.. Hopes;12176422:
ازيكوا يابنات F:
عندي سؤال رفيع
هي المراتب الجاهزة بتبقي بسوسته؟؟
اصل في واحده قريبتي قالتلي انها بتبقي بسوستة وبعد فتره بتهبط وتبوظ :badly:
الكلام ده صح ولا غلط؟
كل حاجة واكيد ليها نهاية عمر بس المراتب الجاهزة بتطول اكتر والمتنجدة بالقطن بتهبط ولازم تتنجد كل فترة وعن تجربة شخصية ماما كانت جايبلنا المراتب السوست من تاكي يعني بقالها حوالي 20 سنة ولسة زي ما هما ولا هبطو ولا حصلهم حاجة الحمد لله ما عدا مرتبة اخويا فرقعت منها كام سوستة ليه معرفش;)
علوم;12179671:
ازيكم يابنات عاملين ايه
كلكم وحشتونى قوى
معلش غيبت الكام يوم دول لان عمتى كانت تعبانة فى المستشفى اسبوع كامل فى العناية المركزة فى غيبوبة وبعدين اتوفت بقالها 3 ايام اللهم ادخلها فسيح جناتك
معلش ضايقتكوا بالخبر ده بس الدوام لله وحده
داريييييييييييييييي ياقمر الحمدلله اطمنت نسبيا على معادين الفرح المختلفين دول واهحطك فى الليسته اليومين دول لما تقوليلى انهى يوم استقريتى عليه
ايمى (دلوعة الغالى ) بصى خلى طقم العشا اركوبيركس وجزاكى الله خيرا على التعزية
توتا زميلة الكفاح يارب الدهب يرخص وتجيبى الشبكة الكوفرته روحى التوحيد والنور وشوفى هتلاقى اللى انتى عايزه
رووبى ازيك وحشتنى ربنا معاكى فى موضوع الشبكة
يارب سهل الفستان تبارك الله تحفة وحلو بس ضبطيه شوية
مشتاقة الى الجنة انتى فين ياقمر ومبروك على السراميك
maro2010 حمدالله على سلامتك وفيدينا بقى اللى جبتيه وطلع زيادة وايه اللى طلع ناقص والكلام ده وشكرا على سؤالك
سؤال المخالفة اجيب كام كاسة ؟؟؟؟؟
البقاء لله وربنا يجعل مثواها الجنة ويرحمها
والله يسلمك يا قمر وانا ان شاء الله تحت امرك والقمرات كمان في كل اللي تحبو تسألوني عنه
sally2007;12181879:
بنات عاوزكوا ربنا يخليكوا تدعولى لانى تعبانة قوى ونزل عليا دم امبارح والنهارده راحت المستفشى وقعدوا يكشفوا عليا وفى الاخر قلولى متعمليش مجهود ولا حركة ولا اى حاجة عشان حملى مينزلشى وكتبولى علاج وانا خايفة وبدعى ربنا من وقتها انوا يتمملى حملى على خير حتى كلمت ماما وخبيت عليها عشان متقلقشى عليا فياريت اللى تفتكرنى تدعيلى يتمملى حملى على خير وربنا يسعدكم يارب جميعا ومحدش يشوف حاجة وحشه فى حد عزيز عليه يارب
ربنا يتمملك حملك على خير يا سالي ومتقلقيش ان شاء الله بسيطة وحصلت قبل كدة مع اختي بس اهم حاجة ترتاحي ومتعمليش مجهود
كريز;12182634:
طب ايه احسن صابون اجيبه وكمان عيزه اعرف احط ايه ع تربيزت الصالون وكمان الركنه او الطأطوقه مش عارقه بتقولوا عليه ايه بس ال بتبقي ف الصالون بس تكون حاجه غير اللاباجورات عيزه حاجه تانيه:rolleyes:
انا حاطة على ترابيزة الصالون البونبونيرة والفاز والطفاية وهما التلاتة كريستال وشكل واحد
كريز;12187167:
ايه الفرق بين البادى لوشن والبادى اسبلاش
البادي لوشن عبارة عن كريم مرطب سائل نوعا ما عن الكريمات العادية وبيتحط على الجسم بعد الشاور لان الجسم بيكون رطب والمسامات بتكون مفتوحة
والبادي سبلاش بيكون برضه مرطب بس بيترش زي البيرفيوم وليه روايح مختلفة
mahameho;12190231:
