{.ْ!●»«●.ْ!}

الزينة بحرينية;12225735:
مرحبااا ينات شخباركم


باقولكم بالتفصيل عن ايام خظوبتي اللي صارت شهر 3


اول شي ادعولي ان الله يهنيني وايسرر اموري قولواا امين




بقولكم مقتطفات من اللي صار قبل الحفلة


طبعا فستاني كان خياط لان افتريت كل مكان ماحصلت شي جاهز وحلو يناسبني

اشتريت القطعه من تاج المملكه اللي في بكوارة كان مديل فستاني ناعم وحلووو بشهادة الجميع

لونة فستقي القطعه توور وفيها مدخل ذهبي شك بسس مو وايد شي بسيط

الحمدالله الفستان والخياط ضبطوا مع اني كنت خايفه ان ماينضبط المديل اللي ابيه بس طلع وايد حلو الحمدالله
خيطته عند خياط منوة بالمحرق

جهز فستاني قبل خطوبتي ب 3 ايام وكنت على اعصابي والحمدالله عدت ع خير


عقب الفستان نيي للكوشه والكراسي ع فكره انا سويت خطوبتي بالبيت لانها كانت عائليه والحمدالله سويت ديكور بالبيت جنها صالة او فندق

كنت ماعرف احد للكوشه وسمعت وحده امدحت الانصاري
رحت مع ان محله كللللش مايشجع بس شغلة حلو اخترت كوشه حلو ة بسس كانت عودة او اوفررر للبيت قالي معليه بياخذ قياسات وبيضبط وبيصغرها ولاتحاتين ولاشي مثل مايقولون عطاني الشمس بيد والقمر بيد

وحجز الكراسي من عنده والكورات تبعهم والشيفون للخلفية اللي بيغطي الصالة كلها دار مدارها ولبرع حوشنا للبوفية


المهم حجزته طبعا قبل 3 اسابيع لان كنت خايفه ماحصل شي لان توهقت بالخيايط محد بيخيطلي لان المده ماتكفي والحمدالله منوه ماقصر كفى ووفى وشغله مضبوط


حجزت ديجي اوتار وتصوير صحاري الصراحه ابدعوا


وحجزت للشعر صالون الرونق كنت ابي وحيده بس كانت مسافره نفس يوم خطوبتي حجزت فتحية

والمكياج عيزت ادور كلهم فللللل من معصومة ماك لين شيماء بوجيري لين صفيه ووووغيرهم كلهم ماحصلت

الا وحده مكيجتني يوم ملجتي كنت ابي شي خفيف وعادي عشات اتغير للحفله الخظوبة عجبني مكياجها اسمها نوال وحلوو حجزتها والحمدالله طلعتني شي حلو وانا لان متعوده كله احط ميكب دوووم فقلتها ابي شي يغيرني وانا طبعي ماحب الوووفر وايد شي ناعم وماقصرت كل من سالني عن مكياجي

البوفيه من ليلو خذيته اكله روعه وحلوياته شي موطبيعي وبعد خذت معجنات وموالح زياده من مملكة المنصوري

شبكتي من المديفع كانت وساعتي خذتها من اسيا ودبلتي من داماس

تحنيت قبل يومين من الحفلة ياوني الخوات رقيه وثريا

وسويت فيشل في بروفايل قبل 3 ايام

وحفيت جسمي بصالون غصون وسويت حمام مغربي وبديكير ومنيكير
وحفيت حواجبي عند فاطمة اللي بالمدينة سوتهم شي غير وحلوو لان انا حواجبي ماقط حد ضبطهم لي كله يسون لي غير وغير بس وحده قالتلي عنها ورحت لها والحمدالله صاروا حلوووين وعجبوني

حطيتلي اكستنشن اظافر في العالي اسمه ستايل او شي ماذكر حلووين جنهم صج مدتهم اسبوعين

امممممممممممممممم وبسسسسس


عطيتكم التفاصيل ,,,,,


الحين اقولكم عن يوم الخطوبه شسويت


طبعا ليله الخطوبه عيزت اتصل للانصاري مايرد وحاقرني واعصابي حدهم ضاربين كفايه علي التوتر

صج نسيت اقولكم يازعم قبل بيوم يه وخذ قياسات للكوشه وقال لاتحاتون

قال بيي لنا العصر بيركب كل شي عشان بتكون حفلتي الجمعه وقال احسن عشان تضبطون حالكم وعيزنا نتصل له من العصر مواعدنا ساعه 4 مايه الا ساعه 8 وشي


ياوو عماله يركبون الكوشه شي غريب وموطبيعي الله يعزكم خمام يايب الخلق حالته حاله والكرسي حالته حاله الله لايراويكم والكوشه دفشه ماخذه المكان كله مع انه يازعم ماخذ قياس كل شي كان مجثي وكان يوم الخميس وتخيلو طقت 9 الا شي


انا قلت للهنود شيلو كل شي مابي شي وعيزت اتصل له مايرد والهنود يتصلون مايرد عليهم وهقني وسوالي اعصاااب ولهلي كلهم

