسؤول ولا المدير ما أدري بس راحت وخلتني انتظرها ورجعت لي بعد ربع ساعه اهيه مع البنت الي سلمتني التلفون وعطوني ورقة رسميه من عندهم أن هذي التلفون تلفوني وأنه مب مسروق وقالت لي أحنا مصرين ومتأكدين أن هذا التلفون تلفونج وأن مب مسروق وعطتني نسختين من الورقه وقالت لي روحي المركز وعطيهم اياه وقولي لهم هذي اثبات أن التلفون تلفوني ورجعو لي أياه أذا رجعوه زين أذا ما رجعوه روحي فرعنا الرئيسي إلي في ضاحية السيف وهناك المحامي تبع الشركة موجود خبريه علشان يتابع الموضوع معاهم ويرجع تلفونج من عندهم .
المهم أنا توجهت إلي المركز وقلت لهم هذي الأثبات أن التلفون تلفوني قالوا لي لا أحنا ما نقدر نرجع التلفون لأنه عليه قضية سرقه قلت لهم أوكي عطوني رسالة يعني أثبات من عندكم أنكم استلمتوا التلفون وأثبات ثاني أن هذي التلفون تلفون الضابط يعني عطوني نسخة من فاتورته أو نسخه من رقمه التسلسلي بعدين قعدت ساعة ونص عندهم أنتظرهم وهم قاعدين يتجولون من مكان إلي مكان لين أخرتها سلموني ورقة نفس الشهادة مكتوب فيها أن أهم استلموا من عندي تلفوني لأن كان مسروق وبعدين خذيت هذي الورقة وكان الوقت متأخر لأن الله يهديهم نقعوني عندهم وخلوا الوقت ينتهي .
بعدين قلت ما في الأ يوم الأحد أروح شركة زين إلي في ضاحية السيف ومره وحده بقابل محامية علشان الأستشاره نفس ما قلتوا لي.
أما بنسبة للأعضاء إلي قالوا لي أنشري هذي القصة في الجرايد أشكرهم من خالص قلبي على هذي النصيحه بس أنا أقول خلني اسوي كل شي عن طريق العدل والقانون وإذا جفت ما في حل بروح للجريده وبنشر هذا الكلام مع اضافة إلي بيصير معاي.

مع الشكر الجزيل للجميع
وبالتوفيق للجميع أن شاء الله

مرحبا ماعندي جواب لاني مومن البحرين لكن ماحبيت اطلع من غير رد تقبلو مروري

sfar;12115209:
انا بقولكم انا شريت هذي التلفون هديه لبنت عمتي وان التلفون كان بأسمي لان ادفع اقساط شهريا من جذي طلبوني انا وبنت عمتي راحت معاي لما دخلت على الشرطيه الا تسألني عندج بلاك بيري بأسمج انا قلت لها اي فخذيت التلفون من عند بنت عمتي وعطيتها الشرطيه فمن جذي الحين تبين لكم اللي ما كنتوا فاهمينه :'( والله شئ يضايق الصدر حتى ان بنت عمتي قعدت اتصيح تقولي انا سويت لج مشاكل بس خلاص ما تبي اي تلفون بس انا باخذ حقي وحقها باذن الله ادعولي :(

مشكوره حبيبتي على التوووووووووضيح
ونحن وياج لين ما تاخذين حقج
واذا انتي على حق لا يضيق صدرك لان الله معاج اختي
والحلو في الموضوع ان شركه زين واقفه ويااااااااااج
ويارب تتسهل لج امورج وترجع لج حقوقج يارب
لاتنسي تخبرينا شو يصير وياج يوم الاحد
نحن كلنا وياج ولا تضعفين في يوم من الايام

فجر عمان;12116049:
مشكوره حبيبتي على التوووووووووضيح
ونحن وياج لين ما تاخذين حقج
واذا انتي على حق لا يضيق صدرك لان الله معاج اختي
والحلو في الموضوع ان شركه زين واقفه ويااااااااااج
ويارب تتسهل لج امورج وترجع لج حقوقج يارب
لاتنسي تخبرينا شو يصير وياج يوم الاحد
نحن كلنا وياج ولا تضعفين في يوم من الايام

ان شاء الله يا فجر عمان والله كلج ذوق واخلاص واحساس الله يوفقج دنيا واخره وان شاء الله بخبركم عن اخر التطورات