{.ْ!●»«●.ْ!}

sooma78;12273692:
سؤال مخالفة : بنات ياريت تعطوني نعتة فضيلة قرادة قداش ليا نسمع بيها وخاطري انجرب حاجاتها

انتي ماشية لطريق المطار كوبري المشاة عرفتيه هوا يجيك 2 كوبري في الطريق المهم خشي منه وعدي علي يمينك 7 او 8 زنقة المهم الزنقة اللي فيها حلاق خشي منها تلقي حوش علي 3 قعد شمنت مش مزوق علي اليمين هداكا هوا ..لكن اتصلي بيها قبل لانه هداكا راهوا مأجراته الحوش لين تكمل صيانة حوشها

Diamond Ring;12272746:
مزين خيرا يجي فى النوفلين اول زنقة بعد بيتزا فاميلى وفى نهاية الزنقة تلقى مزين بالصراحة احلى وهو هذا مزين خيرا




مشكورة يا سمحة انشاء الله غدوة جري على المهاري ناخد منهم تسلمي يا سمحة

بالنسبة لسؤالك : على العلاقات تعرفي لما قريت ردك قعدت نضحك لان نفس الشي صار معاي لقيت منهم المبطشات و ما عجبونيش بكل بري يا حلوة للدغري عنده منهم سادة لونهم بيج

سؤالك التاني : فرقة رحاب بصراحة ابداع مش عادية بكل تهبل اني في بياني الناس هبلو فيها الحق درناها بعدها في عرس اختي بصراحة تعجبني اكثر من فاطة الحمصة نفخة و تقول في ابيات بصراحة مش لايقة بكل و توة نبعتلك الرقم على الخاص و ادللي يا غالية و لا يهمك



مشاء الله على الذوق ابداع بصراحة بجد انتي فنانة بدون مجاملة توة بنبدو نستغلوك هههههههههه

سؤال المخالفة : يا سمحة دار النوم خطيبي شاري زي مربعات صغار بورسالين يبي يديرهم خلف السرير مربعات الوانها نحاسي و فضي و زي الذهبي المهم 3 درجات اوكي شن لون الزواق اللي يمشي معاها ؟؟ و احني خاطرنا دار النوم تكون اسود في الابيض مش لوح مش عارفين كيف نربط بينهم يا ريت تقدري تديريلي نموذج للفكرة يا سمحة و هذي صورة نبي نوريك حجم المربعات طبعا لكن مش نفس النوع هذوكا خيال تحسيهم متاع دار نوم



اسفة على تعبك مقدما

اقتباس المشاركة الأساسية كتبها مصراتية لشرقاوى



بس هدا ماعرفت وين حتلبسيه وفيه هالمخلوقة !

حاسيته مايجي

يعني حتي لو في البيت مايجي وراجلك قدامك ولبستيله توب عليه رسمة هكي !:confused:

مصراتية لشرقاوى;12273918:

تعبك راحة ياعزيزتى ....

بخصوص البورسلين فكرة حلوة ....
بخصوص الزواق : اختارى لون سادة ...مع هالالوان اللى قلتى عليهن ....يعنى اختارى واقربهن اللون الرصاصى الفاتح والغامق يعنى ماديرى كل الدار لونها واحد يعنى زوايا الحائط بلونيين او الكريمى ...ابيض ماديرى مع حجرة نومك لو كانت ابيض واسود ...
و...المكان اللى فيه البورسلين لو درتى البورسلين للحائط بالكامل اوكى ...وفى فكرة تانية نص الحائط يعنى خلى ربع الحائط فوق لو سادة وربع الحائط اللى تحت سادة ويكون بلون فاتح لو الوان البورسلين لونها غامق زى اللى فى الصورة ....
وبعدين الحائط اللى فيه الشباك خلي لونه فاتح واللى مقابله لونه غامق واللى فيه الباب فاتح ...

وهذه صورة لحجرة نوم فى حوشنا انى مصممتها بديكورها ممكن تاخدى الفكرة احسن ...والجبس عطيته لون ماخليته ابيض حبيت انخليه وكانه ديكور لوح"خشب " مش جبس ...والزواق اللى انفضله هو جوتن فى الديكورات الداخليه ...لانه تتوفر منه جميع الالوان وتقدر الشركة تخلطلك الوان بالكمبيوتر ...






