>>تجمع أمهات و حوامل ومتأخرات الحمل (سلطنة عمان ) لشهر جمادى الثاني للعام 1431 ه <<

صباح الازهار الحلوة

انا تمام الحمدلله
و صور بروح لها ان شاء الله باالاربعاء
بنات متضايجة شوي من سالفة

امس كنت في القرم صوب الصواويغ(الحسينية_ابناء ادم_النفيسة)
كنت ابي اغير مجافيني
ماعرف انتوا شو تسموهن
عاد ابا اشتري يديد
ببيعهم و بيزيد فيهم
حصلت في كل واحد فيهم تشكيلات حلوة بس السعر ما كان متوفر مع زوجي حزتها
المهم اليوم الصبح حصلت مسج من ربيعتي
هذية ربيعتي كلوووووووووووز بشكل حتى اسراري اللي ما اخبر فيها اهلي اخبرها هيه
المهم تخيلو شو كاتبلتي(صباح الخير شخبارك,اخوي امس شافك في محلات الذهب,يجولي ليش ربيعتك هناك,كعاده لحق زوجها يجص عليها و بتبيع ذهبها عشان تسدد ديونه,تجولي و انا ضحك على كلامه,فليش انتي كنتي هناك)
انا تضايجت اكثر شئ من اللي تحت السطر
المهم من ضيجتي دجيت لخالد و خبرته
جالي الحين بتييبي لي رقم اخوها و بعلمه من اللي عنده ديون
جعدت اهدئ فيه لاني ما بغيت تخرب علاقتي مع ربيعتي بسبب هالسالفة
فتم يجولي ليش تهدي فيني
انا جصرت معك في شئ ليما تشكي ربيعتك و تجول عني اهي و اخوها هالكلام
المهم جلت له بروحي بنهي الموضوع
طرشت لها رسالة اش طولها مضمونها انه زوجي درى بالموضوع و جولي لاخوك انته ريال فلا تصير مثل الحريم ادور في خصوصيات الناس و تنشرها بين البنات في النهاية انا ما اعرف شكل اخوك فكيف اهو عرفني و يكون في معلومك اني كنت رايحة ابدل ذهبي و اشتري يديد و اذا زوجي عليه ديون فهوه ريال يعرف كيف يدبر ديونه بدون ما يرجع لذهب حرمته و اذا طافت هالمرة فالمرة الثانية تأكدي انه زوجي ما راح يطوفها
حرقت لي تلفوني بعدها بالاتصالات و انا ما ارد عليها
كتب لي انك كبرتي الموضوع و انه ما يسوى و اخوي كان يمزح جلت لها ما اعرف اخوك و لا بيني و بينه شئ ليما يمزح معي بهالصورة,لانه اليوم تكلم معك باكر بيتكلم مع غيرك و الناس بتصدج و انتي اخبر وحدة انه زوجي ابدا مو مجصر معي بشئ
اهي لما شافتني ما رديت دجت لخالد تتعذر له و جالي سمعت صوتها كأنها تبكي و دج له اخوها و بعد تأسف منه



بنات انا غلطت بكلامي معي؟؟؟؟؟؟؟