{.ْ!●»«●.ْ!}

صبحكم الله بـ الخير .,

أخباركم ؟!..

وحشتوني :D

..*..

حكاية غرام;12105806:
بنات
ابي اسالكم عن ام محمود (لؤلؤة بيضاء)
شرايكم فيها

ابي اخذ من عندها شموع الزفة + صحن الكيك مع الشوكة والملعقة + صينية العصير مع الكاسات + دفتر الاهداءات

وعندها بعد اممم ستاند الشبكة وفازة للايسكريم بدل الكيك وفازة للعسل للملجة اعتقد
وتوزيعات كاكاو

بس انا افكر بس في الي كتبته فووق


وابي اسالكم بخصوص محلات عبايات حلوة وكشخة
حلم قالت عن اوديت في جدعلي ..
انا افكر ارووح سوق المحرق واشووف محلات العبايات هناك
انصحوووني وين المحلات الحلوة ..

" أم محمود " أنصحج فيها وبـ قوة صراحةً

شغلها & تعاملها ما عليهم ذرة غبـار

ومثل شغل المحلات وأنظف .. وبـ أسعار جداً مناسبة

شوفي شغلها بـ عيونج وعلى الطبيعـة وأحكمـي

شخصياً جربتها وأحب وايد شغلها

+

محل العبايات .,

أنا نصحت فيه للي تبي تسوي شي ( رخيص وقوي ) :thumbs_up:

لأنه أسعاره وايد زوينـة

بس للأمانة ما جربته ولا مرة

|||

.. الجوهره ..;12106035:

سلاااااام بنااات

شكرااااااا لكل الي قيموني ..

كتبت رد شطوله و عقب طار :(

بس عشانكم برد اكتبه مره ثانيه ..

بالنسبه لسعر الفيشل بـ22 دينار ..

و صالون بدي لاين في سار مثل ماوصفت لكم مهووي ..

مثل ما قلت لكم عجبني الصالون و عجبتني خدماته و ارتحت في التعامل معاهم ..

و مثل ما قلت لكم الصالون راقي جدا جدا ..

فحجزت عندهم لحمام مغربي ..

كان يوم الجمعه و تأخرت على موعدي نص ساعه و البنت الي بتسويلي مسكينه كل شوي تتصل فيني ..

بس لظروف خارجه عن ارادتي تأخرت ..

وصلت الصالون و البنت تنتظرني و استقبلتني بأبتسامه و كانت تمزح معاي ع تأخيري , يعني ابداً ما كانت معصبه على التأخير ..

كلش حبوبه البنت ارتحت معاها ..

ودتني غرفة التبدله و خلت اغراضي في اللوكر و عطتني المفتاح و قالت لي البس الروب و السلبر و اروح لها الحمام المغربي ..

مارحت لها الا هي بعد بدلت و لبست لبس خاص للحمام المغربي ..

دخلتني الحمام المغربي و قالت لي فصخي قلت لهاااا مابفصخ استحييييي

الحمام كله بخاااااار مجهز من قبل لا اوصل ..

و الحمام راااقي و نظيف و تصميمه طبعاً مغربي ..

خلتني في البخار 3 فترات ..

و بعدين جابت الصابون المغربي و خطته ع كل جسمي ..

و ابتدت تفررريك .. صراحه تفرك بضميييييييير , فكرتني من قلب ..

و كل شوي تخليني اروح اغسل يم الشور و ترجع تخلي صابون و اشياء و تفرك ..

و حطت في شعري ماسك من اول مادخلنا بعدين في النهايه غسلته ..

ضلت معاي بالحمام تقريباً ساعتين وشوي ..

و طول هالساعتين مسكينه هي تحط اشياء بجسمي و تفرك و ترجع تشيلها ..

امانه تشتغل بضمير و مو من نوع الفلبينيات الي يطالعون الاجسام و يعلقون ,, بالعكس كانت جداً مؤدبه ولا طالعتني ..

عجبني التعامل معاها وايد و ان شاء الله المره الثانيه بحجز معاها بعد ..

