حياكم في تجمع حوامل وامهات قطر لشهر جمادي الاخر لعام 1431ه 2010م

صباح الورد

نصفه الثاني اجلال الصلاة مثل ما قالت لج أختي لولوة اذا في الدوحة اشتري القماش ووديه الخياط تقريبا يبي لج 7 أمتار وودي معاج قياس الاجلال اللي تبينه وموديله وضيفي عليه دانتيل وأي حركات تبينها .. واذا عندج حد بالكويت أو يروح الكويت دايما وصيهم يجيبون لج شغل الحريم عندهم فضيع ويتفننون على كيف كيفج ..

صادقة الإحساس أنا جربت دكتورة هالة استشارية وماعليها كلام فوق الممتازة وخبرة ما شاء الله ودكتورة حمدة الأنصاري جربتها وممتازة بعد لا تتردين عند أي وحدة منهم ..

لولوة قطرية لي دخلتي الرابع بتروح اللوعة بإذن الله وعند بعض الناس تستمر لي السابع وأحيانا التاسع
بالنسبة للتجهيزات مثل ما قالوا خواتي جهزي أغراضج أنتي لأنج ما راح تتقيدين بلون معين مثل قمصان النوم وحق البيبي اخذي أغراض الحمام
والمراضيع والمعقم والمهادات والقطنيات والملابس الداخلية البيضا وبعد تقدرين تاخذين الالوان المحايدة واذا حابة الازرق وان شاء الله قالوا لج ولد تقدرين تاخذينها بعدين فلاتكثرين ملابس من ألحين وربي يهون عليج إن شاء الله ..

باندا ألف مبروك الحمل الله يسهل عليج

موزان ما يشوف شر ولدج اذا عنده اسهال وايد عطيه ماي العيش وايد زين يمسك بطن الياهل عشان ما يصيده جفاف

دلوعة زوجي محلات الحسا المعروفة مجمع البستان عادي ومجمع العثيم محلاته أحلى وتوب تاتو بتلقينه في العثيم في الطابق الثاني وعندج بعد شارع الماجد كله محلات وعندهم شغلات حلوة وشوفي بعد الهفوف بلازا بشارع الماجد مجمع صغير بس ينزلون أشياء حلوة ..

روكر تركيا الرحلة تقريبا 3 ساعات ونص .. بالنسبة للضيقة فديتج عادي أنا هالفترة كله متضايقة وشايرة محد يقولي كلمة الا انزلت دموعي أبي أصيح على كل شي .. الظاهر تأثير الحمل طلعي شوي من البيت غيري جو روحي كوفي شوب ولا عند أمج ولا تمشي في أي مجمع تسوقي يمكن تخف الضيقة ولا تنسين فديتج اقري قرآن يشرح الصدر سبحان الله ..

أختي فراشة عادي فديتج نتعلم من بعض .. الله يسلمج تسخنين الماي عادي وأول ما يسخن تحطين العيش وتخلينه يفوح ولي شفتي العيش صار لين اشخليه واخذي ماي العيش وشربي منه البيبي لا تكثرين رقم واحد يكفي .. وحتى في البيت قولي حق الخدامة وهي تطبخ العيش الأبيض حق الغدا يوم تشخله خل ترفع لج شوي من ماي العيش حق البيبي ..بس ما يكون في الماي بهارات أو دهن أحسن ..

الله يسلمج حبيبتي:)