{.ْ!●»«●.ْ!}

بيكاتشو;12291073:
سلمها الحلوة

والله وتتيتهم بس قدرك قالت ممنوع الصور الشخصية

منعرفش عادى والا لا

عروسة ليبيا;12291133:

ردا علا سوال نرجس

عادي نرجس ممكن وسط الهدرزه تقولها استقريتو علا حاجات العشاء وهكي يعني

وسط الدوا لو حكت اوكي لو حسيتها متحفظه غيري الموضوع بضحك ولعب عادي

يعني حتي هيا حفلتك معاهم

مافيش باس

بخصوص الموالح الي قصدته انه النوعين الي ذكرتيهم بتاع هلك بلحم ممكن اديرو نوع بالخضر وجبنه ويكون حلو ومش مكلف

وكل حد حسب ما يقدر نا نحس الموالح مش اقل من 3
والله اعلم

ردا علا سؤال المخالفه

ديمو حبيبتي

الكاب ديري الكاب الي بلا كم يعني موديل برنوس عشان طلعو كيبات زي العبايه واسعه هدوكا مش عمليات لصدره

ديري الكاب الكلاسيكي و انا نشوف دخلي في قولد مع سلفر تعرفي ناس ديما دير يا هادا يا هادا بس

انا نحبهم علا بعض يديرو ف ميكس حلوووو ومميز والطربوش متاعه ديريله زي الشاش او هدكا الي ينزل علا الوجه لو تحبي تنزليه

يكون دانيتل شفاف وفيه حبات كرستال

تعرفيني خيالي واسع نتخيل ف حلو

ربي معاك يا الالماستنا

في عشي;12291392:

سؤال للمخالفة

مساء النور على الحلوين

:)شوفو بنات نبي موديلات فساتين سهرة الدرجة الصيف هذا في ليبيا للشبابات شنو الموديل والالوان
طبعا يكون فستان طويل وكذلك الاكسسوارت وخصوصا الدنادين والخواتم بليز ساعدوني

:(

قدرك كبير بقلبي;12291280:
حبوباتي الردود الخارجية

خلو كل الرد في رد واحد مش في كم رد عشان يقعد مرتب

سموحتي بيكا : رد علي سؤالك

تقدري تصوري قفطانك وكندرته كله بروحه

وتجيبي المكياج قريب منه وهكذا بس صورتك انتي

شخصيا ممنوع ياسموحة وانا قت من قبل ان في برنامج

يحول التظليل حبيت نقولك ياسمحة وربي يهني الجميع منورات التجمع

عروسة ليبيا;12281791:

سوال مخالفه للمصراتيه

انتي مش دايره حفل بكل ف مصراته و تبي اديري عرس مع اهل راجلك مشترك ويوم واحد ولا كيف

بش نقدرو نعرفو طلبك

يعني تبي صاله وفرقه ومحل ديكور راقي ومن يدير العشاء واحسن مصوراتيه والجو اهوا ولا كيف

نرجس الشرق;12291043:
عروسة بالنسبة للبوريك مستبعدينه بكل علي قولة خالة راجلي قعد شعبي عام حتي عربي ما يبوش ايديروا بوريك في العشاء .. بس سؤال زعمك عادي انكلم صبيتي ونهدرز معاها و نسالها شن بيديروا عشاء و حلويات انا اعتقد بالنسبة للحلويات بيديروا تورتات و العشاء مش عارفه عارفه انهم ما يبوش البوريك وخلاص .. شن رايكن نسال و الا ثقالة شوية خليني بعيدة خير ..

