نيغار;12279815:
مشكورة سويت فطوم
الابراج و مرمريز و زيارة ذيلين وايد نروحهم ابي شي جديد مو مكرر
اقترح تشترين ليه قميص وتاي كشخة اذا هو يلبس ..
أو مثل ما قالوا البنات بوك راقي ..
الاماكن ,, كاندلز في العدلية ورا كوستا حده حلو المكان ورومانسي .
أوعندش (كابتشينو) في سار كوفي شوب ومطعم .. تاخدين دوار اسواق الاسرة وتدشين داخل سار وتمشين سيدا سيدابتشوفينه على ايدش اليسار .
دهـن العـود;12279534:
أنا الشوق
مثل ما قالت لج هذيان الأجار حرام كل شهر تقطين بيزاتج على أجار
والبنيان حطي لج جمعيه بملغ عدل أحسن من قرض البنوك
اخذيها وابني احسن لج من الأجار بوايد وفي نفس الوقت
ما يصير تقعدين في حجرة مده طويله
ما في خصوصيه كلش
وانا اشوف ان لو بنيتي حجرة وحمام لج الكرامه وصاله شوي وسيعه فيها نفس نظام المطبخ الأوروبي المفتوح
ترة خير وبركه
وأن شاء الله ما راح يكلف وايد
انتوا وشطارتكم
شوفي جم هندي يبني وقارنوا بالأسعار
وحتى محلات ادوات البناء
لا تروحون وتشترون لا بعض المحلات السميت فيها أغلى من المحلات الثانيه
صراحة البنيان يبي له بارض
وقلب
:badly:
بس شنسوي
اللحين مافي غير هالخيار لهالسالفة
اي صح بعد انتي اول جيكي مع البلديه
اذا يرضون يعطونكم اجازة بناء
فوق بيت ريلج بالأول
لأن اخوي تعب وداخ السبع الدوخات عشان يوافقون له
:confused:
البنيان ارخص يطلع من الاجار
لأن الاجار اقل شي 180 اذاحجرتين او 150
لتفرض مثلا حصلتون ب 150 دينار
150 في سبع سنوات مثلا يطلع 12000 دينار ..طبعا هذا اذا تميتون سبع سنوات يمكن اكثر
اني يبنون لي شقة 3 ححجر وصالةوحمامين ومطبخ عطانا المقاول سعر كامل بالجبس والصباغ والالمنيوم ب 14000
تدفعون 180 او 140 للبنك مدة سبع سنوات المدة القصوى وتخلصون والشقة تم ليكم على طول لين ما الله يفرجها ويصير عندكم بيت
سويت فطوم;12279658:
امس بالليل متصله فيني حماتي تقولي الملايه اللي حجزناها مابتقدر تجي فحجزنا وحده ثانيه بتاخذ 60 بس ماتبي تطبل ولا شي :-o اني هني اتفاجأت حدي .. حلاة العرس والوناسه بالتطبل ولمناقز بس هي تقول حرام .. وحتى اذا دخل خطيبي مابتتكلم حرام .. هني ردت تعبت نفسيتي :confused: قلت ليهم انزين دوروا وحده ثانيه اذا مافي تطبل انزين برضى عاد مو ادخل ويا خطيبي وهي ساكته والناس يتمون يطالعون فينا وسكوت خخخخ !! .. مني مناك ماحصلنا آخر شي قلنا الماتم فيه مسجلات وسماعات بنودي اشرطه وحزة اللي بدخل بيشغلونهم واذا طلع خطيبي بتردح :(
وعن الحنه اول شي كنا بنودي مسجلة خطيبي بس طلعت خرابه شويه فجتني فكرة جهنيمة:I: خخخخخخ احنا عندنا سماعات سبيكرات فبشيلهم وبخلي حماتي تجيب اللابتوب وبنركبهم حق نستردح شوي :thumbs_up: اعرف افكر اني له خخخخخخخخخ
يارب يتم كل شي على خير إن شاء الله
كلها ليله وحده بس التعب باااال كأنه عن سنة:sick:
ليش ما تاخذين ديجي المستقبل 45 دينار بالليزر ...
