{.ْ!●»«●.ْ!}

hamlet _ 00;12297519:

بنات دلوني على مكان يسوي كيك عرايس حلو و عندهم افكار ..

واذا ممكن اسعارهم

Health Inspector;12298682:
بنات .. شنو الحل حق الحبوب الكبيره الا تطلع في الويه ويصير ليها اثر ..

مها البحرين;12296581:
فرصة مدام تتكلمون عن الاظافر قلت انزل لكم هالتقرير :




صالون حق الاظافر ..
توما صالون بالرفاع الشرقي ..
توهم من جم يوم فاتحينه ...

في شارع اللي فيه لوكادو ومعجنات امبرس
في البناية اللي فيها باسكن روبنز ...
































مايحتاي اقول قيموني ...

:o:o:o:o

أنا الشوق;12297988:



بل مهوووي
أنا كنت مقتبسه ردج القبلي باقول لج قصه صارت لنا وياهم
بس الحين مايحتاي :lol:
اختي بعد خذت من عندهم فستان حق عرسي، ماذكر بجم بس عاد اختي تبيهم يضبطون لها المقاس وقالوا لها تدفعين المبلغ كامل
دفعت وبعدين يات البيت قلنا لها مايسوى وروحي السعوديه ومادري شنو
اتصلت بهم ألفت عليهم قصه خخخخخ وقالوا لها مانرجع لج الفستان
قالت لهم انزين خلاص ما منه فايده الا تقول لها اللي تشتغل لبسيه في عرسي :!!: و دوري لي عريس بحريني :!!::!!: وانا جميله ومادري شنو
قالت لها اختي انزين اخذي مصري (لأن اداره المحل مصريه) وهي البنت مصريه، فيعني لا تستغربين الحركه اللي صارت :rolleyes:
ومني مناك ماردوا لها فلوسها، ورحنا خذناه ويازعم عدلوا لها وتعديلهم غير عن اللي قالوا لها ويعني طاقه و راده عليهم ولاعت جبدنا
بس بعدين صار حلو في العرس :worn_out: بس بعد مايسوى هالمحل

اممم اذا بتروحين فينيسا في محل اسمه DAM اعتقد خذت من عنده مره فستان واختي بعد خذت حق عرسي من عندها واسعاره بعد اوكي يعني ماتوقع يطوف ال200

وفي محل على شارع الخدمات مره قريت عنه اسمه elancee' Couture جوفي يمكن عندهم شي يعجبج

أم الساادة;12298026:
خيووو مهاا شنو هذا إلا حق عروس ب25 دينار
حمام مغربي ؟!

Health Inspector;12298682:
بنات .. شنو الحل حق الحبوب الكبيره الا تطلع في الويه ويصير ليها اثر ..

العفراء;12298796:
مها بحرين عساه من صلاح وانشاء الله بتحصلين احلي منه وروحي وسعوديه بتحصلين وانا في خطوبه اخوي سهر 7 رحت فنيسا ما حصلت وكله متكرر بعدها رحنا محمع جمعه وحصلت فستان ازرق روعه وما شففت نفسه في اي محل وكل عجبه بس كان وسيع عند صدر وديته عند فلبنيه في محرق نسيت اسم محل هومن زمان محل وقديم بس خياطهم مرتب انا وخواتي عدلنا عندها مقابل مشويات الرفاعي ويلي تسال عن خياط محمد الياس تدلين دوار ساعه اخذيه اول لفه يمين عند صالون جوزاء روحي سيده بيج دوار اخذي كله سيده بيج اشاره بعد سيده بتشوفين مجمع سنتر بونيت ودواروحلويات مروج يمين بجانبه وان شاء الله عرفتي

ســـجـــايـــا;12298929:
صج المكان حلو ويفتح النفس ...

داري بلا أحباب;12299053:
يسلمووو مهوي المحل عن جد حلووووووووو

مها البحرين;12299312:
يس حق عروس حمام المغربي بس ماجربته للحين البنية ماصارت عروس ..

:(:(:(:(

كـلاسـيكيـة ذووق;12299470:
بنااات بغيت اسألكم عن محلات مال فساتين العرايس بالسعودية وين احسن شي؟؟

كمايو;12299607:

عرووووووووووساااااااااااااااااااااات

بالنسبة للتصوير

انا رحت ( سكووب ) ( صحاااري ) ( عواكس ميديا ) ( التقنية )

طبعا انا ابغي صور عادية مع الالبوم

ومن خلال فرتي بهالاستوديوها الاحلى والاجمل والتصميمات الجديدة والراقية

كانت عند (( عواكس ميديا ))

وعروضهم وااايد حلوة يعني 80 صورة داخل وخارج الاستوديو ( 100 ) دينار

بس العيب الوحيد ان بيعطوني الصور بدون البوووووووم :!!: يعني انا ارد ادور واتعب روحي على احد يصمم لي الالبوم ويكشخة اقل شي ب 50 دينار اذا مو اكثر ...

والمرتبة الثانية اتي (( سكوووووب ))

طبعا 60 صورة داخل وخارج الاستوديو (( ب 130 دينار )) مع الالبوم
اشرايكم

Ambassador of Bahrain;12299647:

بنات

ساعدوني

في مغسلة في محرق خدمة خلال ساعه؟؟؟

Ambassador of Bahrain;12299647:

بنات

ساعدوني
في مغسلة في محرق خدمة خلال ساعه؟؟؟

مها البحرين;12296025:
8o|8o|8o|8o|8o|

كله معصبه ..!!!
مابتصدقون شنو صار لي ..؟؟

:'(:'(:'(:'(:'(

انا ماقلت لكم شفت فستان لي من هالمحل
اللي حطيت لكم صورته وعجبني وجربته ....

بس مادفعت عربون لان قلت باروح رزان ويمكن
يعجبني شيء من هناك المهم ..
طلعت من المودا ماعجبني شيء ..!!
اتصلت في المحل امس العصر وقلتها لها
انا اللي جربت الفستان وابيه حجزيه لي

قالت اوكي بس متى راح اتيين قلت لها
اللحين ماقدر بارجع البيت وصعبة ارجع
الستي خليه الي باجر المغرب بامر ...

الى هني وكلشيء اوكي ....

من الصبح اليوم الا يايني الرقم
مارديت كنت في سابع نوم ....

ومره ثانية وثالثة ورابعه ..
قمت ورديت قلت الو ...

الا الهانم اتقول انتي تبين الفستان اولا ؟؟

قلت لها اي انا قلت لج من امس ابيه وحجزيه
وان شاء الله اليوم المغرب بامر عليكم وبادفع ..

الا تقول وعد شرف ومادري شنو ..!!

:|:|:|:|:|

جنها مخونه فيني قلت لها ليش !!!
انا امس يوم شفتيني شكلي جذابه
ولا عياره اذا مو يايه وما ابيه باقولج ...

الا تقول لا بس انا باطلع بريك ويمكن
تيين المحل انا محد بس باكتب على
الفستان اسمج ورقمج قلت اوكي ...


الا توني مخلصة صلاه المغرب الا تلفوني يرن نفس الرقم
استغربت ورديت الا اشوف الخانوووو اتضحك واتغشمر مادري
مع من جنه احد قاعد يدليقها الا تقول انتي متى راح اتيين

:woo::woo::woo::woo:

قلت لها : نعم ..!!
خير .. شنو ..؟؟
انا ماقلت لج بامر عليج اليوم المغرب
الا تقول :
لا بس انتي مادفعتي عربون والمدير
بيسوي لي سالفة ومادري شنو ..؟؟

قلت لها مسامحه في احد واقف على راسج اللحين ويبي يشتري الفستان ..؟؟

8o|8o|8o|8o|

الا تقول : هااا لا ..
قلت لها عيل ليش هالكثر الاتصالات والالحاح انا قلت بايي يعني بايي
اللحين بابدل وباطلع من البيت ومو عدله هالكثر تتصلين في الكستمر
يعني لازم شوي يكون في ثقة ..

:-#:-#:-#:-#

ما قالت ولا شيء الا تقول اوكي ..
بس صكته من عندي ورحت بدلت
وطلعت على طول ويوم دخلت المحل
الا شفتها تضحك ويايه صوبي مبتسمه
الا تقول الفستان انبااااااااااااااااااااااااااااااع

:mad::mad::mad::mad:

قلت لها : شنو انتي تتغشمرين او لا ..؟؟
الا تقول لا انا كنت بالحمام في البريك البنت
اللي هني معاي باعته افتريت الا اشوف ..
وحده على الكونتر ومعاها 3 نسوان واقفين

ماعلينا انا وين تشوفوني الدم وصل الى الركبه ..
من القهر بغيت اكفخها وقلت لها انتي اليوم جم
مره متصله فيني مو من صباح الله خير جنج متخرعه
مقعدتني من النوم وحاله مخرعتني تعالي وتعالي ..
واللحين يوم ييت تقولين بعناه توج مكلمتني ماصار لج
ساعتين متى بعتيه ..؟؟

وثاني شيء المحل يعطي الكستمر مده 24 ساعه
اذا الكستمر ماهتم ولا مر خذ الفستان بعدين لج الحق
تتصرفين فيه وثاني شيء انتي مليون اتصال مسويتلي اليوم
انتوا تفتحون الساعه 10 بالمجمع انتي من 10 ونص الصبح
قاعده تتصلين ولا 6 مسكولات حق شنو ذي كله ..!!

8o|8o|8o|8o|

توهقت الا تقول ماصار شيء في سايز اكبر بشوي
انتي جربيه وانا باضبطه لج انشاء الله ..
قمت وتعوذت من ابليس قلت يله مادام الفستان داش خاطري باتوكل على الله ..
الا اشوف النسوان يطالعوني ومستغربين ماعرف شسالفتهم ..!!

:worn_out::worn_out::worn_out::worn_out:

يوم دخلت غرفة القياس الا تقول لي باالعدال اللي خذت الفستان مالج
داخل هني وقاعده اجربه وهي قاعده تضحك ..

تخيلوا بس ..

:mad::mad::mad::mad:

قلت لها شنو ..؟؟

ليش اتجذبين وتقولين الفستان انباع عيل ..؟؟
الا تقول انباع وخذنا القياسات عليها قبل ماتيين
بشوي جوف الجذب حدي فوحت زين ماكفختها

خذت الفستان من يدها وتعوذت من ابليس ودخلت اقايسه ..
من لبسته حسيت بقصه نفس الموديل بس شوي اكبر ..
ما ارتحت له بالمره ذاك كان اضبط علي وايد ووكان شوي
من الخلق منسل ومجعمز ..
المهم فتحت الباب لها الا الاخت مجهزه لي المتر والدبابيس
حطت دبوس واحد تبي اتضبط يازعم ماقدرت حدي كنت
متنرفزه والفستان امبهدل علي من قلب ..

:thumbs_down::thumbs_down::thumbs_down::thumbs_down:

قلت لها بس خلاص ما ابي لا تعبين روحج مو عاجبني ..
ذاك الفستان كان اضبط علي واحلى ما اقدر اجاكم واخذ ذي

الا تقول طيب اللي يريحج ..

صكيت الباب وفيني الصيحه من القهر ..
دقيقة الا طاقة علي الباب ويايبه لي الفستان ..
الا تقول جربي ذي ..!!

قلت لها شنو ذي ..؟؟
الا تقول نفس الفستان اخذيه اللي تبينه البنت ماشرته ..

:-o:-o:-o:-o

قلت لها ليش اجذبين عيل علي ..؟؟
الا تقول لا اهي كانت بس قاعده اتقايسه ..

