تو اني مازالي:
المكياج حتى هوا موال وشوية اكسسوارات
وبناخد تعليقة والدهب واو مانحكيكمش عليه كيف
وحاجات للحوش مش هلبة بنرفع معاي يرغان وشوية اكسسوارات لدار النوم وطاكم سرفس وحاجات هكي يعني
امورتي االسمحه
شوفي حبيبه اني عارفه ف تربولي ماترفعوش هلبا بس الاساسيات
اني بنديرلك قائمه خوذي منها ماتبي وولوحي واحذفي الزايد
وبنقولك راهو مش كل رخيص بخيص ف حاجات رخيصه وميد صيني ومصري وتايون وفيها جوده
حبوبه اول شي زي ماقتلي شطبي امورك الداخليه وخلي خياراتك منوعه
خوذي روب دخولك وروب صباحيتك ووشطبي نواقصك وما تنسيش القطانيات والكولتات القطنيه ركبها علا لون الستيانات
تاني شي دار النوم
دار النوم شن تحتاجي ترفعي = مفارش الدار والافضل يكونو سكري علا ذهبي او سكري علا عسلي كلاسيك لان لو عرايسي واغلب الدايار لونهم خشب ف يطلع عليهم هالدرجات
اليرغان == تو ف بنغازي العروس ترفع هلبا لذا متاع العروس غالبا ابيض او سكري فاتح
لكن ف طربلس ننصحك ترفعيه عسلي علا ذهبي او لونه كريم ف ذهبي لانه يكون مش عرايسي بس ويتحمل اللون شوي وتقدري تخليه ف اى وقت تحطيه -
--هادوي في قنينات والله ف بوسليم المحلات الي برا جنب سوق القماش ف من 80 لي 150 ومره جولي لقتهم ف باب بن غشير محلاهم موف ف ذهبي قالت ب حاجه و80
وتاني حويجه ف اليرغانات العاديه بتاع 30 و40 ملونات والله هادو اني خذيت واحد تايقر نمر حلو طلع برغم رخيص وصيني قنين هلبا معاه نسوله وزوز امخاذ
يعني حتى اصحابك مرات يسالوك شن يهدولك ولا حد ياخذ رايك مافي باس يزيدولك لحاف تاني يكون ملون
وردي مورد ولا كروهات ولا مشجر المهم لونه منور يا وردي يا نبيتي
انسولات تحتاجيهم والحمدلله متوفرات وراخاص في ب 7 و10 محلالالالاهم خوذي حتي 3 تبدلي بيهم تحتاج العروس تغير مفارش سرير تغسلهم وتبدل بينهم----شوفي محلات صالات غوط الشعال وبوسليم وباب بن غشير
متوفرات وف خيارات وحتي ف جامع الصقع تلاقي
وعندك طقم المناشف
او روب الحمام
هادو ف ف باب بن غشير ف حدود 50 ومرات 45 خوذي لون عرايسي مش لازم ابيض ف وردي وموف ولا مشماشي
متوفرات وهلك يحطوه لك ف الحمام بي باكوه يوم تفريشك
وطبعا للمطبخ بترفعي سرفيس متوسط باهي بركه
عندك محل الحايس فيه سرافيس ب 50 حلوات ومودرن ويجو قنينات وتلاقي ف حول هالحدود
وبتاخذي طقم بتاع 3 سفر قنينات بتاع تمدي فيهم مشروب ولا حاجه بذات اول فتره مرات كل مره يجيك حد يسلم ويبارك
وطواسي عصير ووتعرفي هاد كله تلاقيهم في محل عبدلله ف اسعار كويسه
محل عبدالله ف سياحيه ف زنقه معاويه تخشي من زنقه محل حسام بتاع السياحيه وتركبي ف اتجاه غوط الشعال بيجي قدام علا يسارك
معرووووووف وكل حاجاته قنينه وتطلعي منه بهلبا حاجات رخيصه
زي الطافيات لو زوجك مدخن تاخذي حتي زوز ووووعندك كاتروات اتحطي فيهم صوركم بتاع دار النوم
ومتلا بوبنيره شوكلاته ف حاجات كيوت ورخيصه وسلاه تحطي فيها شامبوات وكريمات وحاجات الحمام
زي غسول المنطقه والالويز وكل هادو لميهم لمه حلوة
ف سله ف بلاستيك حلو ملبس وفي
سعف وتلفيها من برا بشريط علا لون حمامك
يعني انتي تقدري تفكري واديري حركات بسيطه وتبان حلوة وين يفرشولك حاجاتك وتبان لمستك ف الحوش من اول ما يحطولك حاجتك
بس حبيبتي ننصحك بلشي من توا هدكا هوا بذات الامور الي اصلا واتيه وشريتها هادي ابدي لفيها
لانجري يبي مصمصه بشامبو وعطريه وحطي ف شنطه ورتبي حسب الالوليه شن تحتاجي اول ايام وكله
الي تعرفي مهم خليه علا فوق او من برا
ولو عندك حد تقه خل يرتبولك دبشك لما تفرشي متلا حد من صاحبتك التقه واختك المدام
هما يفرشولك
وويا اميرتي هدكا هوا راهو خلاص انسي اختك وعرسها تو هي تهني علا رويحتها
جيبي ورقه وقلم وشوفي شن مزالك وشن تبي وديري ميزانيتك والميك اب راح نديرلك لسيته مبسطه من الماركات العاديه والمقبوله
وبنفس الوقت يكون قنين نوعه
ربي يوفقك يا رب ويتمم بخير ويسهلك طريقك
العادية كيف نقدرو نديروها في الحمام البخاري بدون ماتصبغ في الجسم 
