(رابطة)* (امهات)* (مصر)* (لشهر)* (جمادى الاخر)

شيماء وايمان
انتو هنا ولا قمتو؟

انا مصدوووووووووووووووووومة عمالة اديكو ف نصايح
معاذ عمل حاجة دلوقتي ماعملهاش قبل كده ولا مرة من يوم ما قلع البامبرز
لقيته عامل كيكي وعادي جدا مش ف دماغه وعمال يلعب واختي بتلعب معاه قالت لي معاذ ريحته غريبة ليه قمت اشوف لقيته ريحته غيربة فعلا قلت هغير له هدومه جيت اغيرله لقيته عامل بجد اتخنقت عليه وضربته جامد وقعدت ازعق له وهو عمال يعيط ويقول تيته ههههههههههههههههه
عاوز حد ينقذه
بجد مش عارفة عمل كده ليه هو لما يحس انه عاوز يعمل بيقول لي واوقات بيعمل نقطة ف الشورت بس بيقول ومش بيلحق يمسك نفسه على ما نروح الحمام فدي عادي مش بزعق له ده طبيعي انه يحصل اصلا
بس انهرده بقى مش عارفة ليييييييييييييه عمل كده وعمال يلعب ولا كانه عمل حاجة
بجد مضايقة اوي منه

معلش يا هوبي اصبري

التربيه عمرها ماسهله ابدااااااااا

اصعب حاجه فى الدنيا انك تتعاملى مع طفل

محتاجه صبر وطوله بال وحكمة وحاجات كتير اوى

وكلنا بنحاول اننا نكتسب الحاجات دى



ايمان حسن فعلا لو كنت انا وهوا لوحدنا كان فى سلوكيات كتير هتتغير

وخصوصا الاعتراضات الغير منتهيه دي

عشان لما بيعترض معاهم بيعملوله اللى هو عاوزه

فخلاص بقى عملها وسيله

وموضوع التواليت دة انا ماعرفش ليه كدة بيتلخبط

دة كمان لما بقعده على التواليت فى الحمام

عرف ازاى يفتح الشطاف وبيفرح اوى لما المايه توصله

وعايز يفضل قاعد فاتح الشطاف وخلاص هههههههههههههههههههه

وبالنسبه للحاجات اللى ممكن يوكن بيحبها واضحك عليه بيها

جبتله كيس بنبونى ماحبوش

جبتله لبان اكل مره ومارضيش تانى

الحلويات مش غاويها اوى

ماعرفش احيله بقيه

وبعدين لما بيعترض مهما حاولت اقنعه بيبقى مقفل خالص ومش راضي يقتنع ابدا

ودة بقى اللى بيعصبني عليه

بحس انه مش عارفه اضحك عليه ولا اقنعه لانه فعلا بيتمسك اوى

شيماء ياريت لو عرفتى تلاقي الموضوع بتاع تجهيزات الطفل التانى تنزليه هنا او ابعتيهولى عالخاص

hoobie;12074620:
والله يا ايمي انا بحااااول اتأقلم جدا وبفضل اهدي في نفسي واقول في بالي عيل يا هبه هتعملي راسك براس عيل ههههههه بس غالبا الكلام ده مبيجبش نتيجه برضه ..وموضوع العيل التاني ده لا لسه بدري جدا مش قبل 4 سنين ان شاء الله اشحن شوية طاقه من اللي خلصت دي ..بجد والله انتي عارفه لما تحسي ان حياتك اتغيرت 180 درجه بس مش للاحسن ..انا بقول لجوزي لو كنت اعرف ان الجواز والخلفه كده مكنتش اتجوزت كان زماني عايشه حياتي ومستريحه اهئ اهئ :(

هههههههه فعلا ماتعمليش دماغك بدماغ عيل يا هبه
وربنا يهديه لك يارب وطولي بالك عليه شوية
صدقيني الزعيق والنرفزة دول بيقلبو معاهم بعد ما يكبرو والله هلي بالك