كيف حالكم يا بنات
انا كنت عايزة اسألكم على الطقطوقة اللى بتبقا مع اوضة الصالون دى ممكن احط عليها اباجور ولا دى موضة قديمة؟
طب هو فيه حاجات تانية ممكن تتحط عليها؟
يا بنتي الموضات القديمة كمان بقت ترجع تاني دلوئتي وهي عامة لسة ما قدمتش ولا حاجة وانتي كمان ممكن تعملي حاجات جديدة وتبتكري في بيتك وانا مرة كنت رحت لمحل بتاع واحدة اسمها طنط مهجة اللي دلتني عليه عضوة معانا هنا اسمها باراديس روز ربنا يكرمها يا رب F:شفت عندها واحدة جابتلها حتة من قماش الستاير بتاعة الصالون عندها ووصت طنط مهجة انها تدورلها على قماش يتناسب مع نفس لون قماش الستاير وتعملها منه اباجورتين للطقطقوتين وكمان تعملها كوشنز تترمى تحت الطقاطيق كديكوريشن كدة للصالون وانا كنت عملت عندها 2 كوشنز احمر حطيتهم تحت اباجورة كبيرة عندي على الارض كدة فمدين شكل جميل وانا ممكن اصورهملك يا قمر
salma o;12190777:
ازيكم يا احلى عرايس ان شاء الله الكل يكون بخير و الف سلامه عليكى يا سالى و ربنا يثبت حاملك امين يا رب العلمين يا جماعه بليز انا هكتبلكم البلاستكات اللى المفروض اجبها و قولولى لو فى شئ تانى
الجردل و الشرشوبه
مساحه و مقاشه و جروف و زعافه
طبق غسل فاكهه و طبق غسل الرز
3 اطباق احجام مختلفه متوسطه وصغيره لغسل كميات فاكهه او غسيل
1 طبق غسيل كبير
1 باسكت بغطاء للغسيل المتسخ
3 باسكت قمامه للغرفه نوم و ليفنج و ريسبشن
للحمام ا باسكت قمامه فرشه تواليت فرشه بلاط فى حاجه تانى
هاتي كمان باسكيت للغسيل النضيف عشان النشر اللي هو بيكون مخرم كدة
باسكيت قمامة للمطبخ
فيه عجانات بلاستيك كدة لو مثلا هتعملي فيها اي نوع عجينة او كريب مثلا ممكن تجيبي حجمين
ونصيحة كمان هاتي علب حفظ طعام للتلاجة لانها كمان بتخلي التلاجة نضيفة دايما وشكلها حلو ومنظم تقريبا انا بقى عندي هوس في علب حفظ الطعام بحس معاهم بالنظام كدة
ده اللي انا فكراه حاليا لو افتكرت حاجة تانية ان شاء الله هقولهالك
* كلاسيك *;12192603:
وع الماشي ده عباية الاستقبال بتاعتي ان شاء الله
هي لونها بترولي مش ازرق زي ما باين ف الصورة هى ستان مخلوط بحاجة
تانية علشان متحررش ف الصيف ب 150 من الزقازيق
ما شاء الله يا كلاسيك العباية شكلها جميل اوي وطول عمرك ذوق ياقمر
dr.doby;12192944:
طب ممكن تقوليلى بتجيبى ماركة ايه عشان انا مش لاقيه حاجة نضيفة وتكون مش متبطنة
كمان عايز اسألكم هو انا لازم اجيب ستارة للبانيو انا مش حباها خالص وكمان حسة انىى هتخنق لو بخد شاور جوه ستارة ده غير ان الحمام صغير والبانيو واخد نص الحمام اصلا؟
لا مش لازم انا عندي برضه منها عقدة من وانا صغيرة كنت بحس اني هتخنق منها
sweetyronaaa;12197247:
وحشتونى وحشتونى و حشتونى جدا جدا جدا
بجد مفتقداكم جدا و نفسي اطمن على كل البنات
عندي خبر حلو
باركولي انا حااااااااااااااااااااااااااااااااااااااااااامل فرحانه موت و قلت افرحكم معايا و يارب يرزق الجميع بالذريه الصالحه ان شاء الله
الف اللللللللللللللللللللللللف الف مبرووووووووووووووووووووووووووووووك يا قمر ماشاء الله وربنا يتمملك حملك على خير ان شاء الله يا قمرF:
