يارب سهل;12250935:
وياريت تدعولى يابنات بالصلاح وربنا يتمم لنا على خيير لان الامور كل شوية يتطلع فيها مشاكل وانا تعبت والله مش قارة افرح خااالص:'(
ماما مصممة ان الفازات والديكور والتابلوهات وترابيزة المكواه والمنشر على العريس وهو قاللى لا على العروسة وانا مكسووفة اقوله انى مش هجيبهم وعمالة اقوله آه ربنا يسهل بعدين طيب وكدا وكمان هو مجبش غسالة اطباق وجاب تلفزيون القديم اللى هو CRT وماما مبهدلانى طبعا فى حد يجيب تلفزيون كدا ومش عارف ايه ماما شبه مش طايقاه وهو عمال يعند وينشف دماغه ف حاجات غرييييبة أوووى عمره ما كان كدا بجد ويقولى البوكيه دا تتصرفى انتى فيه شوفى البواب بتاعكو يقطفلك كام ورداية اتصرفى مش هدفع ف تفاهات:'(:'(:'(
وانا تايهة بين ماما وبينه فى النص مش عارفة اعمل ايه خالص وكل ما اقول لماما نجيب كذا تقولى وهو كان جاب مش عارف ايه!!!
معلشى رغيت عليكو ودخلتكو ف أرف معلشى والله :oبس دا من عشمى وحاساكو اخواتى:(المشكلة كمان انى مش بشتغل وحاسة ان كل دا بسبب انى مش بشتغل يعنى كنت جبت الحاجات دى من معايا وخلصت:'(:'(:'(
بصي يا قمر انتى لو عارفة من الاول ان امكانياته المادية متوسطة او حتى كويسة بس جه اتزنق في الاخر التمسيلو العذر .. انا عاوزة اقولك ان خطيبي لما اتقدملي فهم امى انو هو البكري و والده متوفي و قالها هنجييب كل حاااااااااجة كلل حاجة بالنص بما في ذلك الاوض كلها و الاجهزة الكهربائية و خشب المطبخ و السجاد و النجف و الستاير ... يعني الحاجات اللى كان المفروض يشيلها وحده هنشيلها بالنص معاه و جه بقا على المفروشات و الملايات و اللحفا و كل الجووو دة زائد فرش المطبخ بالصيني و الكاسات و الحلل و و و و و الى اخره عليا انا بسسس ... و انتى عارفة الحاجات دى اد ايه مكلفة ّ!!! ديث تمن اوضه بحالهااا و المهم ارتضينا بالكلام دة مع ان امى كانت هتحدفه بالطفاية :lol: اللى حصل بعد كدة انو لقيته بيقولي انتى هتجيبي كيتشن ماشين ؟؟ قولتلو انا مش بحبو على فكرة هجيب كبة و خلاص .. لقيتوو عمال يتخانق معاسا انى مش هجيب الكيتشن ماشين ال 29 وظيفة !! طبعا انا لو قلت لامى كدة كانت هتدبحنى !! يعني اشمعني دة اللى مش ضمن الاجهزة الكهربائية اللى احنا شايلين نصها يعني ؟؟؟؟؟
المهم انا كلمتو بهدوووووء شدييييد قولتلو بص يا ابن الحلال:lol: امى على اخرها و انا ابويا متوفي و هي على المعاش خلاص و انا مرتبي بيروح على الجهاز اول كل شهر !! يبقي بجد حرام لو قولتلها يا ماما عاوزة كيتشن 29 وظيفة .. و هي بجد مش مقصرة معايا في حاجة و جايبالى احسن و انضف حاجة .. عموما مش مشكلة انا هقسطوو من مرتبي;) و خلاص:o قام قاللى لا لا والله خلاص والله ما هيحصل انا هجيبهولك هدية ولا حتى هنحطوو ضمن الاجهزة الكهربائية :D
اهم حاجة يا جميلة انك تلطفي جو التحفز اللى بينو و بين اهلك و كمان مدام انتى بتقولي هو عمرو ما كان كدة يبقي اكيد هو مضغوط من حاجة و نقي الوقت الكويس اللى تتناقشي معاه فيه و عموما يا سستي انتى بتكلمى في حاجات بسيطة والله دى حاجات ممكن تأجليها كانك سهي عليكي مثلا و جيبوها بعد الجواااز اما التحف و اللوح ابقو هاتوها من النقطة و اكيد هيجلكو هدايا طبعا .. بجد متخليش الهيفات دي تيجو بنكووو
سؤالى بقا يا بناوويييييت
دلوقتي احنا عمالين نقول المونيوم و ستانلس و تيفال !!
دلوقتي عاوزة اعرف بنستعمل كل حاجة لايه بظبط ؟؟
امى مثلا قالتلى التيفال للرز عشان ميلزقش بس مش بيتحط فالتلاجة عشان بيبووظ
طيب الالومنيوم و الستانلس بنعمل فيهم ايه؟؟؟؟