شهيدة;12074715:
ههههههههه

فكرتينى يا هبه بحوار
واحده بتقول انا لو كنت اعرف ان الجواز والخلفه كده مكنتش اتجوزت
واحده ردت عليها وقالتلها ده احنا لو مكناش بس اتجوزنا كان زمانا بنجرى ورا عربيات الرش
هههههههههههههه

ههههههههههههههههههههههه
اه فعلا والله يا شهيدة
محدش عاجبه حاله

شهيدة;12074721:
شيماء وايمان
انتو هنا ولا قمتو؟

انا قمت عشان ميزو :(

معلش يا ايمان تلاقيه بس علشان ملخوم باللعب وانتى بتقولى ان اول مرة تباتى عند مامتك فلسه مش متعود انه يدخل الحمام بره البيت

ههههههههههه شوشو حلو موضوع نجري ورا عربية الرش بس ياستي اهو رياضه واسهل من اللي احنا فيه

ايمي معلش هو تلاقيه ملخوم في اللعب ومركزش انتي غيريله وخلي البيت كله يزعل منه انه عمل كيكي في هدومه وهو هيعرف ان كده غلط

شيماء
على فكرة هما في مرحله دلوقتى كل يوم بيكتشفو حاجه جديده وعايزين يفكو اى حاجه
فده اعتقد انه طبيعي ان حسن يكتشف الشطاف وبعدين الولد اهو جاب البوتى واستخدمها اما كنتى مشغوله عنه
عايزة ايه تانى
هههههههههههههه

ايه دة غريبه اوى يا ايمان

يمكن النهاردة يوم النتكاسه بالنسبه لهم

سبحان الله

الاتنين فى نفس اليوم

انا مستغربه اوى

حتى بعد ماعمل ماجالكيش يقولك

حسن بيعمل ويبقي عارف انه عمل مصيبه ولاقيه جايلي بنفسه

لقيت الموضوع يا شيماء
هنزله هنا يمكن حد يتزنق فيه زينا

لا يا شهيدة متعود والله على الحمام هنا
هو خلاص فهم انه هنا بتاع البي بي حتى لمنا رحت لسالي ماخفش من الحمام عندها وعادي وعمل
وانا كمان باجي هنا عند ماما كل جمعة بقضي اليوم كله وبيعمل عادي وبيقول وعمل كيكي قبل كده هنا وكان قايل لي قبلها

يلا خير وان شاء الله مايكررهاش تاني
هو دلوقتي عمال يشتكيني لكل واحد شوية هههههههههههههههههههه
طبعا كلام مش مفهوم بس بيشرح بقى ويقول ماما بي ويشاور على هدومه عشان غيرت له هههههههههههههههه

ههههههههههههههههههههه


ايوة يا شهيده جاب البوتى وماعملش

وفرحان اوى بفكرة الشطاف ههههههههههههههههههههههه

هو دة اللى طلع بيه من التواليت

ودلوقتى قمت البسه البامبرز عشان ينام

عمال يعيط ومش عايز يلبسه

أفكاري للتجهيز لأستقبال طفلي الثاني


السلام عليكم و رحمة الله و بركاته

كل سنة و انتم طيبين يا بنات

انا دلوقتي حامل في الشهر الرابع في طفلي الثاني و طبعا عندي حالة قلق رهيبة من ازاي هأقدر أهتم بيه و ب مؤمن و بالبيت من غير تقصير و انا مش بحب أتعب حد معايا يعني بحب أعتمد علي نفسي
و طبعا ربنا يخلي لي ست الحبايب بس بردو مش عايزة أتعبها اوي
و أبو مؤمن مشغول طول اليوم تقريبا الله يعينه
و طبعا عن تجربة سابقة مع الأستاذ مؤمن تعبت أوي في البداية و أخدت فترة علي ما قدرت أتعود و أنظم نفسي
و مش عايزة ده يتكرر خاصة مع وجود مؤمن اللي عمره 3 سنوات
فققرت اني أترك القل و أبدأ في التفكير و التدبير و التخطيط عشان أساعد نفسي
و طبعا مش لقيت غيركم يا أخواتي البنات الحلوين الشاطرين عشان أخد رأيكم في أفكاري قبل ما أبدأ في تنفيذها و كمان لو عندكم أفكار جديدة ينوبكم ثواب في أختكم
علي فكرة انا مش عندي اخوات خالص لا بنات و لا ولاد << حكت قصة حياتها