عقب ما خلصت من الشغل الشاق بالحمام .. جابت لي المنشفه و قالت لي اتنشف و اروح لها غرفة الريلاكس ..

تنشفت و لبست الروب و رحت لهاا ..

و حطت لي لوشن بجسمي كلله .. و دلكتني تدليك خفيف ..

و عقب رحت غرفة التبدل و بدلت و رجعت البيت و انا القققققق من النظافه ..

حسيت روحي فرش و خفييييييفه و نظيفه و ريحتي ووووواووو ..

و الي يعجبها التقرير تدعيلي دعوه حلووه ..

عليج بـ آلف عافية

نعيماً :)

|||

الكاتمة;12107275:
سلام فراشات المنتدى الرائع ,,,
منتدى روعة بما تحمل الكلمة من معنى و عضواات أحلى و أحلى
عمري ما شفت عضوااات مثلكم في اي منتدى ثاني اكثر من خوات عيني عليكم باردة

الكل بيستغرب أول مرة نسمع عنش او اول مرة نشوف اسمش
ترى اني من زماااااااااان مسجلة و دائما اقرا مواضيعكم الفن بسسسسس من وراء الكواليس
الله يعطي الجميع العافية مو مقصرين صراحة

اليوم يا بنات بغيت مساعدتكم
اني ماخذة لي فستان أصفر وفيه سوارفسكي و جذي
بس ماادي اي لون اسوي المكياج و آخذ الاكسسوارات
طلبتكم لا تردوني و اذا عندكم صور لمكياج اكون شاكرة لكم ذلك

رحم الله والديكم و في ميزان حسناتكم ان شاء الله
انتظر خبراتكم يا حلواااات

حياج الله بـ أي وقت

وحاضرين أحنا للطيبيـن =)

ممكن تسوين الميك آب

بألوان صيفية ربيعية ( درجات الأصفر & الأورونج & الأخضر )

أو إذا تحبين الميك آب السموكي ,

سوي تداخل الأصفر " بيبي يلو " مع تدرجات الأسود

شوفي الأنسب لفستانج ولملامحج فيسـج وقرري ..

بس شخصياً أميل للسموكي أكثر .. بما أنه يناسبني أزيد :o

|||

روح روحي;12109190:

مرحبا بنااات شخباركم

اليوم بعد الصلاة سويت شعري استشوار و حطيت ليي ميكب خفيف و لبس جلابية متروسة شك لونها فوشي و تجهزت !!

و عالساعة 8 مرتني خالتي و رحنا حنة عذبة ،، كانوا هناك الاهل و دخلت و سلمنا ووصلت للعروس بس سلمت عليها فديتها من بعيد لان الحناية كانت توها بادية تحني رجولها ،،

الوضع هناك كان حليو ،، و سفرتها حليوة بعد و البيض روووعة >> احسركم شفته قبلكم ههههههههههه

و عذوووبة فديتها كانت لابسة ثوب نشل و هذاك اللي ينحط فوق الراس كأنه اسمه قبقب هههه و مستشورة شعرها و ميكبها كانت حده ناعم و كيوت >> حبيت العروس عدل

و اللي تحنيها بعد حناها كلش فظيع بس ما اعرفها قالوا لي من مدينة حمد و شكلها صغيرة ههه يعني في حدود 21 - 22

و صفقنا و استانسنا و غنينا , و أكلينا هههه ..

و بس مشينا احنا قبل الجماعة لان بكرة انة بروح الصالون من الصبح و خبركم بالليل بنرد متأخرين و الجمعة بروح الاحساء و يبونا عند الباص الساعة 6 الصبح يعني رديت أبي اريح ليي شوي

و بس هذا اللي صار

و الف الف الف الف مبروووك للغالية بنت الخال عذوووبة و يا ربي يهنيج و يسعدج و عساها عشرة دايمة:'( >> متأثرة هههههه

ما شاء الله .. تبارك الرحمن

ربي يسعدها ويوفقها ويهنيها إن شاء الله

ويتمم لها خطوبتها على آلف خير !..

