مساعدتكم لي راح تغير حياتي

و الله اختي ما عندي فكرة كبيرة لكن اتصور كل الالوان تنفع السمر لكن الدرجات الفاتحة يعني ممكن اخضر اصفر اوف وايت الوردي
و ابتعدي عن الازرق و البنفسجيييي احسة يغمق البشرة
ان شاء الله البنات يفيدوك اكثر

ياااااااااااااااا الله ولا رد والله كسرتو بخاطري خلاص وحلفت ما بطلب مساعدة منكم ابدا يا بنات عروس

احسن لون يعجبني الفوشي او الاسود او البنكي بدرجاته

مرحبا
شوفي كل الالوان تناسب كل الوان البشرة بس لازم تختارين الدرجة الي تناسبج
اما بالنسبة لشكل جسمج بما ان جسمج كمثري فلازم تلبسين الالوان الفاتحة فوق والغامقة تحت عشان يصير في تناسق في جسمج
اما شنو تلبسين فانتي ماحددتي انتي شنو ستايلج وهل انتي متحجبة او لا
اتمنى اكون افدتج ولو بشي بسيط واي استفسار ثاني انه حاضرة يالغلا

لبسي التنانير اللي تجييك ثلاث ارباع وخلي لوكك كلاسيك ونعووم
شوفي لبس كيم كارديشيان هي عريضة من تحت الموديلات التي تناسبها بتناسبك

شوفي حبيبتي اذا ما خاب ضني انتي قصدك ان الارداف عريضه والصدر صغير صحيح!!

الحين دارجه موضة الهاي ويست ووااااايد ستااايل والهااي ويست احسه يصغر الارداف او يعطي ايحاء بطول الساقين فيوحي للناظر بنحافه شوي

فألبسي بنطلونات هاي ويست مع تيشيرتات وهذا الستايل السمبل واللي يناسب الكل جينزات وتيشيرتات


وبالنسبه للألوان مثل ما قالوا البنات ما قصروا الألوان اللي تحسين انها تغمقج وخري عنها


وبالنسبه للتيشيرت خلي تكون عليها رسومات واشكال كبيرة والبلوزات المجعده بعد تساعدك تكبري الجزء العلوي


بالنسبه للصدر حاول تلبسين البلوزات او تيشرتات تضهر جزء من الصدر بحيث انها تبرزه


شي مهم دايما في لبسك لمنطقة العليا خلي الوانها افتح يعني الابيض والالوان الفاتحة تعطي ايحاء بالاتساع او بتكبر حجم الشي < للنظر طبعا


والجزء السفلي تقدرين تركزين على سيد الألوان فالاسود عكس الابيض يوحي بالنحافه


البناطلين السكيني ما اظن تناسبج خصوصا اذا بتلبسين معاها تيشيرت قصير لان راح يبرز الارداف والافخاذ وهذا مو الهدف


بس تقدرين تلبسين الجينز السكيني مع بلوزات الطويلة وياليت البلوزة تكون فضفاضه وبدون اكمام او اكمام قصيره وبقصه الياقه تكون واسعه ودائرية



طبعا انا اكتب لج الافضل

لا تلبسين تنورة كلوش واااايد ولا التنانير القصيرة الضيقه لانها ما تناسب جزئج السفلي


تقدرين تلبسين التنورة المستقيمة الي فوق مثل عرض تحت راح تطولج شوي او تقدرين تلبسين التنورات اللي شوي كلووش يعني مثل ما يقولون على شكل حرف A


تقدرين بعد تلبسين تووب وفوقه جاكيت الى نص الافخاذ وجذي يغطي عرض الرداف عندج وخليه مفتوح


وشوفي انتي صوري لي اي تنورة او بلوزة عندك وانا اعطيج نصايحي هل هي مناسبه للايامنا هذي او لا


وشنو تقدرين تلبسين عليها ^_^ ان شاء الله تعرفين تنزلين صوور


واذا شفت صوور بنزل لج