{.ْ!●»«●.ْ!}

حصاصي;12120140:
صالون رحمه تبتدي اسعار الحمام المغربي من 7 دينار وحمام العروس ب 30 بس

هذيــان;12108854:
توني اطالع في الردود واضحك اقول شفيها لولو :lol:



بنات .. كل الي طلبو مني ملف التجهيزات طرشته لهم :) جيكو ايميلاتكم

روح روحي;12109190:

مرحبا بنااات شخباركم

اليوم بعد الصلاة سويت شعري استشوار و حطيت ليي ميكب خفيف و لبس جلابية متروسة شك لونها فوشي و تجهزت !!

و عالساعة 8 مرتني خالتي و رحنا حنة عذبة ،، كانوا هناك الاهل و دخلت و سلمنا ووصلت للعروس بس سلمت عليها فديتها من بعيد لان الحناية كانت توها بادية تحني رجولها ،،

الوضع هناك كان حليو ،، و سفرتها حليوة بعد و البيض روووعة >> احسركم شفته قبلكم ههههههههههه

و عذوووبة فديتها كانت لابسة ثوب نشل و هذاك اللي ينحط فوق الراس كأنه اسمه قبقب هههه و مستشورة شعرها و ميكبها كانت حده ناعم و كيوت >> حبيت العروس عدل

و اللي تحنيها بعد حناها كلش فظيع بس ما اعرفها قالوا لي من مدينة حمد و شكلها صغيرة ههه يعني في حدود 21 - 22

و صفقنا و استانسنا و غنينا , و أكلينا هههه ..

و بس مشينا احنا قبل الجماعة لان بكرة انة بروح الصالون من الصبح و خبركم بالليل بنرد متأخرين و الجمعة بروح الاحساء و يبونا عند الباص الساعة 6 الصبح يعني رديت أبي اريح ليي شوي

و بس هذا اللي صار

و الف الف الف الف مبروووك للغالية بنت الخال عذوووبة و يا ربي يهنيج و يسعدج و عساها عشرة دايمة:'( >> متأثرة هههههه

أنثى الـ نون;12110750:
شرايكم في صالون صفاء لعروس ؟

ومكياجهم حلوو او لا ؟

أنا الشوق;12112588:
أم الساده

المعرض بيكون تاريخ 26-29/5 في مجمع العالي
وبيكون فيه أكل تايلندي، وقسم للمنتوجات التايلنديه وترويج للسياحه في تايلند ومعلومات سياحيه وممثلين من السفاره التايلنديه وهيك يعني

maryoom;12112595:
آنا جلتني بزواجي وسوت جو بزواجي والكل رقص مع أغانيها..


لوووووووووولو الصغيرة آنا صوري من عندهم وخوفتني شوااااااقة هههههههههه
أسوي لهم ترى سااااااالفة أن صوري ماطلعت عدل



أي والله هم حلوووووين بس الهندي ياثقل دمه ماأحبه



روح روووحي حبيبتي عطيني رقم أم أيمن بالخاص إذا ماعليج أمر وهل تحني بس عرايس ؟؟؟


ربي يشاااااااااااافيه ويفرح قلب أمه وأبوووه ياكريم

مها البحرين;12112779:
صباح الخير بنات ..

ترجية مافي احلى من ليلو ..
حق كيكة زواج لذيذة وايد ......


باقول لكم شنو سويت اليوم ..

رحت الصبح صالون باربي ..
وحفيت حواجبي الحمد الله
ما كان زحمة كانت الساعه 11

عقب ما خلصت جان امر على الخياط
اللي عند الصالون اللي سأتني عنه
ترجية وقلت لها اني خيطت فستان ..
عنده ..
بتشوفونه في صفة دان يبيع فساتين


المهم الغبي شنو مسوي:

اول شيء يوم رحت هناك
شغلهم تشوفينه حلو بس
خرطي والهندي مفهي ..
عجبني فستان قصير عندهم
بس يوم اشوفه واجربه شفته
متلعوز ومنتف عند الرقبه ومنسل
قال باسوي لج واحد يديد وبيبرز
عقب 10 ايام قلت اذا جذي ..
عيل سو لي تطريز خط واحد عند اليد ..

