تجمع استفسارات بنات الجزائر و المغرب العربي كاكل

اختي ياسمين اذا عرسك مش قريب بزاف جربي وصفات طبيعية
هي صح النتيجة تطول شوية باش تظهر ولازملها مداومة
ولكن يبقى الطبيعي اضمن وأأمن
ان شاء الله البنات يساعدوك

باقي على عرسي أقل من 3 شهور، أنا جربت بعض الوصفات الطبيعية بصح مالقيت حتى نتيجة، حابة نكون واثقة من روحي في العرس تاعي ما بقالي غير نجرب الكريمات و من بعد العرس نولي للخلطات الطبيعية.

اوكي اذا هكذا لازم تجربي الكريمات لانو مفعولها سريع على عكس المواد الطبيعية
نستناو البنات بالاك كاش وحدة تعرف
موفقة ومبروك عليك

الله يبارك فيك شمعة إن شاء الله أخواتي يفيدوني.

كاين كريم super rose عندو مفعول رااااائع في التبييض لكن ما نقدرش نأكدلك أختي على أنو آمن ولا لا ( العلبة ب 200 دينار )

مشكورة إشراق ، هذا الكريم نلقاه في الصيدليات؟

العفو أختي ياسمين

الصيدليات مانيش عارفة بصراحة بصح انا شفتو في حوانت الكوسميتيك و les parapharmacies

ربي يحفظك ختي إشراق.

وينكم يا بنات بلادي؟

اذا عندك سؤال تفضلي أختي ياسمين راح نحاولو نساعدوك

و تقدري تكوني معانا في شات الجزائريات في قسم شات عروس

نتمنى تجاوبوني يا خواتاتي و تعطيوني أسامي كريمات تبيض محتاجتهم بزاف.

اختي ياسمين انا نعرف الكريمات المشهورة عندنا في دزاير كيما super rose اللي قتلك عليها أمس و sherly و fair and lovely كامل يبضوا و يصفوا الوجه بصح نخاف تكون فيهم كورتيزون ولا مواد اخرى خطيرة و انتي قلتي تحوسي على مواد آمنة بصح لازمك تعرفي باللي اي كريم ولا حاجة ماشي طبيعية أكيد راح تكون فيها نسبة تاع خطر و ما شكيتش كاين كريم آمن 100/100

بصح كاين قناع الطين تاع البحر الميت اذا بشرتك دهنية ماسك جاهز يتباع في علب بلاستيك شفافة روووووعة يورد الوجه ويصفيه وطبيعي بلا اخطار

علابالي ختي إشراق بصح مظطرة لا مخيرة. أنا حابة الكريمات اللي تبيض الإبط و الأماكن الحساسة.

السلام عليكم
بارك الله فيك سوسو على الفكرة..
يابنات معاكم سلمى من سطيف وعرسي ان شاء الله بعد اسبوعين اريد نصائحكم فيما يخص العناية البشرة والشعر..
شعري ناعم وطويل بزاف وراني حايرة كيفاش ندير لانو كي عاد طويل قالولي لازم الحفافة تنقصلك منو باش تقدر تمشطلك وانا مانيش حابة نقصو..

تاني لون شعري بني طبيعي وحابة ندير ليماش كيفاش نديرهم خفاف ولا قاويين يعني خشان ولا رقاق ؟

شكون لي عندها قناع للبشرة؟

تحياتي حبيباتي

اختي اذا تحوسي على كريمات لازم تستعملي كريمات ضد اشعة الشمس انتيسولاي
افضلهم "vichy مليحة بزاف صنع فرنسي وكاينة الاصلية وكاينة المغشوشة الاصلية سعرها 160 الف سنتيم استعملتها مليحة بزاف
واذا كنتي تحوسي على كريم التبييض استعملي ايديال فير تتباع عند الكوسميتيك وتاني الصيدلي
وقناع طبيعي يبيض البشرة نشاء + ماء ورد تحطيهم على الوجه وتغسلي بعد 20 دقيقة مرة في الاسبوع
افضل من لحوايج الاصطناعية
تحياتي

ياسمين الجزائر;12520897:
نتمنى تجاوبوني يا خواتاتي و تعطيوني أسامي كريمات تبيض محتاجتهم بزاف.

