حكاية غرام;12166427:
بنات انا تضااايقت اليووم
ام خطيبي قالت لي اكنسل حفلة خطوبتي في شهرزاد
عشان زوج اختها متوفي وقالت تبي الحفلة عقب ما تطلع اختها من العدة
يعني انا حفلتي 24/7 بتتاجل الين 23/9
وانا اوردي دافعة مقدم للصالة والاستديو والشعر والمكيااج
وامس بعد عمي توفى واربعينيته تخلص 3/7
واربعينيته زوج خالة خطيبي تخلص نهاية 6
الحين افكر اسويلي شي جدا عائلي في البيت امي واختي وخالاتي وما ادري بعد منوو اعزم لان احس محد بيي من صوبي ولا من صوبه لان الطرفين عندنا فاتحة ..
بكنسل الصالة والاستديو
وبتم على حجوزاتي للشعر والمكياج والحنا ..
بليز بنات عطوووني افكاار حق حفلة خطوبة بسيطة في البيت
وما بسوي سفرة عجم لان ما بيكون في معازيم ..
اذا عندكم ارقااام حق احد ياجر مسرح او كوشة او جلسة بسيطة للبيت
ومنوين احصل مشمر اخضر مال عرايس يكووون مستر عشان البسه فووق الفستان اذا بروح الاستديو او بطلع من الصالون بدل العباية ..
شرايكم شنو اسوي للاكل .؟؟ افكر اييب كيكة من ليلو بسيطة
ومعجنات من حلويات طااارق ؟؟ وبعد شنو اييب ومنوين ؟؟
اقدر البس فستان لونه اووف واايت .. ؟؟ لان انا شفت فستان وكان خاطري فيه كنت بلبسه في الصالة بس الحين الوضع تغير !!
اترك لكم المجال للرد ومشكووورين
البقاء في حياتش
الله يكون في عونج (( انا مريت من قبل بنفس حالتج))
الصاله مو تكنسلينها اجليها و بيعيها علشان اتحصلين افلوسش و الاستديو لا تكنسلينه بس غيري العرض
من راي اذا بتسوين شئ بسيط لا تلبسين فستان اوف وايت لبسي اي لون
لان لازم بتسوين لش حفله بعدين اذا مو خطوبه بتسوين العرس و بتلبسين ابيض او اوف وايت
و روحي صوري في الاستديو تصوير داخلي اما في البيت مو لازم اتجيبين احد لان الصور ما تطلع وايد حليوه حتى لو الاستديو الصور في البيت ما تطلع حلات اللى في الاستديو
و المصورات اللى يجون البيت ياخذون وايد ف اذا اتخلين احد من اهلج يصورج لان ما راح يكون في معازيم وايد في البيت ف من راي ما تسوى!!
- و الاكل سوي بارسلات من مخابز الجميع اكله حلو و رخيص
- مع العصاير
- و سوي لج بعد حلويات (بقلاوه و كب كيك بدل كيكه و حلاويه و رهش ))هذا اللى في بالي (( في بنات الحين يسون حلويات في البيوت عجايب و اسعارهم كلش تمام بطرش لش على الخاص من اللى شفتهم))
- و معجنات لاصغار