crispy kream;12260068:
اهلين بنات شخباركم؟؟؟؟
ان شاء الله تمام:thumbs_up:
فديتكم بنات ابي استشيركم في شغلة:o:o:o
الله ايسلمكم عرس اختي عقب اربع شهور عاد اهي اختي الوحيدة وانه ابي اكشخ في عرسها
المهم بصراحه حدي متحيرة ما دري انه كان في بالي اخيط بس الكل يقول لي اخذ جاهز احسن
:confused::confused::confused:
بصراحة انه اثق في ذوقكم فياريت اتشورون علي
اي احسن الجاهز من السعودية او اخيط
وشرايكم في الموديلين اي احلى
بليز بنات شوررو علي تراني ما روح عروس وايد ولا اعرف شنو الموضة اللحين
:worn_out::worn_out::worn_out:
بالنسبه لي أنا أفضل الجاهز لعدة أسباب:
أول شي تشوفين الموديل شوف العين واتقايسين عجبج شيلي ما عجبج خليه :rolleyes:
بتشوفين الموديل على جسمج اشلون شكله
أسعار الجاهز في متناول الجميع تلاقين فستان من 40 إلى 100 دينار بالسعودية وعليه القيمة
الديتيلز في الجاهز مستحيل تلاقينها في الخياط
بالنسبه للخياط:
شفتي موديل أوكي وعجبج وأخذتي الخلق بمادري جم ويكون شك وفولك تودينه الخياط يقول لج أنا ما أخيط جذي أو باخذ زيادة لأن الإبره كله تنكسر وتضطرين تدفعين وإنتي ساكته.
تحلمين بالموديل وإنتي لابسته وبعد ما يجهز تنصدمين إن مو مثل ما تخيلتيه وحتى الموديل مو مناسب لجسمج( تراها تحصل في أحسن العائلات ههههههه)
وبالنسبه للأسعار الجاهز وايد أرخص من الخياط
بتشترين القماش البطانه الحرير 3 دينار قولي يمكن تلاقينها في التخفيض بدينار
وراح تاخذين القماش الدانتيل أو اللي فيه خرز ومشكوك خل نقول 40 دينار شي عدل وراهي
الخياط بياخذ عليج 50 دينار هذي إذا الموديل سيدة وما فيه قصة ولا شي.
هذا غير الإسفنج للصدر والشيفونات والورده وإذا تبغين تزيدين الكرستال
يعني بالراحة بيطلع عليج الفستان بـ 100 دينار هذا إذا ما طلع الخياط بس 100 دينار :confused:
الشور وأنا أختج روحي السعودية طبي وتخيري عندج فينيسيا، الجمعة، الخبر بلازا ولا تشترين الحين لا إنتظري لي قبل أسبوعين من العرس وإخذي لأن السعودية على طول تنزل موديلات، وعشان تكونين واثقة روحي الحين وشوفي. :L:
وبالنسبه لي عجبني الأول أحسه راقي بطريقة ناعمه وتكلفته أقل كتفصيل وموديله جديد.