Diamond Ring;12290719:




بصراحة اني الميش منحياته من راسي بكل لانه يفسد الشعر مهما كانت المزينة بروفيشنال و ولى تقليدي كل العرايس يميشو نبي نصبغ لون واحد بس فتح لان شعري طول عمره اسود ما غيرتاش بكل خاطري في درجة زي هذي



شن رايك فيه ؟؟

و بالنسبة للعدسات لا مش لابسة

عروسة ليبيا;12292851:

مصراتيه

ربي يتمم بخير

بنقولك مدامه مشترك اكيد اهل راجلك يعرفو الحاجات القنينه ف البلاد بنغازي مش زي طربلس ف الكبر وعدد الناس صح هيا زحمه ربي يحفظ ناسها

لكن الحاجات الكويسه والمميزه معروفه

يعني اكيد بتراعي دورهم ف الاختيارات والحفل المشترك انا جربته وكان ناجح

صح انا درت يوم حنه محايد ف صاله لي ارضاء اهلي

بس يوم زفافي كان مشترك

وانقولك اهم شي عشان ينجح يكون ف مرونه ليكي معاهم واهو حاجه و2 سايري وخوذي برايهم

ووواكيد الحاجات الي تخص لبسك وطلتك انتي وحاجت العروسه هما بيخلولك الخيارات

ربي يوفقك

بخصوص الي سالتي عليه

لانك من برا بنغازي العشاء والاكل خلي ف راسهم وانتي ريحي قلبك وخوذي الحجز للامور التانيه زي ديكور فرقه تصوير لانهم نقدرو نرشحوهم ليك و تدفعي بس لا ترهقي نفسك بمن بيرفع لاعشاء ولا يسد او لا والخ الخ

الاحسن هكي وبما انهم هما من بنغازي

ليهم ناسهم وعربهم ومعازيم بتاعم الي يبو ينسترو معاهم وهي فرحتهم راح يهنوك

من هالجانب والله عرب بنغازي ف الاكل والعزومه والتقديم ستارين واهل كرم

نجو لديكور متلا

محلات الديكور ف روز هوا الاشهر لكنه ولا مش حلو علاش لانه غالي وفتحو محلات نفس خدمته بزبط واحلا وارخص منه

فا فوتيه حبيت نقوله لان مرات رجلك بيخبرك بيه

احسن واحد حاليا

الانامل الذهبيه نشوفه حلو ووووالاسعار حسب انتي شن تبي

صاله كامله من الممرر لطاوله الاستقبال برا

لي زينه الطاولات لي الممر لي كله

او تبي تختصر تاخذي تلبيسه كراسي مع مسرح وممر العروسه وخلاص

حسب الاسعار شن تبي تحجزي ونحسك لازم من طله لبنغازي مدام عرسك قريب مش بعيد لالالالان الحجز يبي من توا من قبل 4 شهور ويلا خصوصا الصاله والفرقه

الصالات الفخمه ف بنغازي مجموعه لا باس بيها

بس مدامه مشترك اكيد اهل العريس بيكون ليهم راي

انا نرشحلك صاله الف ليله وليله =سعرها 2200 بلا اى ديكورات فاضيه

بغض النظر عن انها لها سنوات مزالت محافظه علا سمعتها مش شكلا وانما كا خدمات وصاحب الصاله عطول يصين فيها والالتزام ودقه جدا واحترام ف التعامل وتنسيق

عموما انا درت فيها عرسي وكان مشترك ودرنا فيها عرس اختي وبيانها وكانو حلوات

وووالالوانها الالوان السكري وفيها شغل بالخشب ووميزتها مشرحه جدا جدا ومسرحها حلو تحسي روحك تشوفي كل من ف صاله

صح فيها عريصات بس جايت بزوايه ما يغطوش وعمري عليما نحضر فيها ما حسيت انهم دايرات مشكله

ملاحظه فيها ف زواقها درجت مشامشي بس ماشيه مع الالوان

وسعر صاله يشمل صاله فقط بلا ديكور يعني طاولات وكراسي بلا تلبيسه

الحلو ف صاله انها وسط منتجع القمر الي هوا لمالك الصاله وجزء منه هيا جايه وسط حوازه كبيره دايره مشروع سياحي

وفي مكان مخصص علا ركن بعيد لرجاله وما يخلوش رجاله قدام الباب ولا حد يتحوس ويقولك رجالتكم عشوهم ف الحوش

عشان مايصير جو تطليع الصواني هههه والتهريب كل حد من العوالات لي رجلها و لا للحبايب

صاله مونليزا سعرها 3000 ----- بس حسب ذوقك الي شفته ممكن ما تمشيش معاك

عيبها حسب ما شفت من صورها فقط الممر فيها ممر عروسه عباره عن مرش شفاف ومن جوا فيه لون احمر وزي الاصداف

