towtty;12230798:
بنات هى النزهة الجديدة الى جنب المطار حد رحها ولا لا وهى حلوة ولا لا
ومعلش كنت عيزه اعرف هى منطقة شعبية ولا لا
ردوا عليا يابنات
مكرووونة;12225094:
بنات ايه رأيكم لو فرح اوبن اير فى شهر سبعة
الدنيا حتبقى حر و اسيييييييييييييح و لا ايه
دى صورة جنينة فى دار ضيافة جامعة عين شمس
جمب مستشفى عين شمس التخصصى بالظبط
المكان فيه 3 جناين دى اصغر واحدة فيهم تقضى 100 فرد
و فيه قاعات برضو
دى ايجارها 1800 تقريبا مش فاكرة اوى
بالكوشة و الدىجى و الزفة و كسوة التربيزات و الاضاءة
الاكل زى ما تحبى الهاى تى اقل حاجة الفرد ب18 او 14 مش فاكرة
ايه رأيكم حلوة ولا فى احلى
هل حد حضر فيها قبل كده ؟
RAINBOW2000;12230902:
كل حاجة فيها الكويس و الوحش هى مش قاعدة يعنى لو تعرفوا نجار و ضامنينة و شفتة شغلة توكلوا على الله بس اعملوا اوضة واحدة طلعت حلوة كملو معاه عشان متدبسوش نفسكو معاه مرة واحدة يعنى و لفى على الجاهز انا بصراحة بفضل الجاهز لانى ببقى شايفة الحاجة قدامى حتى لو اغلى شويه فانت لفى على الجاهز و شوفو النجارين و اللى ليكو نصيب فيه هو اللى هيحصل فى الاخر بس كده:)
انا رايى فى حالتك دى افضل حاجة مسجد الشرطة لانك بتقولى العدد كبير مسجد النور انا مرحتوش بس اعرف حد راح و قال انه مش حلو خالص الشرطة احسن بكتير القاعة بتاع عين شمس دى اظن انها مناسبة لفرح يعنى لو هى اللى مكرونة كانت حاطة صورتها و لا تقصدى حاجة تانية
هو انتو شغلتو اغانى فى الجامع ؟؟
fazloka;12231415:
يا قمر النزهة الجديدة منطقة حلوة اوي ومش شعبية بالعكس على فكرة اسعار الشقق فيها عالية عشان منطقة كويسة جدا
انا ساكنة في جسر السويس وبعدي عليها كتير بجد منطقة هادية وجميلة ما شاء الله
انتي هتسكني فيها ولا ايه؟
fazloka;12231415:
يا قمر النزهة الجديدة منطقة حلوة اوي ومش شعبية بالعكس على فكرة اسعار الشقق فيها عالية عشان منطقة كويسة جدا
انا ساكنة في جسر السويس وبعدي عليها كتير بجد منطقة هادية وجميلة ما شاء الله
انتي هتسكني فيها ولا ايه؟
tatoomy;12232038:
ايه ده انتي ساكنه في جسر السويس مش تقولي من بدري ياشيخه:D انا شقتي المستقبليه ان شاء الله في جسر السويس ونفسي يكون ليا جيران عشان ماليش حد هناك خالص اهلي كلهم في شبرا:(
حد يقولي يابنات مراتب فوربد الجاهزة حلوة ولا ايه؟؟؟
towtty;12232144:
ميرسى ياحبيبتى على ردك طمنتينى ياقمر
اه ان شاء الله هسكن هناك ومش عرفه خالص النزهة الجديدة هى كلها ابراج وعمارات جديدة وفى عمارات لسه بتتبنى بس يارب تطلع حلوة يارب :o
وانا كمان ياقمر ساكنة فى شبرا فى عبود وهسكن ان شاء الله فى النزهة الجديدة انتى ساكنه فين فشبرا ؟
وللمخالفة اجيب طقم شنطة المعالق منين
وفى نوع ايه غير الالمانى لان ماما بتقولى المعالق الالمانى غاليه اوى
totytwety;12232217:
انا بمسى ع الشبراويه انا كمان من شبرا انا وجوزى بس متجوزه فى فيصل
بصى يا حبيبتى اهم حاجه العيار يبقى محفور ع الطقم 18 على 10 انا الطقم بتاعى صينى كراون تقريبا بس اهم حاجه العيار
towtty;12232282:
ميرسى ياقمر على ردك واهلا باهل شبرا:)
سؤال مهم
انا الفترة الجاية ان شاء الله هنزل اشترى الحلل
اولا انا عيزه اسال عن احسن نوع فالحلل الالومنيوم ومنشاها ايه
وكمان عيزة اسال عن الحلل الصاج ايه احسن نوع فيها
وكمان الحلل الاستلستيل ايه احسن نوع فيها
قولولى ضرورى يابنات عشان اكون فاهمة قبل مشترى لحسن يضحك عليا :o
lasposadelnilo;12230737:معلش الغساله ب 1495 في التوكيل مش 1395
غلطه مطبعيه
سوال بقى عشان المخالفه
احسن نوع شفاط عادي ايه
كمان الشباك عندي في المطبخ جمب الحوض
احط البوتاجاز تحت الشباك عادي
اصل حمايا بيقلي بلاش عشان مينفعش البوتاجاز جمب الحوض
مش عارفه ايه الحكمه
مكرووونة;12232353:
توتى
بلاش المونيوم
هاتى استالس و تيفال
دول افضل صحيا و عملى كمان فى تنضيفهم
lasposadelnilo;12232401:ميرسي كتير لكل الانسات والمدمات السكر النبات اللي ردوا عليا بخصوص مكان البوتاجاز
امري لله هطه بعيد شويه عنه وهحط الشفاط فوق الشباك
انا بس كنت عاوزه اسال عشان التهويه
انا جبت اللاومنيات الحلل و طاسات وكل ده ماما جبتهولي من مصنع في حلوان وعندي طقم اركوبال كبير وبيركس
اجيب ايه اللي فاضل جمهم اجيب طقم تيفال مثلا عاوزه نوع كويس من اللي ملون من بره ده عارفيه
يبقى كده اجيب ايه تاني
shima&osama;12232402:
احلا عرايس فى الدنيا ميرسى لكل الى ردو عليا
ربنا يكرمكم و يسعدكم يارب
طيب ممكن سؤال تانى معلش يا cleo
انتى جبتى البوتاجاز يونيون اير سليفر بكام ؟