{.ْ!●»«●.ْ!}

سلام بنات :)

وحشتوووني

ومثل ما وعدتكم اني أكتب لكم تقرير الرحلة الى السعودية الي كانت يوم السبت :confused:

المهم انطلقنا من البيت على الساعه 7 ونص الصبح انا وامي وخطيبي وصلنا الجسر وكان ازدحاااااام :-o وقلنا يالله اوردي ما يفتحون محلاتهم الا الساعه 10 وتمينا في الجسر يمكن ساعه وشوي ما وصلنا السعودية الا الساعه 9 وشوي وخطيبي يقول ها الحين وين تبون قلت له ودني فينيسا مول وباجوف لي شي بس ما بشتري يعني باخذ فكرة وعقب بروح السوق اذا جفت شي عجبني باخذة واذا ما جفت برد فينيسيا باخذ الا ضرب في راسي

المهم وصلنا فينيسا ودخلنا المحلات توها قاعدة تفتح وطبعا اكثر المحلات محلات فساتين سهرة او جلابيات وما عجبني شي حتى قبل ما يفتحون كل المحلات قلت الى امي وخطيبي يالله نروح الدمام لأني كنت حاطة في بالي فستان اخضر للجلوة فخم :D وما جذبنا خبر قلنا يالله نروح الدمام وكان ذاك اليوم تعبااااااااااانه اول يوم لي من الدورة وكنت حدي مالي خلق شي طلعتنا من فينيسيا كنت جوعانه قلت الى خطيبي ما تريقنا ودنا مشوار ناكل طعمية :cool: قال اوكي واحنا رايحين واني اغني (مشوار رايحين مشوار ) <<اسم المطعم مشوار وصلنا الا المطعم مسكر :thumbs_down: وقلنا يالله نروح الدمام < رجلي هذي ثاني مرة يروح الدمام اول مرة راح ويا اخوه وهني بدأت المغاااااااامرة :sick: كل ما نطوف على لفة يقول لي هذي اللفة اقول ليه ما ادري ونطوفها ومشينا واااااجد وكل تحويلات وما جفنا قدامنا الا لافته عليها سهم مكة المكرمة والمدينه المنورة اني هني صرت جذي :-o ورجلي يهديني ويقول سكتي ومشينا سيدة واقول ليه والحين يقول اكيد في كوبري يرجعنا وفعلا جفنا كوبري رجعنا وجفنا لفة مكتوب عليه وسط الدمام او وحدة مكتوب مكة واني اقول الى رجلي اكووووو وسط الدمام بس هو ما لفها يقول الدمام كبيرة الف اي مكان اقول ليييية الحين ردينا رجعنا على طريق المدينه واني اقول ليه نزلنييييي ضيعو بروحكم ما ابي اضيع :lol: وهو معصب عليي لأن مرة امزح ومدودهتنه لين ما قال ليي سكتييييي خليني اركز والحمدلله طلعنا من هالورطة وردينا عند مجمع الراشد وقال الحين ما بضيع اللفة ودخل لفت الدمام او سأل رجال وين سوق الدمام ودلانا عاد ما وصلنا الا الساعه 11 ونص وهني المحلات كلها سكرت :( وقالو لنا ما نفتح الا 4 :'( وقلنا شنسووي رحنا مجمع اللؤلؤة الا وسط السوق قلنا بنصلي وبنرتاح في المصلة تونا بنصلي الا بندو المكيفات والليتات وقال خطيبي الحين مافي محل فاتح الا سوبر ماركت بندة قومو او قمنا او رحنا بالسيارة وقال عشان اثبت بعد على طريق السوق رحنا ودخلنا وقعدنا ندور وتمللت يعني سوبر ماركت عادي وامي تقارن بيت اسعار السعودية والبحرين واني كان بطني وظهري جفت كرسي مفلوت وستانست رحت وقعدت عليه وقلت ليهم اذا كملتون قولو ليي وعقب قلت ليهم يالله مصختونها خلنا نرج السوق كانت الساعه 2 ورجعنا وقفنا في الباركات المظللة وقعدنا ناكل واني رجعت الكرسي الى ورا ونمتتت ليي نص ساعة وامي بعد بس خطيبي على عمري كان قاعد واحسة على اعصابة انه يبي يفتك يرجعنا البحرين يقول مو سياقة سياقتهم .. المهم واخيرااااا صارت الساعه 4 ونزلنا من السيارة قلت الى امي اوووول شي نبدي في الفستان دخلنا محلات فساتين نسالهم عندكم فساتين جلوة جاهزة يقولون لا لازم تفصال وسلمت امري الى الله وقلت بفصل وقعدت ادور على قطعه وجفت محلات كله الا يجون الكب مال الصدر كلها سوارفزكي وتطريز وحركات يعجبوني يعني سزارفزكي ذهبي وهو اخضر بس االكب يطلع عليي بـ 90 دينار والخلق يطلع كامل حدود الـ، 200 قلت ما بستعجل وذكرت المحل الا خذيت منه قطعه فستان ملجتي عندي كارته ورحنااااااه وهناك قلت له طلع لي شي للجلوة ابي شي فخم وراقي غير المعروضين لأنهم يخششون< طلع لي قطعه كب مال صدر يجي كللللله سوارا فزكي وتطريز مادري يعني هو صاير على ذهبي او فضي السوارفزكي شي عجيب ما يبين يعني وياه قطعه ثانية مثل السير يقول لي دي كأنها حزام تحطينها في الفستان بعد قطعه شك وسوارفزكي وانهبلت علييييه :confused: قلت ابية وراعي المحل جزاه الله خير ما قصر ويايي قال لي خلاص مادام انها اخر حبة من اصل 3 حبات براعيج فيها وبدلج على خياط مرتب المهم باعني الكب ومع الحزام والقطعه كامل تقريبا بـ 160 دينار حتى اللبطانه عطاني اياها مجانا ؛ وقلت ليه ابي طرحة قال بتكلفج 400 ريال تقريبا يعني 40 دينار وطلع لنا تور وشي نحطة قدام في الطرحة وشريته بس ما طلع عليي بـ 40 دينار طلع يمكن 30 لأن رخصني يعني طلع الخلق كامل بـ 190 ورحنا الخياط وقال لي الخياط في محل يشتغلون فيه نسوان اسمه مشغل شهد روحي اخذي قياس ياخذون من عندج بس دينار ورحت وطلع صالون نسائي واخذو مني دينار ونص مو دينار او وديت المقاسات للخياط والخياط فناااااان رسم لي الموديل الا في بالي وانا من قبل مخيطة عندة فستان ملجتي او واثقة فيه قال بخيطة لج بـ 400 ريال يعني 40 دينار < يابلاش بالنسبة للبحرين لأن بعد يعني ما كان فيه موديل اكتفيت بالقطع الا شريتهم للفستان بروحهم بيفخمونه فما ابي اسوية اوفر بس خطيبي حاججة وقال بيخيطة بـ 35 دينار وبس كملنا من الفستان قريب الأذان وطلعنا بسرعه بسرعه ابي اشتري ليي شوي ثياب ما حصلت شي يعني يعجبني احس عادي مثل البحرين ما تسوى يعني شريت لي تنورة سودة سادة وقميص وجواتي ثنين وبسسس وقلت الى رجلي يالله بنروح البحرين وقال بنمر سيتي ماكس مسوين 50 % تخفيض اني ماحب ثيابهم كل مرة اشتري اجوفهم حليوين بس في اللبس مادري ماحسهم اوكي او رحنا وكانو مسكرين للصلاة والنسوان يالله :woo: واااااااااااجد عند الباب ينطرونه يفتح قلت اكييييد تخفيضات عدلة ونزلنه دخلت وخميت لي جمن شي نصهم مو مخفضين < ما حسيت التخفيض يستاهل كل هالاوادم يعني عادي وفي رجعتنا البحرين على الهاي وي ما نجوف الا عاصفة رملية مو طبيعيه ما نجوف الا قدامنا كل السياير وقفت في الهايوية واني خايفة احد يجي يدعمنه من ورا ونجوف اشياء تتطاير قدامنه اوراق ومادري شنو واني وامي حدنا خايفيييييين وما مشينا الا لما هدأت العاصفة وردينة البحرين سالمين غانمين

وقلت خلاااااااص حتى الفستان بخلي صديقتي سعودية ويايي في الجامعه تجيبة ليي ما بروح ليه

وان شاء الله اصورة لكم اذا جهز ولبسته :thumbs_up:


قيموووني

حاضرين للحلوين ;)

وصالونهم مافيه حق شعرر.. بس للمكياج