المشكله الخميس والجمعه مافي احد فاتح والجمعه تكون الحفله

الا بييت رفيجتي تقول شنو ذي ماصدق الخلاقين المجثين قلت بتصل له اغير الكوشه مايرد كلللش حاقرني

المهم رفيجتي طلعت افترت وتمت تتصل لمحلات الكوش تبي كوشه ليوم الثاني كلهم قالوا مافي ستاف موظفين واللي يسكر انا هني صادني احبااااااااااااااااااااااااااااط


الا وهي طايفه شافت محل ورد وشغلات دخلته كان بيصك طقت الساعه 10 قالتله اول شي مارضى تالي قال بيشغل العمال اللي عنده اوفر تايم وبياخذ علي ازيد من بيع السوق


تمت تشوف الكوش اللي عنده ونادتني ورحت انا وخطيبي وشفت كوشه حلوة وناعمة كلللش بالزور وافق

والحمدالله عدت على خيررر الكوشه كنسلتها من الانصاري بسسس الكراسي والشيفون للخلفية خليته من عنده


عقب هالمعاناه اللي صارت ارتحت كنت تعبانة قبلها بيوم قاعده من الصبح للصالون فما طقت الساعه 12 الا عافيتي متكسره ابي ارقد دشيت حجرتي ابي ارقد مارقدت كلللش متوتره واحاتي وتميت قاعده لين 7 وربع تالي ماحسيت بروحي الا المنبه الساعه 8 قمت

وتسبحت وجهزت اغراضي اللي باخذهم معاي لان كنت عقب ماخلص من الصالون بروح بيت رفيجتي انتظر

تالي عقب معاناه اتصال للانصاري ياب الكراسي والشيفون وهو قايل من 7 بيبهم مايابهم الا 10 وشي

شفت شلون القعده وضبطت الامور تالي على الساعه 12 مرت علي رفيجتي وخذت اغراضي وقستاني ووديتهم بيتهم

واحنا رايحين كنت ميته من اليوع لان قبل بيوم ماكلت شي من التوتر

قالت رفيجتي موعدنا عند الرونق الساع 1 بقى ساعه الا ربع خل نتغدى ناكل شي لنا رحنا مجمع سترة وتغديت باستاااا خخخخخ خربطت الرجيم يازعم مال قبل الخطوبة

وتالي اتجهنا للرونق وصلت 1 بالضبط كانت 3 عرايس قبلي وحده بدوا بيها وبقت 2 استشوروا شعري وقعدت انا ورفيجتي ننتظر رفيجتي يه دورها وسوت شعرها انا بديت على الساعه تقريبا 3 وربع قلت ابي شي حلو وناعم لفتحية كانت وايد حليوه ومن كثر ماانتظرت تميت انود وارقد خخخخ

سويت التسريحه الرومانيه انا شعري لين جتفي وخفيف حطتلي حشوات واكستنشن طويله استانست يازعم صار شعري طويل خخخخ واكسسوارات كانت من عندهم

صار شعري حلو بشهادة الجميع الحمدالله بسسس كان وايد ثقيل صاير راسي من الاشياء اللي فيه


خلصت تقريبا 5 الا 10


طلعنا كان الشارع زحمة وايد خبركم صوب ستره


كنت على اعصابي خايفه تطلع كوشتي مب حلوة خبروني هلي وانا بالصالون ان وايد حلو وكل شي يديد بقراطيسه عكس الانصاري


قلت حق رفيجتي مدام محد بالبيت وكلا لاهي بروح اشوف كوشتي

رجنا الا اخوي هناك مع راعي الديجي يضبط اغراضه

شفت كوشتي الصراحه واااااااااو حدها ناعمة وحلوة الحمدالله

صج نسيت اقولكم اجرت بعد ستاند للشبكة من قرية الافراح كانت حركة حلوة بعد يابها اثناء ماكنت انا بالبيت اشوف كوشتي

وطلعت رحت بيت رفيجتي قعدت نسيت بعد المسكه كانت من الزنبقة بسسس حدهت ماعجبتني الورد ذابل حده

بس يالله الحمدالله عدت على خير


كنت انتظر خواتي يخلصون من نوال اللي تمكيجهم نفسها بتمكيجني


خلصت وياتني البيت بيت رفيجتي على الساعه 7 ونص قتلها انا ماحب الووووفر وايد الحمدالله ماشاءالله سوتني شي حلو وكنت انا بككل خطوة معاها في يدي المنظره واقولها لامابي ذي ابي ذي وهلون لين خلصت تقريبا ساعه او ساعه الا ربع

خلصت تالي كنت على اعصابي لان بدا العد التنازلي وكنت حدي متوترة وخايفة

وكنت على اتصال مع خواتي شنو صار وشلون الحفلة كانت الحمدالله حلوة وبسيطة اهم شي بدون يهال تكون حلوة

الساعة 10 وربع مرر علي خطيبي بيت رفيجتي وخذني معاها ووداني بيتنا
اتصلت لاختي قتلها تجهزوا انا برع وصلت نزلت كنت مييييته من الخوف وقلبي يرقع يرقع

