مسااكم الله بـ الخير جميعاً !..
جمعة مباركة
أخباركم ؟!..
..*..
كمايو;12304028:
حلم كم صورة صورتي
وبجم طلع عليج سعررر الصورة
وشكبر حجمها اي سايز
بحرينية وكلي فخر بأنتضار التقرير على احر من الجمر
بوووووه !..
صورت وايد ,
يمكن فوق الـ 15 صورة
وأخترت تقريباً 6 صور من كل السايزات وطبعاً في كل صورة ( 3 أو 4 لقطات )
4*6
5*7
8*10
و وحدة مكبرة A4
وطبعاً كلهم بـ شغل ديزاينـات + فلتر ,
طلعوا علي يمكـن 23.500 دينار
هـ الأسبوع إن شاء الله بروح أستلمهم :D
||||
وجــ ــود;12304257:
المواساة
بصرآآحة كان خاطري احطه لكم كتقرير منفصل مع الصور
بس للأسف :(
بما اني كنت منخشه دآآآخل مافي شي تصور
كان خاطري اصور لكم الاكل وترتيباتي .. بس كنت وايد مرتبكه فما صورت اللي لبسته :o
بس ماعليه بصوره لكم مرة ثانية
والاكل بعد كان خاطري اجوعكم ههههههههههههههههه :worn_out: بس اختي ما فضت عشان تصوره
المهم
طبعا كان يوم حآآآفل بالنسبة لنا :|
العصر قريب المغرب دشيت سبحت .. وبعدين ابتديت استشور شعري
عقب الصلاة .. حطيت لي ميك آب خفيف كللللش :049:
كان الشدو مزيج بين اللونين الذهبي المطفي ووياه بني فاتح وخطيت عيني من فوق بالكحل
وبلشر بلون المشمش + قلوس بيج فيه لمعه
وخليت شعري مفتووووح ما سويت فيه شي .. ولا حتى حطيت فيه اكسسوار صغير ولا شي
ولبست جلابيتي .. كان عبارة عن قطعتين
قطعه بطانه لونها احمر فاقع .. وقطعه شيفون اتيي فوقها لونها اسود وفيها ورود باللون الاحمر والبيج
:054::054::054:
ما صارت الساعه 8 وربع الا انا جاهزة .. واهل العريس وصلو تقريبا 8 ونص او 9 الآ
حزتها استويت جذي :090:
كل من يت تسلم علي من بنات عماتي وعمي يقولون لي يدج باردة هههههههههههههه
وعقب فترة طلعت اسلم عليهم :o
وحطو العشا وكان عبارة عن
( ورق عنب + فطاير صغيرة مشكله + سمبوسة + كباب لحم + هريس + معكرونه + خنفروش + تشيز كيك + كيك على جوكلت + معمول + عصيدة ) ومادري يمكن نسيت شي بعد :lol:
وكان كل شي مسوى في البيت .. ما شاء الله عمتي ومرت عمي وبنات عمي ما قصرو
كل من سوت شي .. وامي وياهم بعد .. بس انا كنت ماخذه اجازة من الطبخ :o ما سويت شي
ما عدا الفطاير والسمبوسة وكباب اللحم والخنفروش كان من برة
واتصل ابوي في امي يسألها عن المهر ,, وخبرته
وقصو مهري عند الرياييل
وصار التصفق والتيبب عندنا :o:o:o
وعقب تمو يباركون لي وجذي
لي ما شوي شوي ابتدو ينسحبون
وعدت الليله على خييير :adore: عاد عقب ما خلص الجارج مالي
عاد اللحين المشكله العويصة :lol:
عريس الغفله مستعيل .. ويبي الملجة اللحين
يعني على نهاية هالشهر خلاااص :hysterical:
مادري شسوي خايفه ما احصل حجوزات
ناطرين يهل هلال رجب ونجوف اليوم الزين للملجة .. وبعدين ببتدي حجوزات
ادعو لي تتيسر اموري واحصل اللي ابيه :o عاد عاد ادعولي :o <<<< ارجوج ههههههههههههههه :lol:
وبث
اذا توهقت في اشياء بيي اسئلكم :D
آلف , آلف , آلف مبروووووك
ربي يسعدج ويوفقج ويهنيج إن شاء الله
ويتمم كل امورج على خير
خوش تقرير
وبـ إنتظار المزيد :thumbs_up:
||||
جنـــات;12306045:
بناااااااات حدي متوهقة شرايكم بمكياج نهاااااد ؟؟
اني حجزت سلوى ومترددة وموسوسة حدي لان مروة مو هناك ومابي سلوى تصبغني
نهاد مكياجها للعروس + بودرة الجسم =70؟؟
في احد غيرها يمكيج بالرونق؟؟
شرايكم اظل على سلوى لو اروح الرونق اليوم ابي اقرر عااااااااد تعبت من التفكير :(
عادي !..