وان شاء الله انكون وصلتلك المعلومة ...وتفضلى فى اى وقت

الله يسلم ايديك يا فنانة على الديكورات الحلوة لعلمك حتى الجبس خطيبي يبي يزوقه خشبي هو كمله توة مازال الزواق بس يا ريت تنصحيني بحد يزوقهولنا كويس نقوله عليه هو يبي لونه غامق لكن مش فاتح زي لون الجبس اللي انتي حطيته بس بصدق خيال ديكورك يهبل زي هذا بالظبط يبيه هو اللون



دار زيه في المطبخ و في الدار العربية لانهم مقابلات بعض و مفتوحين الزوز

و بالنسبة للبورسالين نفس فكرتك هو يبي يديره زي مربع فوق السرير بس مش كل الحيط و توة نقوله يجيبلي منه نصوره و نوريهولك لعلمك هو يبي يدير الزواق رصاصي و اني اقترحت كريمة لان الوان البورسلين ترابية تحسيها فانتي الحكم بينا نصورهولك و قوليلي شن يمشي معاه زواق
و تسلمي يا قلبي على الرد السريع

سوما وطرابلسية لسرتاوي
شكرا ليكم
هو اولا واخيرا الناس اذواق
وانا عندى ابتسام حاجاتها فيها ابداع اكثر من فضيلة
سؤال المخالفة
ديمو فرقة رحاب تغني شعبي؟
انا مانبيش جو الشعبي في الحفلة ومش عارفة شن اندير؟

حياتي ليبيا;12273120:
;)

حبيبتي جولي ديري فرقه رحاب وحطي منضومه ديري فيها الاغاني الي تحبيها كلها ونسقي بينهم

مصراتية لشرقاوى;12274090:

هذا حلو عجبنى ديزاينه ...بس مش عارفة خامته ؟؟؟ ...وبكم شريته "قصقصة :lol:؟؟؟

انتي الاحلي يا عسل هدا من لاسنزا من بريطانيا

Diamond Ring;12274075:
الله يسلم ايديك يا فنانة على الديكورات الحلوة لعلمك حتى الجبس خطيبي يبي يزوقه خشبي هو كمله توة مازال الزواق بس يا ريت تنصحيني بحد يزوقهولنا كويس نقوله عليه هو يبي لونه غامق لكن مش فاتح زي لون الجبس اللي انتي حطيته بس بصدق خيال ديكورك يهبل زي هذا بالظبط يبيه هو اللون



دار زيه في المطبخ و في الدار العربية لانهم مقابلات بعض و مفتوحين الزوز

و بالنسبة للبورسالين نفس فكرتك هو يبي يديره زي مربع فوق السرير بس مش كل الحيط و توة نقوله يجيبلي منه نصوره و نوريهولك لعلمك هو يبي يدير الزواق رصاصي و اني اقترحت كريمة لان الوان البورسلين ترابية تحسيها فانتي الحكم بينا نصورهولك و قوليلي شن يمشي معاه زواق
و تسلمي يا قلبي على الرد السريع

jolly 2010;12274080:
سوما وطرابلسية لسرتاوي
شكرا ليكم
هو اولا واخيرا الناس اذواق
وانا عندى ابتسام حاجاتها فيها ابداع اكثر من فضيلة
سؤال المخالفة
ديمو فرقة رحاب تغني شعبي؟
انا مانبيش جو الشعبي في الحفلة ومش عارفة شن اندير؟

شوفي جولي حتى اني من حبش الجو الشعبي في الحفلة في النجمة بس يكون بس رحاب اولا فرقة موسيقية مش درابيك و جو زمزامات و بعدين واقفين يغنو على المايك و اغانيها ليبية حلوة حديثة تحسيها هذا راي و سموحة ما ديريش حاجة مش راضية عليها كان هذا ديري منظومة و خلاص اني بندير انشاء الله زي ما قالت سوما عندي اغاني بنتفق مع الدي جي تحطها وقت التورتة و قت بيرقصو شوية مصري و الباقي رحاب و يعجبني فيها تغني باسم العروسة اغاني و باسم عيلتها و بوها بشكل راقي و اغاني حلوة

شكرا شكرا شكرا

ماحدش رد على عموما شكله مفيش منها


انا عاجبنى الفيلز هذا
http://go.3roos.com/P4BzpL8GEPr

السلام عليكم
صبايا كيف حالكم اني اول مرة ندخل هنا في التجهيزات :) وعندي سؤال بخصوص تاتو حواجب 24 ساعة هوا زي البوماطة بس ثابت لفيت ع المحلات ومالقيتاش ياريت لو في حد منكن شافاتا اتقولي على اسم المحل:)

dr_amani;12243802:
[QUOTE=**سيرينا**;12242332]

شوفي هاذم سيرينا




عجبني موت الاحمر هذا موديله حلو و يجي مع عمري ميكبرنيش


[QUOTE=روح الوليد;12244727][QUOTE=
واللى بعده هدا الفوشيا يقتتتتتتتتتتتل لو لقيتي خياطة تحطهولك نفسه مش عادى رووووووووووووعة ويغيب كل الديفوهات اللى عندك مع انى عارفة ان مافيه لا ديفوهات ولا غيره . جسمك باربي غير انت يتهيالك .


حلو هلبه يا روح بجديات مميز وتحسيه غريب وفكرة الاكسسوارات اللي فيه زاداته النص


[QUOTE=حياتي ليبيا;12245015]

تسلمي يا حياة ليبيا ذوقك يهبل

بيكاتشو;12250575:
سيرينا يا حلوة
شوفى ممكن يعجبك واحد منهم عن نفسي نشوف انهم مميزات هلبه

وفكرة فيها لقطة حلوة





تسلم ايديك والله عجبني موووووت هذا تقريبا تقريبا بنرسى عليه لانه يهبل بجديات وزي ما انا نحب



[QUOTE=sooma78;12273657]عرايس ومدامات جمعتلكم شوية صور مكياج عيون ان شاء الله يعجبكم

حلوات يا سوما يسلم ذوقك بجديات يهبلو




و في الختام أستحشتكم هلللللبه هذا كله من الامتحانات خدتني منكم :'(

Diamond Ring;12098816:
يا حلوات مشيت مزين وجه القمر

لان اختي شكرتلي في جلسات علاج الشعر اللي يديرو فيها قلت

جربي يا بنت يا ديمو انتي مش خاسرة شي مشكلة شعري الفترة هذي نحس بيه جااااااااف هلبة و

اني ما نحبش حمامات الزيت تخنق فيا و ديرلي في صداع قلت شعري تاعب و مازال صبغة في

العرس و هاي لايت بيزيد يتعب مشيت يوم الاحد اللي فات و نحكيلكم بالخطوات شن دارتلي :-


اول خطوة :- غسلتلي شعري بالشامبو هذا من لوريال يعالج الشعر المتقصف و المجهد .:thumbs_up:



تاني خطوة :- دارتلي ماسك لشعري من لوريال حتى هو نفس هذا .:thumbs_up:



تالت خطوة :- خدت نفس العبوة هذي و ركبت فيها من فوق بخاخ و دارت بيها كامل الشعر خليتها على

شعري تقريبا 10 دقائق:clock: و بعدها غسلتلي شعري بالمية بس .:thumbs_up:



بدخ لقيتلكم حتى صورة البخاخ اللي ركباته على العبوة نفس هذا :thumbs_up:



رابع خطوة :- جابت تيوب زي هذا و دارتهالي على كامل الشعر و دارتلي مساج لفروة الراس طبعا قريب رقدت :thumbs_up:



و بعد ما كملت شريت منها الشامبو و الماسك لانها قتلي المفروض فترة العلاج ما تغسليش

بشامبو تاني بندير جلسة كل اسبوع و نوافيكم باخر الاخبار سعر الجلسة كاملة 25 د.ل

لو عجبكم الموضوع بليز قيموني لاني الحق تعبت و اني نلقطلكم في الصور خاصة و ان السموحة اللي في المزين ما عطتنيش فرصة نقرى العبوات شن مكتوب عليها هههههه قعدت ندور بالصورة لييييين دخت :confused: لكن انتو تستاهلو F:

هلا حبيت نشكرك ونقيمك على موضوعك المهم هادا وبصراحة فادني :thumbs_up:

لؤلؤة سرت;12275428:
السلام عليكم
صبايا كيف حالكم اني اول مرة ندخل هنا في التجهيزات :) وعندي سؤال بخصوص تاتو حواجب 24 ساعة هوا زي البوماطة بس ثابت لفيت ع المحلات ومالقيتاش ياريت لو في حد منكن شافاتا اتقولي على اسم المحل:)

ايه عندى

لعيون الليبيات الحلوات

نصائح الخبراء للعناية بالمناطق الحساسة



منطقة الإبط


الاهتمام السليم بالإبط


، نزع الشعر الزائد باستمرار خصوصاً إذا كان غزيرا ،

بالإضافة إلى النظافة الشخصية سواء إذا كانت بالاستحمام أو غسل المنطقة بصفة يومية سواء كان ذلك في أوقات الاستحمام أو عند غسل الوجه أو غيره ..

وإليكِ المزيد من نصائح الخبراء :


* يفضل استعمال مزيل عرق يومي وتجديده يومياً .
* لا تستعملي مزيد عرق يدوم لأكثر من أسبوع .
* تجنبي وضع مستحضرات التجميل الخاصة بالتفتيح إن لم تكن مخصصة لهذه المنطقة .
* إذا أصابك مزيل العرق بحساسية أو فطريات أو تسبب لكِ في انسداد المسام لا تترددي في استشارة الطبيب فوراً .


تخلصي من الاسمرار


بودرة التلك والبطاطس والليمون مواد طبيعية ومفتحة للبشرة ، لا تترددي في استعمالها كأقنعة لتفتيح الإبط

,إليكِ أهم الوصفات


* يمكنك استخدام الشبّة المطحونة مع بودرة التلك ، كبديل طبيعي لمزيل العرق اليومي ، واحصلي على فوائدها في تفتيح هذه المنطقة .

* جففي شرائح البطاطس الرقيقة في الشمس، ثم اسحقيها حتى تصبح كالطحين ، ثم أضيفي لها ملعقتين من الخل الأبيض، ثم ادهني الخليط واتركيه لمدة 15 دقيقة ثم اشطفيه .

* نصف ليمونة و زيت جنسون للأطفال بعد غسل منطقة الأبط جيدا او بعد الاستحمام، يساعدك على تفتيح هذه المنطقة ، والطريقة تكمن في أن تمسكي بنصف ليمونة وتفركي بها الإبط فرك بسيط حتى تشعري أن منطقة الإبط أصبحت مبللة بالليمون واتركي الإبط ليجف ثم ضعي زيت جونسون للأطفال .

* يوميا امسحي الإبط بقطنة مغموسة بخليط من الجلسرين السائل + عصير ليمون كميتين متساوية مساءا و في الصباح اغسلي بليفة طبيعية و أي صابون يناسبك نيفيا أو دوف، وبعد الحمام جففي وامسحي بزيت اللوز و خلال أسبوع ستلاحظين الفرق .

• أحضري فنجان بودرة جونسن وفنجان ونصف من الملح الناعم و فنجان ماء ورد ومعلقة عصير ليمونه .. اخلطي المقادير مع بعض، ثم ضعيها على الإبط واتركيها للصباح ثم ادعكي بقايا الملح في الصباح .

ملحوظة : هام أن تختاري إحدى الوصفات وتستمري عليها لفترة لا تقل عن أسبوع ولا تتعجلي النتيجة من أول يومين .


بين الأرجل والمنطقة الحساسة


وصفات للتبييض


والآن إليكِ أهم وصفات تبييض الأماكن الحساسية الأمامية والخلفية، اختاري المناسبة لكِ فقط .

* زيت الورد : ادهني المنطقة الحساسة بزيت الورد وذلك بواسطة قطنه ومن الخارج فقط ويستخدم مره وحده يومياً .. ويكون استخدامه جميع أيام الأسبوع ، وستلاحظين نتيجته في البياض .

* الحمام المغربي : عند عملك الحمام المغربي الخاص بكِ ضعي كمية منه على المنطقة الحساسة من الخارج فقط ،، ثم اغسليه وابتعدي عن دعك المنطقة بالليفه . إن أفضل حمام مغربي للجسم والمنطقة الحساسة ( ملعقتين حنا + 3 ملاعق صابون مغربي اسود + ماء دافئ ) ضعيه على جسمك وخاصة المنطقة الحساسة لمدة ربع ساعة ثم قومي بغسله، واعلمي أن الحناء لا تصبغ الجسم استعمليه مرة واحدة أسبوعيا .

* ملح الحليب : ضعيه على المنطقة الحساسة من الخارج فقط واتركيه لمدة 3 دقائق، وتكمن فائدته في التقشير والنعومة .

* استعملي السكر + زيت الزيتون 3 مرات أسبوعياً ، فهي مقشر رائع للمنطقة الحساسة


لا تنسي المنطقة الخلفية


ولأن المؤخرة من المناطق الحساسة أيضاً ، فعليكِ تكثيف العناية بها فهي ليست بعدية عن المشاكل ، وأكثر المشاكل التي تقابلك فيها هي صعوبة إزالة الشعر الموجود بين طياتها ، وأفضل طريقة لذلك استخدام كريم مزيل للشعر، ولا تنسي وضع قطنة مبللة بالماء على الفتحة الداخلية قطنه حتى لا يؤذيها الكريم .
إذا كانت المؤخرة فيها حبوب، عليكِ غسلها بجل الاستحمام حيث يعمل على إزالة الحبوب وجفافها، واهتمي بفركها بليفة طبيعية خشنه حتى تصبح ناعمة ..

منقول لعيون العروسات

مصراتية لشرقاوى;12276733:

اهلين بيك وانستينا ونورتى جمعت العرايس ....
ايه فيه انى شريتة من وحدة اتجيب فيهن من دبى ...35 دينار ..ويمشى ايلينر ....وبعدين حتى انى ماشبحتاااش فى المحلات ....
وهذه صورة الماركة اللى عندى ومجربته فى البيان انا وخواتى يقعد 24 ساعة ...يهبل حتى مايتخربش منك حتى لو غسلتيه ...

فى امان الله

اهلين حبيبتي وبارك الله فيك ع الرد بس حابة نستفسر منك اكثر من وين خديتية من جابهولك ومتاكدة مايتنحاش بعد العسل لاني واخدة شبيهة بس ماعجبنيش ايسيح

مصراتية لشرقاوى;12270811:

صباح الخير على الليبيات العرايس الحلوات ...

ياوخيتى ان عندى زوز اوخيات بيتجوزو وحدة الشهر الجاى وبعدها التانية وانى اخر وحدة ...يعنى انى شوية شهرين او 3 ...المهم حتى اوخياتى زي انى ...اهو انشوفلهم فى حاجات ونساعد فيهن ...

ومش عارفة الموالح اوخياتى شن يبن يديرن بس كان علية انى نبى حاجات جديدة :thumbs_up:...وعرسى ان شاء الله يكون فى بنغازى ..."وان شاء الله بناويت بنغازى اللى هنى نبى نعزمكم شن رايكن ؟؟؟؟:o

ولو يا غالية انجوك و انقيمولك ليلتك و نتشرفوا بيك و بالنسبة للاسعار توا انجيبلك اسعار الحاجات و شني الحاجات الجديدة اللي اتدير فيهم اوكي

سؤال المخالفة عاد :: فرحك قلتي في بنغازي وين حاجزين القاعة و المزين و شنو برنامجكم ؟؟

اخر جلسة تصوير لمشترياتي هههههههه

صورتلكم الحاجات اللي قاعدة بره مازال ما دسيتهاش

طبعا بما ان مطبخي احمر خديت شوية حاجات حمر عجبوني للمطبخ

هذا كوكي جار



هذو ملاحات للسفرة



و هذا ستاند للكورن فليكس



و هذو واضحات عاد



و هذو للسفرة قواعد للصواني و للطواسي



و هذو من بي اتش اس

علاقة اكسسوري



و هذي تتعبى عطر



و هذا فيه شاور جل و صابون ايدين و كريم جسم



و هذا فيه شاور جل فيه جليتر و بودي بتر و معاه ليفة