ثاانكس ع التقرير الزقررررتي :L:

|||

بحرينية قمر;12109495:
ســـــــلآم
بنات عندي حنة & رسبشن في صالة أبو ذر الغفاري اللي في مدينة عيسى ممكن تدلوني وين صايرة هالصالة بالضبط؟؟ آبي شرح بالتفصيل و لا عليكم أمر..
و آبي أعرف وين صاير صالون ليليان بالضبط؟ إذا كنت داشة جدعلي من صوب المعهد الحديث ... و تعرفون من أحلى وحدة تحني هناك؟؟
و آخر شي.. صج اذا شقرت حواجبي بيزيد الشعر؟ لأني مفكرة أسوي نيو لوك و أشقر بما إني ماحف و مستحيل أفكر أحف بعد ههه... شرآيكم؟

من بعد مطعم ( محمد نور ) مباشرةً :)

وما تضيع لأنها تطل ع الشارع ,

+

التشقير ..

ترى يزيد الشعر , لناس وناس !!..

شخصياً ما قط مرة جربته

بس كل ربعي إلي يجربونه وسوه

قالوا إنه يسبب في تطويل الشعرة ,

فـ أعتقد أهو يعتمد على شعرتج إنتي ;)

|||

|||

أشواكـ ناعمه;12110272:
صالوون سلوووى كم اسعارهم العاااديه مو للعروووس يعني مثل ماقلت ليكم للمجلة بس

واني امفكر اسوي الشعر والمكياج ففي صالووون واااااحد مابي اروووح وارجع

؟؟؟

تنصحوني اسوي في صالون سلووى
لانه قريب بعد لاني في م حمدددددد

إذا بتقولين لهم إنج عروس ( ملجة ) بياخذون عليج سعر .. الملجة

إلي هو 30 للمكياج + 1 دينار جارج بودرة الجسم

وإذا للعادي أسعارهم :

من 7 وما فوق

بو 15 وما فوق .. يجي وياه الرموش

تسريحات الشعر ,

ماكو شي أقل من 15 ويوصل حتى إلى 100

كلما زادت الحشوات والإكستنشن والإكسسورات ,

زاد معاه السعر ,

أفضل شي للمكياج ( لمياء & زينب )

وعندج بعد .. صديقة , ممتازة

وللشعر عندج ( نورية & منى & صفية & وداد ) كلهم حلوين وشغلهم الأفضل في الصالون ;)

|||

أنثى الـ نون;12110707:
:o

.. اليـوم رحت شفت صاله ثانية .. وطبعا عجبتني .. بس المشكلة انها محجوزة ليله اللي ابيها بس عجبتني اكثر من الصاله الاولى .. فقررت اني احجزها .. حتى لو اضطريت ااخر خطوبتي ..
المشكلة اني بضطر اغير حجوزاتي كلها علشان هالصاله ،، وبصراحة انا حجزت الاولى بس ما كنت مقتنعه فيها والسبب ان الوقت ضيق وماكو حجوزات .. بكرى ببدأ بجدوله التجهيزات من جديد ..

وبصراحة وايد محتارة وين اروح للمكياج والشعر في الملجة .. والخطوبة
الحناية حجزت ام سجاد وما راح يتغير التاريخ لاني يناسبني اكثر جدي ..

خطوبتي بتكون نهاية سته وانا لحين ما قررت ولا شي .. مجرد حجوزات مبدئية المفروض هالاسبوع ااكد عليها ...

وبما ان سالفه الصاله جت صدفة ..فابضطراني اغير التواريخ ...

فحـاليا شوروو عليي بصالونات سنعه لعروس حق ملجة وخطوبة ..
انا فكرت في عائشة الريس وحجزتها مبدئيا بس بضطر اغير الموعد ..
وابغي للشعر مكان حلوو ومضمون والرونق وايد بعيد عني ،، فقررت اروح حق سهام للشعر العفراء .. ااذا في مقترحات ثانية ..

الملجة قلت بروح اشرقت حق مكياج وشعر عند نورة الكعبي والشعر قلت نرجس او حيالله وحده :confused: ... وحاليا ترددت وايد .. وقلت يمكن اروح سلوى ...