المهم يوم مريت اليوم الا الحبيب ..
مسوي لي 3 خطوط تطاريز على اليد ..
تعكر مزاجي وقلت له بأمر من تسوي 3
انا قلت لك واحد دفعت الفلوس وانا مو مقتنعه

:|:|:|

رحت البيت ولبست الفستان ..
الا اشوفه متلعوز ومتنتف ومنسل
يعني شنو ..!!

^o)^o)^o)

يعني الحبيب ماعطني الفستان
اللي جربته وقص علي حدي عصبت

:mad::mad::mad:

اطق موتري سلف واروح له
الا اقول له شنو ذي مات من الخوف
الا يقول شنو قلت له ليش تجذب ..؟؟
وتقول بتسوي لي فستان جديد وانت مااعطني
الفستان اللي معلق هني الا يقول لا انا سويت لج واحد
يديد جان اقوله انزين وين الفستان السنبل ..!!

طلعت ذكيه ..

:p:p:p

الا يقول : ها
قلت لها هذي هو صح الا يقول اي
قلت له ليش تجذب انا مو غبية ...
يبي يقص علي شافني حدي معصبه
مات من الخوف الا يقول باعطيج بيزاتج

عيل ليش يقول عقب 10 ايام بيجهز ومادري
شنو ليش التمثيلية ذي كلها قال من البداية
ماعندي خلق واخذي اللي موجود وفك روحك

صج صج سخافة يبون يقصون على الناس ..

عسكريمة;12113011:
بنات ابي منكم خدمه صغييره نتيفه يعني وعلى السريع بلييز ضروري

انا امس رحت سويت لي عباتين المهم وحده الشك الي فيها عندي لها شنطه يديه تناسبها وعزكم الله صندل وتراجي وساعتي المهم

الثانيه الوانها حلوه واول مره اسوي لي عبايه بهاللون بس احترت شنو البس معاها تراجي

لانه الله يسلمكم اذا تصير عندنه عزايم جذي اهليه وكون فيها اهلل متجمعه وااحنه عزايمنه تكون خلط يعني عيال خالتي وعمي وعيال عماتي وخيلاني كلنه نجتمع فمااقدر افصخ عباتي اللهم الشيله فقط لانه متربين مع بعض احنه وكلنه اخوان المهم ماعليكم من الطويله << بعد شنو هههه :worn_out:

عاد على اسبوع الياي عندنه عزيمه اهليه

فيعني اذا فصخت الشيله احب البس تراجي على الأقل يطلع حلو مع العبايه وايد والعبايه اتكون شوي زاهيه

المهم ملخص كلامي يعني العبايه الثانيه فكرت وفكرت فيها مايناسبها اله شي اوف ووايت ويه في باللي اللولو احلى شي معاها بيطلع واو

ابي محل عدل يبيع تراجي لولو يكونون كبار بس مو طوووال لا ابيهم يكونون مجرد لولو كبيره يعني كأنها فص بس

ومع سويره وين اقدر احصل ؟؟ ابيهم ضروري هالويك آند بلييييييز بنات

لانه انشالله طلعتي اليوم من الشغل بروح آخذ لي

وثانكيو وسوري على الهذره ههههههههه :o:lol:

ونست اقولكم بعد ابي هم شنطه اوف وايت ممزوجه بالذهبي شوي او اوف وايت ساده المهم شي جذي

وثانكيووو

مها البحرين;12114327:



نموذج من شوكلت عليه مكتوب اسم المعرس ..
اتذكر رحت خطوبة وكانوا مسوين جذي ..

بس كان مكس اسم العروس والمعرس ..
من محلات (( سو سويت )) بالرفاع ...

sweet ~~;12116463:

سلاااااام بنات .. شلونكممم

بناااااااااااات ابيكم تساااعدوني ضروووري

أنا ادور على ثوب نشل .. وين ممكن احصل .. موو مهم السعر اهم شي مرتب وكشخة

وشنو احلى الوان الثوب النشل << للعلم انا بيضة

ومشكوووووووووووووووووووورين مقدما

المزيووووونة;12117495:
هلا عرايس


شخباركم؟؟


بقول لكم تقريري لهذا اليوم من خلال جولتي لمدينه الذهب والمحلات اللي بره... ادري فيكم تموتون في التقارير