حسيت فكره الممر حلوة بس ان جنرال حسيت فيها لمست بلدي هما خربوها كان خلوها كلها سكري والالوان الخشب كانت احلا ويطلع معاها اى ديكور

>>>....نعاود ونقول رايي الشخصي والناس اذواق

حستك تميلي لي الكلاسيك السمبل

عموما

صاله فينسيا تقريبا 2000 ميزتها مستطيله وكبيره مرر العروس طويل ومافيهش عرصات

عبيبها الاضاءه متاعه مش حلوة

صالة الاميره

حلوووووة بس من برا علا شارع طول ف رئيسي يعني مفيهش باركن ولا مكان لراجله ونلاحظ ف كل عرس فيها يبدو الرجاله والصغار ديرين حوسه برا

وهادو الي انا نحبهم وف صالات تاني هلبا كويسه

بس التوب وبشهاده هلبا ناس صاله الف ليله وليله لانها من كلو مش شكل حتي سرفيس متاعها وسرعه المدان والتنظيم ودقتهم ف تعامل

التصوير الفوتو

احسن وحده دلال مصوراتي شهرازاد واطلبوها بالاسم ورقمها عندي وقت تاني نبعته ليكي علا الخاص

خبره فوق 14 سنه

بس الفيديو ننصحك مهما حاولت تقنعك انها هيا اديره لالا خوذي الفيديو بروحه

من محل اللواج وومحل لواج احسن من يصور فيديو ف وحده اسمها خديجه اظن مغربيه الي يبيها يطلبها بالاسم

ورقم لواج ساهل البنات يقدرن يوفرنه لكي لانه محل معروف وكلنا مصورين فيه يا بطاقات يا جوز سفر يا اعراس

خوذي منها الفيدو احجزي منهم

وهادو زوز احسن خدمات ف بنغازي صح ف غيرهم لكن هادو الخبره والمجربات وليهم خبره وشهره

سعر الفيديو 150

سعر فيلم الفوتو 150 مع الالبوم وسي دي الصور

الصور ما ننصحش بالحجم الكبير هادا بتاع الصورة الوحده تكون علا كبر الالبوم بايييييييخ ونحسه بلدي ويبين عيوب الصور والاشخاص لانها صوره بكل مكبره

الحلو الحجم الي ف صفحت الالبوم يجي فيه زوز صور بالعرض فوق بعض احلا وكلاس

..>>>>>>>> رايي الشخصي

الفرقه هلبا فرق

كانت توب ون ناديه ستار - او ناديه العمامي وف الي يعرفوها بناديه الراجل لانها هكي مسترجله شويه

عموما ولت مكرره حركتها محفوظه واغانيها برضو ومزاجيه مرت تطرب ومرت لا----------- نحسها معش زي قبل توا بلدت بكل

احسن وحد نشوفها ناديه مخلوف الحق ررررررهيبه ووووووومميزه وجوها مليح هيا سميرا وحبابه

ووروحها حلوة وجدعه شن نقولك اصلي نعرفها شخصيا المهم الي يتعامل معاها يكون خفيف معاها ويحسسها انه عفوي وهيا حق حق لما تحس الواحد هكي

اتقيمه ليله ولا ف الاحلام و هيا موسيقتها شعبي و شوي تعطي شوط موال وشتاوه وشوي تعطي اغنيه ليبيه عاديه مش مرسكاوي و معاها عزف موسيقتها سريعه وتتحرك علا المسرح وف صاله تلبس ف الميك الي زي القوس تحسيها تتحرك وتهيج وكان عجبها الجو ترقص

لكن الحق تبي من يقدرها مش اى حد اديرله الشو الكامل بتاعها واني ف عرسي جبتها يومين ااااااااااااااااالله يشهد

درتلي جو خيال والله والله ناس هلبا حجزوها من بعد ماشافوها عندنا

وطبعا انا مشيتلها ف الحوش تلقينا اكتر من مره عشان الزفه لانها هيا زفتني واني هكي كنت نبيها زفه ليبيه خشيت علا الزعريت واغناها هيا عليا بكلامنا ولهجتنا وكانت حلوة ومش مكرره

