لمة الليبيات

تفائلي خير حيو حبيبتي ما فيش انسان ياخد اكثر من نصيبه و انشاء الله ربي يجمعك بنصيبك اللي يستاهلك في اسرع وقت و على موضوع المية نهارك ابيض لما نحرش فيك توة تشوووووووووفي يا عروووووووووووووسة عرووووووووووووووووسة زوديلها حيو تبي طريحة

بنات ياحلوات

انا عيد ميلاد خطيبي السمح بعد كم يوم
وهكي نفكر نفكر اني نبعت هديه:| مزالت نفكر تفكير حتي كيف جيت فكره الله اعلم
يعني بالك يتغير الوضع :-# لو انا تحركت

الهديه بتكون عطر
ونبي منك مسج عيد ميلاد يكون حلو يعني شئ يحرك مشااااااااااااعره ((عاد عرفين وضعي مانبي مسجات حبيبي وجو هذا هههههه))
ممكن نبعت مسج ع مبايل او نكتبه كرت


لو تشفوا انه مش لازم عادي مش لازم هههههههههه


وتصبحوا علي خير

Diamond Ring;12110866:
ت و على موضوع المية نهارك ابيض لما نحرش فيك توة تشوووووووووفي يا عروووووووووووووسة عرووووووووووووووووسة زوديلها حيو تبي طريحة

باه باه ديموا واني نقولك سر هههههههههههههههه
وانتي تنادي عليها قريب تنوضيها من نومها 8o| ههههههه

صباح الخيرات والليرات

تي وينكم يا كسلانات

صحيتي الخبر الحلو عالصبح

في عشي;12106140:

والله عارفة استغربت وقلت كانها نرجوسة ماتخشش في اللمة تريك

ماتندري عليها:-o
سامحينا ياعسل والنور الزايد اليوم في اللمة نورك ياحليوة انتي....:L:

وانا مع كلامك ابخصوص عروس اشرف
والله تكدرت عليه ربي
ايعدي هاالمشكلة على خير
وترجع هي واشرف لبعض

ومشكورة انك طمنتينا على سناء وقوليلها هونيده تسال عليك ولازم اترد اتشارك معنا في اللمة

شن اخبارك يا في عشي شفتي انا راقدة و انتن تمشن في اللمة و نقول كنهن ما فتحن صفحة جديدة هيا مش مشكلة و بالنسبة لسناء شكله الاشتراك عندها كامل لانها حكت ع الماسنجر من موبايل اختها ربي يفرحها و يفرج عليها و يعطيها الي في بالها

F:F:F:F:صباح الورد على مدام غدو الحلوة و نرجوسة و هنو دلوعتنا F:F:F:F:

حالي الحمد لله يا غدو بس بنريش شعري من الصالة :031: و بنهبل من التدوير على موديل قفطان :confused:

عروسة ليبيا;12112453:

ديمووو فركتيني ف ايامي هههههههههههههه وف الاخر الفيلو وتا ف شهر


وتو نقول نبي نروح ونغير فيه والله حاله نحنا اونا رديت عليكي ف تجهيزات وزيدي شوفي

شفت ردك يا غالية حتى اني مترددة في قصة الاستريت لان ملحوق عليه زي ما قلتي فانشاء الله بنديره منفوخ بس سامبل و خلاص

Diamond Ring;12112439:
حالي الحمد لله يا غدو بس بنريش شعري من الصالة :031: و بنهبل من التدوير على موديل قفطان :confused:

Ghado;12112518:

بعيد الشر عنك حبيبتي من تنتيف الشعر .. لاه عليك العفو احني منصدقوا نرقعوا فيه عاد ...:D...

الصالة هي أهم حاجة لانه التاريخ يحكم فيك .. و الحجوزات صعبة هلبة خصوصاً في موسم الأفراح
انتي شيني أكثر حاجة خشت خاطرك و ارتحتيلها؟؟

و بالنسبة للفيلو .. أني درت درت درت و قست قست قست لين عييييت و في النهاية هو لقاني مش أني لقيته
أول ما لبسته حسيت براحة نفسية فظيعة و قلت هو هذا ..

وسعي بالك و كل شي يتم كيف ما تبي ان شاء الله

و أي خدمة من عنوني تفضلي
:L:

ضحكتيني و الله الا حق احني نلصقو فيه تلصيق ههههههههه بالنسبة للصالة اكثر حاجة ارتحت للمهاري لكن خطيبي العزيز 8o| طايرتله ما يبيش نخطم على الريسبشن تقولي عريانة ما لابسه كابي على راي راجل اختي قاله هي مسلفرة شن بيبان منها ههههههههه و توة جاري اقناعه :D
و الفيلو لقطت شوية موديلات و اشبح على شن بترسى زي ما قلتي سبحان الله حاجاتك لما تشوفيها تحسي روحك ارتحتيلها و خلاص مش شرط تكون احلى حاجة و يسلمو عنونك يا غدغودة

صباح الخير ع الجميع نهاركم مبروك اليوم 20/05/2010في ليلة من اجمل الليالي ليلة ستظل عالقة في الأذهان ستطل اليوم زهرة من احلي الزهرات ليخطفها اجمل الفرسان الصلوعيين (فارس صلوعة )) و يحملها الي عالمها التاني لكي تكمل معه ما تبقي من حياتها في هذا اليوم نسال الله ان يجعل ايام هذه الغولة المغولة من احلي الايام وان تصبح هذه الليلة ذكرة جميلة لها اللهم انزل عليه السكينة و الطمائنينة في هذه الليلة و عمر بيتها بالفرح و ارزقها هي و زوجها الذرية الصالحة امين يا رب العالمين .
وعقبالنا كلنا ..... هههههههههههههههههههههههههههههههههههههه عاطك الهناء يا غولة والله انضر شن ادير توا اكيد قاعده في الكوفير ربي يسترها و يسترنا معاها امين يارب

يعطك نقطة يانرجوسة ضحكتيني بكلامك
حتى انتي بتولي احرف منها في الكلام
ربي يهنيها حق وعقبال فرحتك يانرجوسة

عجبني الاستفتاء وحبيت انشارك

miid;12108434:
السلام عليكم شنو الاخبار خاطري اندير
استفتاء علي الهواء
للي حابه تشارك
1 -مخطوبه او متزوجه او لا ....
مخطوبة
2-هل انت سعيده لو نعم كم من عشره ؟
سعيدة و 7 على العشرة
3-هل تنوضي الصبح بكري يعني مع 8 صبح ...
بكري مع الفجر والحمد لله
4-هل تنوضي طايرتلك ومش خاطرك في حت حاجه ...لو مرات اما اكتر تحسي ..
لالا الحمد لله جوي حلو وناشطة واندير كم تمرين عالصبح
5-هل ترقدي بكري
بكري امي تقولي زي الدجاج
6-شنو اكتر حاجه بديت ترنفز فيك
البرود اللي عند بعض الناس واللامبالاة بالاخرين
7- تعتقدي ان النت غير في حياتك شي
لو نعم قول شنو ..لوممكن.. :o
غير هلبة طورت من نفسي وتعلمت حاجات جديدة وتعرفت بناس ماشاء الله
8-حاجه تدرتيها وندمتي عليها وحاجه ما درتيهاش وندمت عليها
حاجة درتها وندمت عليها مشيت لفرح خالي وبوي كان تعبان شوي قبل وافاته بيوم ... وحاجة مادرتهاش وندمت عليها شهادة الانجليزي ماكملتهاش
9-مشكله حتي لو بسيطه تحسه مسيطره علي تفكيرك اليومي؟
خوي
10-صفه يارت تمشي منك؟
التردد والحشم الزايد
11-منصب في اي مكان خاطرك تشديه؟
جمعية واعتصمو للاعمال الخيرية
12-قولي متل عاجبك وتحسيه صح
كوني الأولى في وظيفتك ومش التانية في وظيفة غيرك
اممممممممم والي تحب اتزيد سوال ماعنديش مانع ...يلا للمرح بس .;)
يلا فاصل ونواصل ...