اول شي رحت مدينه الذهب رحت جم محل ماعجبني شي طلعت بره المحلات يعني زينين بي مو واااااااااااو يعني



تعبتتتت وانا اتفرفر وكل محل يطلع لنا لسته الطقم اللي عنده .. عجبني طقم ناعم وفي نفس الوقت من الكولشن النيووو من مجوهرات ماشاء الله


قلت خل ادور بعد يمكن احصل احلى... المهم دشيت محل شنو واااااااااااااااو شنو رووووووووووعه قليل في حقه صراحه وعنده ذهب العادي وعنده النيو عاااااد انا طاحت عيوني على النيو اللي هو مقلد فرفشه ولازوردي بس ذهب طبعااااااااااااا .. بس غالي على 900 وفووووق وانا كنت حاطه ميزانيه ماتزيد عن 700 غضيت النظر بس للحين عاجبني..


ورحت مجوهرات الشهاب بعد مجوهراته حلوووووه بس كان في اطقم مخلصه وقال ليي اي شي تبينه بسوي لج اوردر وراوني مجله حق الاطقم اللي لابستهم اليسا وقال لي اي واحد تبينه بسويه لج يبرز عقب 10 ايام بس خفت اجازف واختار وتالي في الطبيعه مايعجبني :( بس ذهبه حلوووين ودبله روعه بعد ماعليه كلام



آخر شي قررت ارجع الى الطقم الاولي اللي عاجبني في البدايه لان يعني نص نص داش براسي رحت وتوكلت على الله وخذيته



المشكله دبله خطيبي عطاني اياها فررررري .. بس !!! دبلتي مارضى يعطيني اياها فررري



مني مناك وبعدين رضى وعطاني اياه فرررري




قلت بشتري ليي غيرها بس آخاف خطيبي يزعل ... شورو علي اخليها حاليا وفي المستقبل اشتري لي غيرها او اشتري لي وحده قبل خطوبتي؟؟




اللي يعجبهاااا تقريري تدعي لي بالتوفيق وتقيمني *ـــ^

وصــايــف;12117613:

مساعة توني شايفة صور ملجة ولد اختي هم ماخذين صحاري فرع مدينة حمد ومصورين كم صورة في الاستوديو


عجبني التصوير واضح ومرتب ومو ملعوب في وجوههم بالفوتوشوب والفلتر حلووو وما في ابدا تغيير للملامح والخلفيات زوينة نوع السور على شكل قوس فيه ورد وما اذكر بعد نسيت ههههه بس طبعا هم مو مسوين حركات مميزة يعني عادي اللي الكل يسويها هو قاعد على الكرسي هي واقفة على جنب صوبه وواقفين صوب بعض هي قدامه

انا طبعا اول مرة اشوف تصوير صحاري بالعادة كله اشوف سكوب

ويعجبني سكوب وااااااااايد وعلى طول اصور فيه

بس بعد عجبني صحاري ما فيه شئ يعني تصويره زوين

يعني انا لو مكان اي وحدة عروس وخايفة من التصوير اقول لها توكلي على الله لان تصوير الاثنين حلووو

وموفقين كل العرايس

تراجي ام الزين كله;12117908:
بناااات جم حطيتوو ميزانيه تقريبا للشبكه؟
ماحب الناعم
يعني بحدود جم الثقيل الراهي

1200 زين؟

وايهم اللي ينزل شبكات راقيه وديزاينها مومتكرر
فيدوني الله يرحم والديكم

قمر فاضل;12119243:

سلام بنات

داخلة اسلم عليكم وما من جديد عندي غير اني اشتري في هالاثياب حجرتي صارت نصها اجياس وامي تطحن خلنا نرتبهم ونوديهم الشقة واني احس مابي :sick: بخليهم في بيتنا :'(:'( وطبعا حجوزاتي تقريبا كملت بس بروح ادفع العربونات وابي اسوي ليي عبايتين او 3 وحدة حق السفر والمشاوط هناك وبخلي 2 الى عقب السفر

بنااااات ساعدوني اني بسافر شهر العسل عقب يوم من عرسي يعني ما بيمديني اجهز الشنطة عقب العرس لازم قبل العرس اجهزها بس مادري جم بدلة اودي او ويش احتاج ما احتاج في هالسفرة .. بسافر 15 يوم :)

يالله بروح جلوة بنت عمتي بتسويها في مسجد

بروح اجوف جيفة يسون الجلوة عشان اتخيل روحي عقب شهر :D

باي يا قماميرر

مها البحرين;12119839:
سؤال ::
عندي جلوة ولد عمتي اللي بيأخذ خالتي ..
يعني انا صايره من الصوبين جريبة ..

ابي فستان بنفس هاللون ...




شنو يسمون هاللون ..!!

وين اقدؤ احصله ..؟؟؟






حتى ذي اللون عاجبني ..!!

بس مو عارفه وين اقدر احصل جذي..!!

حلمـ .,;12121358:

تقارير بسيطة جداً وع السريع .,

:thumbs_up:

..*..

[MARK="#999999"]لمحبات محلات ( ذا بودي شوب )[/MARK]

عندهم عروضات حالياً

أشياءات من 10 إلى 60 ملل بـ 2 BD فقط .. وتشترين 3 قطع تحصلين واحد مجاناً

ولين شريتي أشياءات بقيمة 20 BD لج هدية مجاناً , من إختيارج

وعندهم أطقم .. بـ 15 , 20 , 25 BD

وختامها مسك .. منزليـن أشياءات نيو , ومن ضمنها " زبدة جسم / برتقال " + عطر " الفراولة " .. إلخ

..*..

البنوتات .,

[MARK="#999999"]إلي متعودين يصبغون حواجبهم[/MARK]

ويدورون على شي رخيص & قوي

يعني نتيجة نظيفة جداً ورخيصة بـ 1 دينار فقط

صالون ( فيونا ) / جد علي .. بـ القرب من المعهد الحديث & صيدلية البيـان

وعندهم أسعار خاصة وحلوة , بمناسبة الإفتتاح ;)

..*..

ولي عودة

:biggrin:

حلمـ .,;12121358:

تقارير بسيطة جداً وع السريع .,

:thumbs_up:

..*..

[MARK="#999999"]لمحبات محلات ( ذا بودي شوب )[/MARK]

عندهم عروضات حالياً

أشياءات من 10 إلى 60 ملل بـ 2 BD فقط .. وتشترين 3 قطع تحصلين واحد مجاناً

ولين شريتي أشياءات بقيمة 20 BD لج هدية مجاناً , من إختيارج

وعندهم أطقم .. بـ 15 , 20 , 25 BD

وختامها مسك .. منزليـن أشياءات نيو , ومن ضمنها " زبدة جسم / برتقال " + عطر " الفراولة " .. إلخ

..*..

البنوتات .,

[MARK="#999999"]إلي متعودين يصبغون حواجبهم[/MARK]

ويدورون على شي رخيص & قوي

يعني نتيجة نظيفة جداً ورخيصة بـ 1 دينار فقط

صالون ( فيونا ) / جد علي .. بـ القرب من المعهد الحديث & صيدلية البيـان

وعندهم أسعار خاصة وحلوة , بمناسبة الإفتتاح ;)

..*..

ولي عودة

:biggrin:

لؤلؤة المحرق;12121710:
هههههههه مخرفه هاليومين مو مني من اللي تخبرينه :lol:

M0Z00N;12122420:
البنات الحلوات الي سألو عن غرام الذهب

اليوم غرام الذهب عيار 21 بـــ 12.47 دينار

هذيــان;12122442:
اووه ماي قاااااد :confused::|





قبل سنة ونص > على فترة خطوبتي كان الجرام بـ 7 او 8 دينار
وبالغصب حصلت لي طقم سعره زين :( الله يساعد الشباب :lol:

ع ـذبة المشاعر;12122270:
مرحباااا

شخباركم

:lol:

وحشتوووني كلكم

**

شكرا لكل من بارك ليي

الحمد لله عدت حفلتي على خير ,, وبالنسبه لي كانت من اروع الحفلات اللي رحتها << يالله عاد :lol::lol: ههههههه

لا صدق الحمد لله كان كل شي مثل ما ابي والحفله حلوة واستانست حدي

طبعا لا تخلووو من بعض الاشياء بس طوفتها

وان شاء الله بحط لكم تقرير مصوور بس نطروا شوووي ;)