نبدأ بسم الله

1- قررت اني كل شهر أجيب حوالي كيلو لحمة مفرومة زيادة علي حاجات البيت و أعصجهم و أحطهم في أكياس و علي الديب فريزر و بكده يبقي عندي حوالي 6 كيلو لحمة معصجة عند الولادة تساعدني شوية و تشيل عني و عن ماما شغل التجهيز للطبخ. و في نفس الوقت مش تبقي حمل علي الميزانية لأن كلنا عارفين ان في الكام شهر الأولي بتبقي المصاريف علي اخرها.
2- قررت أجيب كل شهر حوالي من 2-3 كيلو طماطم و أعصرها و أسبكها و أحطها في الديب فريزر و بكده هيكون عندي حوالي من 10-15 كيلو طماطم مسبكة جاهزة يا دوب للتسخين و أحط فيها الخضار .
3- قررت كل شهر أجيب فرخة و أتبلها للشوي و أحطها في كيس و في الديب فريزر.
4- قررت قبل الولادة بحوالي أسبوع أو اتنين (هأولد قيصري بأذن الله هأبقي عارفة ميعاد الولادة) أغسل ستاير البيت كله و أعلقهم ليلة الولادة عشان لما الضيوف ييجوا يلاقوا بيتي نضيف .
ده طبعا غير غسيل الحمام الله يكرمكم ليلة الولادة
5- ده بقي مش قرار ده تم تنفيذه فعلا
انا أودة الأطفال عندي سريرين بس انا كنت شايلة واحد عشان مؤمن يلعب براحته في الوسع و دلوقتي طبعا هأطلع السرير التاني بأذن الله فعملت جمعية
و نزلت اشتريت طاقمين ملايات سرير أطفال جديدة و كمان لحاف فايبر جديد و كمان اشتريت طقم ملاية حلو اوي و قطن لسريري عشان الناس اللي هتيجي تشوفني قبل السبوع ان شاء الله تلاقي بيتي فلة.
6- طبعا تنضيف المطبخ تنظيف عميق قبل الولادة و أ؛ط فويل علي البوتاجاز ولو اني مش بحبه بس معلش أول فترة بس.
7- انا بدأت في ترتيب دولا مؤمن عشان أفضي مكان لأخوه أ, أخته القادم عشان مش يتفاجيء و يزعل و سايباهم فاضيين عشان لما أشتري هدوم للبيبي يبقي الموضوع تدريجي .

8- كل شوية هأنضف دولاب و أرمي كل الزيادات و كل الأشياء غير المستخدمة عشان أوسع للأغراض الجديدة و حوسة البيبي الجديد هههههههههههههههههههههههههههههه ه .
9- نسيت أقول كمان هأخزن في اليب فريزر خضروات مجهزة للطبيخ علي طول.

دي كل أفكاري لغاية دلوقتي عايزة أسمع رأيكم ولو عندكم أفكار تانية أفيدوني بالله عليكم
لأني خايفة اوي و حاسة اني مش أد المسئولية دي ربنا يستر

لقيتيه

دة انا لسه كنت هروح ادور عليه وانقله هنا

طب الحمد لله

اه غريبة جدا يا شيماء والله
هم الاتنين انتكسو ف يوم واحد فعلا
شكلهم متفقين علينا ولا ايه
ههههههههههههههه