قلت لها لا والله عيل ليش تقولين انباع ..؟؟
تخيلوا بس زين ما دست في بطنها من القهر ..
تبي تقص علي عاد انا اللي كلش محد يقدر يقص علي ...

الا تقول هاااااا توهقت حدها قلت لها المفروض تقولين البنت قاعده اتقايسه ليش جذبتي علي وثاني شيء انا اللحين ما ابيه طاب خاطري منه وما اقدر البسه عقب ما البسته وحده
ثانية جدامي ومره ثانية لو سمحتي لا تقعدين اتجذبين لانج اللحين خسرتيني انا كزبونة ..
وخسرتي البنت الثانية ومحد شرى الفستان ..
ورقعدت باب غرفة التبديل في ويها ..

:mad::mad::mad::mad:

حرتني مت قهر يبطون الجبد ..
ماكانت بحرينية ماعرف شنو اصلها ..
بس كلش غلط اسلوبها من البداية ..
جذاااااااااااااااااابة ..
ويافرحت ماتمت الظاهر البنت اسمعت السالفة او اهلها قالوا لها لا تأخذين الفستان لا يصير في شيء ما يسوى عليج مع اني ماجفتها بس ماعرف ..

اصلا انا استحي اجرب شيء اذا قالوا لي محجوز عيب ..
احترام حق الشخص اللي حاجزه حتى لو كان عاجبني

هذي اللي صار لي اليوم حدي منبطه جبدي ومايسوى علي ..
قلت باروح السعودية ولا هالعوار الراس ...

:|:|:|:|

المزيووووونة;12296652:
تستاهلين التقيم عاد خيتو ماتدرين عن الاسعار واي صوب يصير


مافرق بين الرفاع الشرقي والغربي خخخخخ



في بوكواره يعني؟؟
الميزان رافض:(

مريووم الدبة;12296759:
حبوبات عندي سؤال تعرفوون مكان زين يسوون حمام مغربي ابي شغل عدل ماابي خرابيط؟

هذيــان;12297428:

واصلني عالايميل

عروض مذهلة لدى صالون كوسالين

العرض الأول
أي من هذه الخدمات بدينارين فقط
حفاف وجه كامل- بديكير- منيكير- شمع البارافين- حلاوة الجسم للأرجل- والأيدي- العناية بالشعر (الزيت الساخن)- قص الشعر- سشوار للشعر- فيشل للوجه

العرض الثاني
جميع هذه الخدمات ب 20 دينار فقط
1-بديكير ومنيكير
2-حلاوة للجسم بالكامل
3-العناية بالشعر بالزيت الساخن
4-فيشل للوجه
5-مساج تايلندي نصف ساعة
6-حمام مغربي

العرض الثالث
عرض رائع للعرائس كل هذه الخدمات فقط ب 35 دينار
1-بديكير ومنيكير مع مساج
2-شمع البارافين
3-حلاوة للجسم بالكامل بالفواكه
4-العناية بالشعر بالزيت الساخن مع مساج للشعر
5-فيشل عميق للوجه
6-مساج تايلندي ساعة كاملة
7-حمام مغربي خاص للعرائس مع التبييض

عروض الحمام المغربي
1- الحمام المغربي العادي ب 6 دينار فقط
2- الحمام المغربي بالأعشاب ب 10 دينار فقط
3- الحمام المغربي الخاص للعرائس ب 15 دينار فقط

عروض المساج
مساج تايلندي أصلي على يد متخصصات تايلنديات
1- مساج عادي نصف ساعة ب 6 دينار فقط
2- مساج مكثف ساعة ب 10 دينار فقط
3- مساج بالزيوت العطرية ساعة ب 12 دينار فقط
4- مساج للطلبات الخارجية ساعة ب 20 دينار فقط

الرفاع الشرقي – البوكوارة بجانب العجينة الذهبية

اذا شسمة قيموني :lol: