لمة الليبيات

بنات شنو فيه حاجات جديدة ايديروا فيها في الاعراس ياريت كل وحدة اتخبرنا عن احلي شي مميز في منطقتهم او حتي في العيلة بالك نستفيدوا من بعضنا

Rose 89;12273071:
لا والله لسه ماحجزتش لين يحددولي اليوم...بالنسبة للصالة يا اما المندرة او ليلتي...بالنسبة للشري نوعا ما كملت والملابس الداخلية خلاص كملتهم ممكن نزيد شوية حاجات عمليات وبدالي طلعة.ززعلي فكرة نزلت شوية من حاجاتي في التجهيزات قوليلي شن رايك فيهم...انتي عطيتيني رايك في الروب بس يا عسسسسل

انا تمام الاسبوع هذا فرحانة واجد لان اخر امتحان يوم الخميس باذن الله انديره انتريح و بعدين انخش ع النهائيات و يتم الفصل المزعج هذا و بنكلم خطيبي كيف ما نبي بطول و العرض

هبه انتي وين امعانا والاكيف

عروس فزان;12273099:
بنات شنو فيه حاجات جديدة ايديروا فيها في الاعراس ياريت كل وحدة اتخبرنا عن احلي شي مميز في منطقتهم او حتي في العيلة بالك نستفيدوا من بعضنا

تبي الحق مفيش جديد الاعراس الليبية كلها نفس الروتين.زلكن عجبتني فكرتك كل وحدة تخش تقولنا شن بدير في النجمة والحفلة بالتفصيل خلي نستفيدوا وحنبدا اني في النجمة ان شاء الله اولا حنفرق شكلاتة وحنزينها عند الدغري وبعدن رزاتة وعبمبر من العالم وبعدين حنفرق حلويات من فضيلة قرادة لانها تعجب فيا والباكوات ريتهم في المدينة مش عاديات وحنزللكم صورة ليه لو تبو وبعدين بنفرق جرات فيهم حنة,وشق,لوبان,سواك وبخور وبنغط الجرة بردي الاحمر متع الشراقة ونسيت حنفرق بكلاوة
وانتي شنو بديري

حياتي ليبيا انتى برنامجك بتديري حفله يوم ودخولك يوم والا؟؟؟؟؟؟
لان سبها بعيده..................
وانتى بتعيشي مستقبل افي طرابلس او سبها
سورري عالقصقصه الزايده

عروس فزان;12273118:
انا تمام الاسبوع هذا فرحانة واجد لان اخر امتحان يوم الخميس باذن الله انديره انتريح و بعدين انخش ع النهائيات و يتم الفصل المزعج هذا و بنكلم خطيبي كيف ما نبي بطول و العرض

ان شاء الله ديما فرحانه ، وبالنجاح ان شاء الله

قصدك بتجيك الكسوة من سبهااااااااااااااااااااا؟؟؟؟

و الله في حاجات واجد في دماغي صاحبيتي بتزوج شهر 7 و الشمس حارقتني اني وياها و قاعدة انخططوا في الفرح امتاعها كيف انديروا فيه و المشكلة ان الفرح بعد الامتحانات بي اسبوعين تعرفني يا بنات متوترة واموترتني معاها معنهاش نية حتي الامتحانات و الله ربي ايكون في عون كل وحدة و بذات اللي افراحن توا

طرابلسية لسرتاوي;12273156:
حياتي ليبيا انتى برنامجك بتديري حفله يوم ودخولك يوم والا؟؟؟؟؟؟
لان سبها بعيده..................
وانتى بتعيشي مستقبل افي طرابلس او سبها
سورري عالقصقصه الزايده

ولا يهمك خودي راحتك وقصقصي..اني حفلتي بنديرها هني في طرابلس وبنسكن هني لكن هما سبرهم لااااازم الدخول غادي يعني بندير حفلتي هني وبعدين بنمشي غادي بنلبس الفيلو تااني..برنامج مش عاجبني..لكن الله غالب وانتي شن برنامجك بنردلك القصقصة:D

نفس برنامجك حتى انا نتمنى هنا بس الله غالب

طرابلسية لسرتاوي;12273167:
قصدك بتجيك الكسوة من سبهااااااااااااااااااااا؟؟؟؟

زي ما هما بيشحطوني بنلبس الفيلو مرتين خلي حتي هما يتشحطوا ويجوا....وحدة مسمومة..هههههه...نبصر عليك لكن راهو حلاوة العرس النجمة واني نحبها خصوصا لما تبدا بالزمزامات

اه صح بس والله ماافاري بيجو من غادي قريب 6 ساعات وبعديين بيروحو والا كيف؟؟؟؟
باهى خليهم يجيبو شويه جو 10 ساد لان تعب عليهم
هههههههههه انا واجعيني

حتى انا نحبها وفي قولتك حلاوتها بالزمزامات لاكن للظروف احكام
باهي اما زمزامات بتجيبي ؟؟
عندك زمزاما سعيده يهببببببو وماعندهمش على جو الدخان والكلام البايخ وناااااااشطات مش متع يديرو شوط 10 دقايق يقعدو ساكتين نص ساعه لالا هما يهبببلو تعرفي ممكن يرتاحو جو ال5 دقايق بس

نجيها يارب حياتي ليبيا بتجي لسبها يعني عندنا ماشالله و الله خاطري انتعرف عليك اكثر حتي اني من سبها ابصراحة و باختصار شديد جدا افراحنا في سبها قعدت مختصرة واجد عندنا يوم الاثنين العقد و اهل العريس ايغدوا و ايجيبوا الفاتحة و القعود و يوم الثلاثاء اهل الريس ايجيبوا الدبش و يرموا عليها لكن عيلتنا ماعنداش الرمي بكل يعني العروس تلبس البودري و ينزلوها و امها اتوكل المعازيم في العشية قريب المغرب و يوم الاربعاء الحنة انطلعوا حلويات لان اهل العريس ايجوا في الليل و العروس ادير الحفلة في العشية نفس اليوم و يوم الخميس ايروحوا بيها و تبي الحق قعدوا كل حد ايقسم الايام كيف مايبي وحدة ادير الحفلة يوم الخميس كان تبي اتروح بالفيلو وكل واحد و سبره يعني العادة في العيلةو هذا باختصار

طرابلسية لسرتاوي;12273195:
نفس برنامجك حتى انا نتمنى هنا بس الله غالب

امتا عرسك انتي وشن اخر تجهيزاتك

هلا سموحات شن الجو ؟؟

حياتي ليبيا حاجاتك حلوة ربي يهنيك و رديت عليك في التجهيزات على اسالتك و بعتلك رقم رحاب ريتيه ؟؟

مبروك العداد ياديمو
عقبال عداد اول بيبي يارب ههههههههههههه:lol:

طرابلسية لسرتاوي;12273253:
حتى انا نحبها وفي قولتك حلاوتها بالزمزامات لاكن للظروف احكام
باهي اما زمزامات بتجيبي ؟؟
عندك زمزاما سعيده يهببببببو وماعندهمش على جو الدخان والكلام البايخ وناااااااشطات مش متع يديرو شوط 10 دقايق يقعدو ساكتين نص ساعه لالا هما يهبببلو تعرفي ممكن يرتاحو جو ال5 دقايق بس

صار واجعينك باهي خيرني اني ما سخفتكش ...هههه والله الا نسخف بنلبس الفيلو مرتين وبنمشي للمزينة غادي ماعنديش عليها ولاااااا فكرة...نسخف والا
بالنسبة للزمزامات عاجبيني فرقة مصراتة لكن ديمو توا شكرتلي فرقة رحاب فحنشوف...

حياتي ليبيا;12273267:
امتا عرسك انتي وشن اخر تجهيزاتك

انا مازاااااااااال الى اجل غير مسمى :'(