(رابطة)* (امهات)* (مصر)* (لشهر)* (جمادى الاخر)

مش عارفة من ايه والله يا مها
هو من امبارح كده مش عارفة ليه

انا جيت تانى

ازيك يا بوسي عاملة ايه
ويويو عامل ايه
بقى لك كام يوم مش بتدخلي ليه

طب اديلة حاجة للاسهال

او شاى بلمون باين
انا نسيت والله

ايمان هقوم عشان اروتى صحا
سلالالالام

معلش ياسين بيعيط وبيتشحتف وانا مش عارفه فيه ايه اصلا

هروح وهبقى احاول ادخل بليل

بس متنسوش تدعوا لجوزى ان ربنا يرزقه بشغل احسن من اللى هو فيه ويعوضه خير يارب

السلام عليكم

ازيكم يا بنات عاملين ايه؟؟

انا صاحية من الصبح مش عارفة مزاجى ماله حاسة انى مش متظبطة كده وجسمى كله مكسر خالص

وعضم الحوض مدمر ومش بعرف اتقلب بالليل خالص انا بجد تعبانة اوى يارب سهل عليا واولد بقه

انا فعلا مستعجلة على الولادة من شدة التعب اللى انا فيه بس

ربنا يقومك بسلامه يا ام حمودي يارب معلش كله باجر

عاااااااااااااااااا هسافر خلاص عااااااااااااااااااااا

توصلى بالف سلامة ان شاء الله يا ايمان

وهتنورى مصر

انتى مسافرة بكرة خلاص ان شاء الله؟

لا بعد بكره ان شاء الله عااااااااااااااااااا

انا جيت
حد موجود

طب هلفلف ف المنتدى شوية

مها انا جاية ف السريع عشان اقول البس
بس مش عارفة اعمل ايه مع معاذ لو طلب بي بي انا هلبسه بامبرز بس عارفة انه مش هيرضى يعمل فيه وكل شوية هيقول لي بي بي

بناااااااااااات اهيء اهيء :sick::sick::sick: عندي برد في معدتي ووجعاني وحاسة انها مليانة هوا ومنتفخة وكمان اسهال بقي فظيع مية خالص كانه بيبي مش كيكي

كتكوتة سلامتك يا قمر ليه كده
طهور ان شاء الله يا جميل

بنات انا نفسيتي زفت اوى

ماعرفش ليه

مخنوقه وواصله اخرررررى وحسن مجنني على الاخرررررررر

ليه كده يا شوشو روقي
خدي حسن واخرجو
انا خارجة بمعاذ والله مع اني مش عارفة هعمل ايه لما يقول لي بي بي بس قلت اخده واخرج نغير جو

وانا عماله اعييييييييييييييط

ايه يا بنات مالكو روقو
ايمي بتعيطي عشان مسافرة ولا ايه ؟

النهاردة السبت الحضانه مش بيبقى فيها اطفال كتير زى كل يوم

قلت خلاص طالما كدة وهيروح ممكن يضايق

انا انزل بيه فى معاد الحضانه واوديه المتحف الزراعي هنا جنبنا

يشوف الحيوانات المحنطه ويجري شويه فى الجناين اللى فى المتحف

وفعلا اخدته وصورته صور حلوة اوى ان شاء الله انزلهالكم

وحسيت انه تغير جو بالنسبه له

قلت يمكن مزاجه يتغير ومايحسش ان كل النزول للحضانه

ويبقى هادى كدة ويخف شويه من الاعتراضات

رجعت البيت اول مادخلنا من بابا الشقه ولا كانى واخداه مخرجاه

نفس المزاج ونفس الاعتراضات

تعبت اوووووووووى

وحاسه انى بجد عايزة اخده واقعد بيه فى شقتي لوحدناااا

دة اخر حل عندى معاه

وحاسه انى انا نفسي محتاجه اقعد لوحدى واخد راحتى معاه

لانى بشد كتير مع البيت هنا بسبب اسلوبه واسلوبي معاه

هما كمان معترضين على اسلوبي معاه وفى نفس الوقت ماحدش بيساعدنى

او بمعنى اصح حسن طول ماهو شايف فى ناس تانيه فى البيت بيجري عليهم ويطبطبو عليه

انا مهمتى صعبه جدا معااااه

انا النهاردة فكرت كتير اوى ونويت انى اروح الشقه

بس المشكله الوحيدة هناك انه مافيش نت

وانا مش عايزة اتحرم منكم

عايزة اجيب لاب توب يكون خفيف كدة لاستخدام خفيف ويكون سعره على قدى

وعايزة ادخل اشتراك نت يكون رخيص برضو

اللى انا بدخل منه هنا TE _data

ساعدونى بنات فى موضوع مشكله النت دة

لو اتحلت هروح على طول على الشقه