تعرفي لبست بنطلون كحلي درك وقميص نفس اللون وقرواطه وشعرها لحسه هه ههه حتي هي مسترجله شوي

وووجتني زي العريس علا قولها درتلي بر ا ف المرر برا بكل قبل ما ندخل لصاله ودرجتني زي ما طلبت منها

وهي تمشي قدامي وتغنيلي والموسيقا الباك او الخليفه الي معاي كلها زغريت وتكبير وصلاة علا نبينا ووسط يسكت الباك اهوا الي درته تبدا هيا تغني وبعدها يجو الزغريط والاصوات ف الباك كانهم يردو عليها

الحق حلوة جت ومش مكرره

ووونحنا نعرفوها لان جرت حوش جدي رفيقتها الانتيم وووماقصرت معاي لسبب واحد انها جدعه ولو استجدعتيه تعطيك عيونها

تاخذ ف ليله 750

هادا داخل بنغازي برا اكيد الضعف

وفي فرقه الرحااااااااااااااااااب

حتي هيا يشكرو فيها هلبا انا حضرتلها عرس واحد وانصدمت لان مالي العرس جتهم صحبت رحاب و الفرقه ناقصه ومشت لعرس ف سرت وفتتهم وزعلو

والفرقه باقيها الي بعتتها ما درت شي كويس

كان عرس جارتي ف 7 واني ف 9 الي فات يعني قبل عرسي بشهرين

بس الحق رحاب بروحها يشكرو فيها الفتره هادي

وراهم كلهم لما يمشو طربلس يديرو ف شغل واو لانه الحفله الواحده بيجو من وراها كم عرس تاني


وبس دهشششششششششششت وانا نكتب خلاص عييتتتتتتتتتت يلا عاد قميمني يا بنت وقميوني كلكم جبرت خاطر هههه

عروسة ليبيا;12293402:

اميره اهلا حبوبه انا تمامو ليكي وحشه

سؤال المخالفه

بنات كوثر الكوافيره كم تاخذ مكياج المدام العشيه بتاع طلعه

الي تعرفها من بنات بنغازي ترد

وسوال مهم للمخالفه

عايده تاخذ الي مش عرايس متلا انا لو نبي نطلع ف عرس عندها

ملاحظه بخصوص الصالات

بنات اسعار الصالات تفرق بين موسم شتوي وصيف

عموما شوقتوني لي المونليزا اول ما ننزل راح نمر عليها واكيد السعر مدام حلو مش خساره فيها وفيها خدمه كويسه الواحد دافع دافع الموهم حد يهني

الف ليله ف 2005 ف بيان اختي اجرناها بي 1700 وديكورها كلف 1600بالمساعده وكان ديكور جديد وقتها اول نزله له ومحوتك بوسيط وواسطه بش راعنا فيه قبل يبو 1800

البيان كان ف شهر 12

مزلت متفكرته وتوا ف عرسي جت ف الموسم علا العيد والمناسبات وقالولنا هضا سعرها واظن دفعنا 2000 لان نبوس انتيم خال راجلي

فعلا الفردوس لي ليله حنه حلوة وملمومه والنفوره برا دايره جو

وفي صاله تانيه انا ميته فيا هيا فينسيا2تو

الحق كلاس وحلوة الالونه ومدخلها واول ماهي جديده كااااااااانت تهبل منعرفش توا لها قريب تسكر سنه هيا فتحوها 7 الي فات ودرنا فيها عرس كانت 3 عرس فيها

ودرت فيها الرمي بتاعي والحنه =القفه

كانت حلوة وعاجبتني

سؤال المخالفه

بنوتات ردو عليا بخصوص الكوافيرات بتاع بنغازي نبي كوافيره شغلها ناعم وميكاج لبنان يكون مش اوفر

نبيها لطلعاتي لما نروح انا قبل نبي شاديه بس نبي حد تاني معاها لان شدو مجربتها نبي نوع اخر من شغل مره هك ومره هك

والاسعار كم تقريبا