حياكم في تجمع حوامل وامهات قطر لشهر جمادي الاخر لعام 1431ه 2010م

نصفه الثاني ..مشكورة فديتج عالرد ما قصرتي .. شكلي عيزانة أوديه وأزيد عليه .. بخلي هالملحف وبشوف لي غيره بصراحة أبي جاااااهز مابي أخيط في مشغل أو عند حريم .. بشوف بعد بدور مرة ثانية ..وان شاء الله ألقى اللي في بالي ..

أختي روكر شفتي ثياب العافية اللي عند أم محسن في الطابق الثاني بسوق واقف (سوق الحريم) .. بصراحة أنا شفتها من فترة وأعجبتني وباخذ من عندها إن شاء الله ..وبعد عندج أم عارف عندها مشغل بالبيت ثياب العافيةعندها حلوةوتفصل لج على مزاجج اذا بغيتي ..

بنات بسألكم شنهي أحسن ماركة من تجربتكم بالنسبة لجهازتعقيم المراضيع ؟

حزن الزمان فديتج احنا خوات ..نفيد ونستفيدمن بعض .. أي شي في بالج سألي عنه والبنات فديتهم ما يقصرون ..

بالنسبةللحريم اللي يسوون أطقم مفارش للأم والبيبي فديتج جربي روحي سوق واقف قسم الحريم الطابق الثاني بتلقين أكثر من قطريةوكلهم يشتغلون في المفارش وكل تجهيزات الام والبيبي اللي أتذكر منهم أم محسن شغلها حلوووحدة اسمها مريم الجتال شغلها حلو وتسويلج رسم عالمفارش وكل اللي في بالج وفي غيرهم كلهم قاعدين بنفس المكان انتي مري وشوفي اللي عندهم وأحيانا ما يكونون موجودين بس بتلقين المسؤولةعن المكان بتشرح لج كل شي روحي وجربي فديتج وفي بعد أم عارف هذي عندها مشغل بالبيت تسوي لج كل اللي بخاطرج أعتقد بيتها بالدفنةواذا تبين بجيب لج رقمها وروحي لها مشغلها في بيتها ..
وأي سؤال ثاني حاضرة من عيوني وشوفي بعدردود البنات ان شاء الله يفيدونج حبيبتي ..

فديتج لافندر ما قصرتي أختي .. تدرين أنا في بالي ايفانت بس قلت بسأل البنات يمكن يعرفون أنواع أحسن بس إن شاء الله باخذ ايفانت