بسسس الحمدالله عدت على خير

وكل شي صار تمام


سامحوني طولت عليكم بسوالفي بس كنت بعيشكم يازعم الجو معاي ههههههه


ادعولي بنات ربي يسهل امري ويفرجها علي قولوا امين يارب

والفال لكل البنات العزابيات يارب


سامحوني على الاطالة


تحياتي


الزينة بحرينية

دلـوعة أهلي;12225873:

حسب ما وصلني ع الايميل للإفادة

إن شاء الله ما يكون مكرر

تقرير كرز لخدمات الأفراح

بنات بحرينيات يصممون بطاقات واكياس كتغليف للتوزيعات شغل يد

عندي رقمهم والايميل والفيس بوك

اللي تبي رقمهم تطرش لي ع الخاص واعطيها

واذا حلومة حابة تضيفينهم في الملف خبريني عشان اطرش لج المعلومات :thumbs_up:

وجــ ــود;12226488:
بغيت اسألج

اول اربع صور صايرين مثل الاجياس وداخلهم جوكلت صح ؟؟

لان حسيتهم ناعمين وحلوييين

طرشي لي تفاصيل ع الخاص حبيبتي

رقمهم واسعارهم وجذي يعني ;)[/CENTER]

غايـه;12223412:
عروسات بغيت آخذ رايكم بفستاني






ابي رايكم بأمانه :o

الفستان بيجهز تاريخ 5_7
:cool:

وإن شاء الله يصير مثلا ما أبيه F::D

غايـه;12223412:
عروسات بغيت آخذ رايكم بفستاني






ابي رايكم بأمانه :o

الفستان بيجهز تاريخ 5_7
:cool:

وإن شاء الله يصير مثلا ما أبيه F::D

Health Inspector;12225465:
صالون بروفايل وين يصير ؟

في العدليه ؟

Maryia;12223573:

شخبارج يالقمر هع هع :D
اقلد عليج :p
وايت ليلي
نفس ما قالت حلاتي عندهم وصج ناعمين وحلوين
تول - مجمع الشيراتون
بس اقل شي عندهم 800 دينار
جيكي بعد رومان ديزاين , يمكن يعجبونج

ناعم

عليج بالعافية :o

دلـوعة أهلي;12225873:

حسب ما وصلني ع الايميل للإفادة


إن شاء الله ما يكون مكرر

تقرير كرز لخدمات الأفراح

بنات بحرينيات يصممون بطاقات واكياس كتغليف للتوزيعات شغل يد
















عندي رقمهم والايميل والفيس بوك

اللي تبي رقمهم تطرش لي ع الخاص واعطيها


واذا حلومة حابة تضيفينهم في الملف خبريني عشان اطرش لج المعلومات :thumbs_up:

تذكر يوم;12226930:

اذا جسمج حلووووو

اكيد بيكون نايسسسسسس

أم الساادة;12219951:
بناااات ماباقي شئ على عرسي

وللحين ماشفت الفستان إلا في بالي مع ان حصلت واحد بس مو داش بالي واجد

براويكم نفس الموديل إلا ابيه واي وحده تعرف بنت عندها نفس هالفتسان تآجره تخبررني

ورحت مودا موول رزان وعجبني واحد وبس خسارة خذته وحده وللحين متحسره عليييه

وضايق صدري عليي حدي من هالسالفة !!!




ساعدووني عاد بنااات !!!!

غايـه;12223412:
عروسات بغيت آخذ رايكم بفستاني






ابي رايكم بأمانه :o

الفستان بيجهز تاريخ 5_7
:cool:

وإن شاء الله يصير مثلا ما أبيه F::D

احب السفر في الصيف;12226009:
بنات حطوا نفسكم مكاني وساعدوني لأن عندي مشكله وما لاقيه لها حل
انا محتاره بين خواتي وخطيبي , خطيبي يبيني اتمكيج للخطوبه عند وحده من أهله وهي بأمانه وايد حلو تحط وانا مقتنعه بها بس خواتي يقولون لي من الحين يبي يفرض عليج رأيه وين تتعدلين وين تروحين فلا تطيعينه وتخلينه يتحكم فيج ويبوني اروح اتمكيج عند وحده ثانيه وأنا متحيره ما عارفه ارضي من ؟ خواتي يقولون من الحين فررررر مخج وحطاج بمخباته وأهو يقول لي ان انا من البدايه ما ابي اطيعه , أنا طاوعت خواتي بأشياء وايد وسويت كل اللي يبونه ويقولون عليه وخطيبي يقول على راحتج بس في المكياج يقول ان وده اروح لقريبته .
شوروا علي ما ابي ازعل اهلي ولا ابيه يزعل وما عارفه ارضي احد ربعي يقولون لا تروحين لا هذي ولا ذيك بس هم في نظرهم ان هذا يعارض رغبت الطرفين قولوا لي لأن ما في وقت ولازم احجز بسرعه باقي على الحفله اسبوعين .هذي مشكلة رفيجتي بالحرف الواحد عندكم لها حل ؟