الكريه ان ملجتي بينها وبين الخطوبة يمكن يصير اكثر من اسبوع فابضطر اشيل شيرة اكثر من مرة واحف اكثرمن مرة ..!!

انصحوني بأمكان زينه حق فروت واكس للجسم كله ،، وصالون تمام للفيشل ،، والحمام المغربي،، والبديكير والمنيكير ،، وحفافة ممتازة لعروس ..

احس روحي حدي متوهقه .. ومو عارفة شنو اسوي ... خصوصا ان من زمان ما صارت عندنا اعراس ... فهلب مي بليز ..

حاليا الشغل الشغال توزيعات سفرة العجم وتوزيعات الخطوبة .. اشتغل عليهم بقلب وضمير .. وناسية سالفة الحجوزات ...

وغير اني حتى فستان للخطوبة ما حصلت لي طلعت يوم واحد افتريت بشارع البديع فقط !!

ياربي احس متوهقه عدل !!

اييي نسيت شغله

كنت ابغي احجز سكووب بس من كثر البلاوي اللي عليه ... غيرت رأيي نهائيا وقلت بحجز صحاري فـ شنو رأيكم فيه ؟ وشنو رأيكم بالدانه !!

بعلق أول شي على إستديوهات ( سكوب )

أنا ولله الحمد لي فوق الـ 3 سنين أتعامل وياهم

وبـ حفل خطوبتي رحت لهم

وغير جذي كل صديقاتي رايحين لهم عرايس وعادي

إلي يومج ما شفت عندهم صورة أو ألبوم مب حلوين

شغلهم ما عليه ذرة غبار

وكـ رآي شخصي أشوفهم أهما أفضل الإستديوهات .. والناس بهذي أذواق وتختلف

وأكبر دليل إن كل صديقاتي إلي ما راحوا لهم في الخطوبة في العرس راحوا ..

فـ لو ما كان ممتاز كان ما شفتي هـ الكثر كستمر يتعاملون وياهم .. صح ؟!..

وأنا لو ربي كتب لي رزق ونصيب ما أبي إلا هـ الإستديو

لأني متطمنة جداً لشغلهم

وما قط مرة شفت منهم شي غلط

|||

زببببببببببدة الحجي هههههه << أهم شي :o

إن كل إستديو فيه الشين وفيه الزين .. صدقيني

و لا تحكمين على الشي إلا لين أنتي بـ نفسج تشوفينه بـ عيونج

بس كونج ما شفتي الشي وسمعتي عنه وغيرتي رآيج ليش ؟!..

|||

مثلاً صحاري !!..

وايد .. وايد , شفت شغلهم

أكثر ألبومات شفتها بـ حياتي كانت من عندهم

وحتى صور عادية , شفت + جربت

وحتى فاتحين فرع جديد يمنـا ورحت شفت الألبومات إلي عندهم ;)

وشخصياً أقولج

من بين نسبة 100% إلي شفتها من عندهم

يمكن يجي 40 أو 30% إلي عجبوني .. بسسسسسسس

|||

ليش ؟!..

لأن الناس أذواق صراحةً

ممكن شي أنا أشوف رائع غيري يشوفه فاشل

وشي أنا أشوفه مب حلو ويلوع الجبد .. غيري يعجبه ويدش موده ههههه :biggrin:

فـ روحي شوفي شغل الإثنين وأحكمي بـ نفسج

ويفضل تشوفين ألبومات عرايس مجربيـن عندهم !..

وقارني الأفضل شنهو ؟!..

|||

أنثى الـ نون;12110750:
شرايكم في صالون صفاء لعروس ؟

ومكياجهم حلوو او لا ؟

بـ أختصر عليج السالفة !..

هذي صور مكياجها للعروس بـ 70 دينار :

عروس مدينة حمد;12111269:
السلام عليكم

بغيت رقم الحناية عواطف ضروري

ولدها متوفي في شهر صفر .,

يعني صار له حول الـ 3 شهور

فـ ما يندرى أهي رجعت تحني حالياً أو لا ؟!..