:I:

السيدة سلمى;12521846:
السلام عليكم
بارك الله فيك سوسو على الفكرة..
يابنات معاكم سلمى من سطيف وعرسي ان شاء الله بعد اسبوعين اريد نصائحكم فيما يخص العناية البشرة والشعر..
شعري ناعم وطويل بزاف وراني حايرة كيفاش ندير لانو كي عاد طويل قالولي لازم الحفافة تنقصلك منو باش تقدر تمشطلك وانا مانيش حابة نقصو..

تاني لون شعري بني طبيعي وحابة ندير ليماش كيفاش نديرهم خفاف ولا قاويين يعني خشان ولا رقاق ؟

شكون لي عندها قناع للبشرة؟

تحياتي حبيباتي

وعليكم السلام

مرحبا بيك أختي سلمى ومبروك العرس مقدما

اذا كان شعرك مافيهش التقصفات لتحت نضن لاكوافوز ما عندها علاش تقصهولك surtout que التسريحات تاع العرايس انواع و اشكال و كاين ياسر تسريحات خاصة للشعر الطويل
شوفي les coiffures هاذم كامل خاصين بالشعر الطويل و كاين غيرهم ياسر في النت



















بالنسبة les mèches اذا كانت بشرتك بيضا نضن هذا يجيك تحفة :thumbs_up:


ماحددتيلناش نوع الماسك اللي تحوسي عليه أختي سلمى :)

السلام عليكم

بنااات مين جربت غسول نتروجينا الارونج؟

السلام عليكم اخواتي الكريمات انا بروين وعجبني بزاف هدا التجمع خسارة الي ما شفتوش من قبل مع اني كنت بحاجتوا بزاف.... المهم اتمنى ان تقبلوني بينكم خاصة و ان عرسي بعد رمضان وانا و الله ماني فاهمة والواااااااااااا .تحياتي

السيدة سلمى;12521846:
السلام عليكم
بارك الله فيك سوسو على الفكرة..
يابنات معاكم سلمى من سطيف وعرسي ان شاء الله بعد اسبوعين اريد نصائحكم فيما يخص العناية البشرة والشعر..
شعري ناعم وطويل بزاف وراني حايرة كيفاش ندير لانو كي عاد طويل قالولي لازم الحفافة تنقصلك منو باش تقدر تمشطلك وانا مانيش حابة نقصو..

تاني لون شعري بني طبيعي وحابة ندير ليماش كيفاش نديرهم خفاف ولا قاويين يعني خشان ولا رقاق ؟

شكون لي عندها قناع للبشرة؟

تحياتي حبيباتي

مرحبا بيك اختي سلمى معانا تشرفنا بمعرفتك
مبروك عليك ربي يكملك ويهنيك
بالنسبة للمشطة والله ماعندي فكرة في هاذو الامور
للبشرة قولينا نوع البشرة نتاعك ؟؟؟

جزائرية1992;12522960:
السلام عليكم

بنااات مين جربت غسول نتروجينا الارونج؟

ماجربتوش
نتمنى البنات يفيدوك

bruwine;12523605:
السلام عليكم اخواتي الكريمات انا بروين وعجبني بزاف هدا التجمع خسارة الي ما شفتوش من قبل مع اني كنت بحاجتوا بزاف.... المهم اتمنى ان تقبلوني بينكم خاصة و ان عرسي بعد رمضان وانا و الله ماني فاهمة والواااااااااااا .تحياتي

مرحبا بيك اختي نورتينا
مبروك عليك وربي يتمملك على خير ويهنيك
اذا عندك اي مشكلة اطرحيها هنا ونساعدوك

لبنات لي عرسهم قريب كاين موضوع تاع تجمع العرائس الجزائريات
الموضوع الاول مغلق
http://forums.3roos.com/showthread.php?t=523186

الموضوع الثاني تقدروا تشاركوا فيه
http://forums.3roos.com/showthread.php?t=541948

بصح ماشي تروحوا لموضوع التجهيزات وتنساونا في هذا التجمع ههههههه