لا وبيلعب كمان وماجاش يقول لي زي كل مرة ولا ف دماغه

شيماء لبسيه له بعد ما ينااااااااااااااام بالله عليكي
ربنا يهديه يارب

*Om Mo3az*;12074811:
لا يا شهيدة متعود والله على الحمام هنا
هو خلاص فهم انه هنا بتاع البي بي حتى لمنا رحت لسالي ماخفش من الحمام عندها وعادي وعمل
وانا كمان باجي هنا عند ماما كل جمعة بقضي اليوم كله وبيعمل عادي وبيقول وعمل كيكي قبل كده هنا وكان قايل لي قبلها

يلا خير وان شاء الله مايكررهاش تاني
هو دلوقتي عمال يشتكيني لكل واحد شوية هههههههههههههههههههه
طبعا كلام مش مفهوم بس بيشرح بقى ويقول ماما بي ويشاور على هدومه عشان غيرت له هههههههههههههههه

ههههههههه
تلاقي شكله عسول خالص وهوا ماشي بيشتيكى
معلش ان شاء الله مش هتتكرر

رعشة قلب;12074817:
ههههههههههههههههههههه


ايوة يا شهيده جاب البوتى وماعملش

وفرحان اوى بفكرة الشطاف ههههههههههههههههههههههه

هو دة اللى طلع بيه من التواليت

ودلوقتى قمت البسه البامبرز عشان ينام

عمال يعيط ومش عايز يلبسه

شفتى بقا ان الولد عايز يتعلم كويس ويبطل البامبرز
شكلك انتى اللى ظالماه
هههههههههه

ايوة يا شهيدة هو دة

كمان فى فى الصفحات اللى ورا افكار تانيه بالصور

موضوع مفيد اووووى

و دي كانت بعض التجهيزات اللي حصلت بالفعل
شوفوا بقي انا بمناسبة دخول الشهر السابع ههههههههههههههههههههه
و عشان لقيت نفسي تعبانة جدا و كل يوم بأبقي أتعب من اليوم اللي قبله قررت
اني أغسل سجاد أودة النوم
عايزاكم تشجعوني يا بنات لأني تعبانة جدا بجد ربنا يسهل ولادتي و باقي أيام الحمل علي خير

طبعا بأحطها في الحمام علي الأرض و عليها رابسو و كلوروكس للألوان و هاتك يا فرك و دعك بالفرشاة
و بعدين أشطفها كويس جدا و ألفها زي الرول و أوقفها عشان تتصفا كويس عشان لما أنشرها علي البلكونة مش تنقط علي الجيران الحبايب
و دي هنا بعد ما نضفت بس طبعا مبلولة لسة و بصراحة مش هأقدر استني علي ما تنشف عشان أصورها لأني هأعطرها و ألفها و أعينها علي طول لغاية اليوم الموعود

و بس يا بنات و طبعا مش هأشرح احساسي كان ايه و انا بأغسلهم بس أعتقد ان ده كان شكلي



و ده تاني حاجة عملتها

عملت الطماطم
20كيلو يا بنات عصرتهم و سبكتهم
اااااااااااااااااااااااااااااه ياني
و بعدين قلت طيب بالمرة اشتري شوية حاجات بسيطة و أجهزها
و هووووووووب عصجت كيلو لحمة مفرومة و حطيتها علي كيسين
و فرخة كمان تبلتها
و كمان بفتيك تبلته و حطيته في طبق

و طبعا كمية التعب مش قادرة أوصفها يا بنات
رجليا و ضهري و الحوض الاااااااااااااااااااااااااااا ام شديدة بس الحمد لله خلصت
و ما تنسوش ان ده كله جنب شغل البيت و طبعا مؤمن حبيب قلبي
و انا نزلت كمان اشتريت الحاجات
لما حاسة اني عايزة أطلب الأسعاف هههههههههههههههههههههههههه
الحمد لله بس أنجزت شوية حلوين

و طبعا فيه حاجات اشتريناها للبيبهات

ده الموضوع طلع كبير والبنت اصلا ما شاء الله عملت منه 3 اجزاء
لا ده محتاج قعده وتظبيط