عندج لمياء ,
كـ رآي شخصي
إهي أفضل من سلوى ومن مروة !..
لأنها تحط لج شي وسط لا هو ثقيل وأوفر .. ولا ناعم ماله حلا
وستايلها بـ نظري الأفضل من ماكيرات هـ الصالون ;)
||||
جنـــات;12306052:
تعرفون اسعار عواكس ميديا للمجلة ؟؟؟؟؟؟؟؟
حد علمـي .,
من 170 إلى 220 تقريباً
يعتمد على عدد الصفحات ( عدد الصور )
||||
أشواكـ ناعمه;12306750:
بنااااااااااات يمكن استعيلت لانه حزت صالة مرمريز رقم خمسة الا اهي قبل كانت صالة الجميراااااااااااا
وحجزتها حتى ديكور مافيها بس قالو لينه لديكور بكون مثل ديكور صالة رقم ثنين
توكلت عللى الله وحجزتهاااااا
بوووووه !..
وأخيراً تم الإفتتـاح
صار لها دهر هـ الصالة مبندة يا زعم علشان تغيير الديكور & تكبير المساحة
طيب , بكم صار سعرها ؟!..
أو ما تغيرت أسعارها ^o)
||||
وجــ ــود;12307607:
تعآآلو
في تحت اسمي نجمة
شسالفتها :023::023:
قصدج تحت إسمج , النجمة الصفرة ؟!..
هاي لأنج صرتي فضية وكلما أرتفعت مرتبتـج زادت نجومج هههههههه
أما إذا قصدج مع إسمج جذي ( * ) هاي لأنج متخفيـة " حاطه وضع التخفي " وبس إنتي إلي تشوفين هـ النجمة
||||
جنـــات;12307760:
بناااااااااااااااااااات اتصلت في عائشة الريس من شوي شنو اخلاق هالمرة واجد عجبتني ودخلت خاطري ... استانست عليها ووااجد ضحكت اياها
قلت لها بصراحة واجد عاجبني ميك اب مالش وابي اجي واتعنى عندش بس للمكيب فأقترحي عليي وحدة لشعر من عندش الا قالت لي عندي بدور وعايدة النعيمي للعرايس
قلت لها رشحي لي وحدة قالت عايدة حلوو
انتو شرايكم يالله تجاربكم بنات حاسة ان هذا الحل الوحيد لأن حجزي لتصوير في سكوب البديع واذا كان الصالون في مدينة حمد فهذا اقرب شي
شرايكم في شعر بدوووووووور او عااااااايدة يالله سوو لي تصويت رحم الله والديكم
صج !..
ما شاء الله عليها عايشة أخلاقها وايد عالية حبوبـة
على العموم !..
بـ النسبة إلى ( بدور ) فهذي الكوافيرة كانت تشتغل عند الماكيرة / فردوس في صالون إيلاف
والحين تشتغل بروحها
صراحةً سمعت عندها ذم وسمعت عنها مديح .. فما أقدر أبدي رآيي فيها
وبـ النسبة إلى ( عايدة النعيمي ) هذي معروفة وايد
وتشتغل مع كذا ماكيرة
وهي إلي تسوي شعر المطربة / هند
شخصياً جربتها أنا وأهلي
وكلنا سوت لنا تساريح فخمة جداً وعلى مستوى وراهيـة وايد
أمانةً شغلها روعة ونظيف وايد مب شوي
بس فنانة وماهرة في " الويفيز " فقط
وأنا أشوفها للعادي تمام
بس لعروس ؟!..
بـ صراحة في وايد كوافيرات أحسن منها
وليييييييييييش نروح بعيد ؟!..
عايشة الدوار 5
عندج صالون سلوى ( نورية , منى , صفية )
عندج صالون العفراء ( سهام )
شغلهم وايد أفضل لـ عروس
يصيدون لج كل شي تبينه , عكس عايدة إلي أشوفها فنانة ويفيز فقط :thumbs_up: