(رابطة)* (امهات)* (مصر)* (لشهر)* (جمادى الاخر)

بصي مش فاكره بامانه كشفه كان كام بس المستشفى كانت 4400 وكنت قيصري واخدت اوضه حلوة اوي وكبيره على النيل وقعدت 24 ساعه يعني دخلت الساعه10 الصبح خرجت تاني يوم 11 الصبح كده ..ال4400 كله المستشفى بالدكتور

عارفه مشكله البيت هنا انه بسمع يعني انا بسمعهم برده
والمنطقه كلها يعتبر جديده مش كلها ساكنه فاي صوت بيوصل

وبعت للست تحت وقلتلها معلش ونا هحال اسكتا علي اد ما اقدر
بس هما خلقهم ضيق يعني امبارح الراجل بيتخانق مع بنت البواب عشان بتغني بصوت عالي

طيب كويس يا هوبه هشوف المستشفي دي تبع النقابه ولا لا
وربنا يسهل يارب

انا ججيت تانى

هههههههههه الراجل ده بيفكرني بنفسي تعرفي انا كمان مبطقش الدوشه وخصوصا دوشة العيال عشان كده مش عارفه اتأقلم على وجود محمد ..بس لا انا مش معقده زيه حد يتخانق مع واحد عشان بنته بتغني ههههههههههه

توتيييي انتي فييين

بسبس ازي يويو اخبار النوم ايييه

معلش هغير لجوجا واجي.

اه والله يا هوبا فعلا حاجة خلاص بجد، طيب اوكي انا موافقة واقتنعت اننا بلاش نرغي هنا كتير بس في نفس الوقت بقي المشرفة مفروض كانت تلاقي حل مش تعلقنا كده وتكتب هناك في الحوامل اننا مش مسوحلنا ندخله كمان طيب نروح فين بقي ومش معقولة هنعمل موضوعين للأمهات واحد للقدام وواحد للجداد واحصابنا الحوامل فعلا نكلمهم ونسلم عليهم ازاي الله والبنات كمان.


توتي وهوبي هو كان حصل سوء تفاهم ومشكلة كده قريب بسبب الشات ده عشان كله دخل في الامهات هنا


بسبستي ازيك يا جميلة

تمام الحمدلله

اه الحمدلله نمت امبارح وانهارده طول النهار نايمه

ويويو محترم شويه انهارده

هو نايم دلوقتى

كوتى كوتى كوتى حبيب هارتى

انا هنا يا هوبي


كوتة
طيب انا عارفة المشكلة بس مش فاهمة يعنى
مش المفروض انهم قالو الحوامل في مكانهم والامهات في مكانهم
اية دخل الامهات الجداد والقدام
يعنى انتى مثلا امهات ولا مش امهات
اية المانع بئة

طيب انا مش فاهمه حاجه واحده .. في بعض مواضيع الشات للدول الشقيقه الاخرى يعني عاملين تجمع الحوامل والامهات مع بعض اتنين في واحد يعني ..وفي تجمعات تانيه مش مصنفه كاتبه تجمع الليبيات مثلا او المصريات وبس والكل بيدخل فيه

ههههههههه طيب تصدقي يا هوبي انا زيك برده بس لما الواحد يجرب ويتحط في الموقف فعلا بيعرف

ايمي علي فكره الحوامل موافقين ان البنات تيجي ترغي معانا عادي يعني الي عايز يجي يجي مش نعترض
مش عارفه ينفع نقول للمشرفه الكلام ده ولا لا

الحمدلله يا بسبس طيب ادخلي نامي مستنية ايه سيبي اي حاجة في ايديكي ويلا ولا وراكي شغل لسه

صحيح اتفجرتي علي اللعب بتاعة جوجو يومها في التجهيزات؟


بصي يا توتي المشكلة اصلا ابتدت من هنا عشان الامهات القداماللي في نفس الدفعة بتاعتكم تقريبا يعني واللي اكبر مش بيدخلوا كتير عشان الاولاد وكده وبيكونوا بيسألوا بعض في حاجات مهمة ومفيدة ومستنيين يشوفوا الاجابات بتاعتها وكمان بيطمنوا علي بعض ولما احنا بقي ابتدينا ندخل هنا وطبعا عددنا كتير وبنرغي كتير غيرهم فنملي صفحات كتيرة اوي بسرعة جامدة وهما مش بيبقوا ملاحقين يقروا اللي فات والردود في الاخر بتطير منهم ومش بيلاقوا بعض.

فعشان كده هما اتضايقوا من الهجوم ده وعشان كمان اللي بيدخلوا يتكلموا من غير ما يستأذنوا.

فقلنا خللي هنا للكلام المفيد والرغي والتشات العادي خليه في الحوامل وكان خلاص اوكي.

بس لقيت تاني يوم بقي المشرفة كاتبة هنا ان اي حد يضايق الامهات يبلغوا عنه وكتبت في الحوامل ان كل تقسيم ملتزم باللي تبعه وبس وممنوع حد يدخل من تقسيم تاني علي اللي مش تبعه وكده :sick::sick::sick::sick:

ما هي ايمي دموع اشتياقي بعتت للمشرفة يا هوبا عشان تقولها نعمل تجمع يلمنا كلنا من كل الاصناف يبقي تجمع لمصر وخلاص ولسه معرفش غالبا مردتش عليها


حد يشرب معايا عصير كريز بالتفاح

اهااااااا
يبقي احسن ويارب توافق
هوبي كنتي قلتلي علي شنطه البيبي في منها في اديداس

شكلها بيقي يعني ازاي واروح اقلهم عايزه شنطه للبيبي ولا شنطه بتكون بتاعت رياضه وكده

انا بقي جوجو عذبتني امبارح ونامت الصبح خالص متأخر اوي وكمان ياريتها نامت نومة كده حلوة لأ كل شوية تصحي او تقلق المهم نامت بقي تمام من بعد الظهر وانا طبعا كنت مضطرة اقوم بقي عشان اعمل الغدا لجوزي وخصوصا انه اجازة يعني مفروض الغدا بدري عن اي يوم، وعملت كوارع وفتة له هو بس طبعا، واكل وانا بقي كنت هدخل انام بعد ما خلص مع ان اكلي كان خلص بس قلت لأ هأجل الاكل لما اصحي، يادوبك فرضت جسمي ولسه هنام صحيت بقي وخدتها وقمت ده كان علي 8 باين، قعدت بيها فترة كده وبعدين سبتهالوا ودخلت نمت كانت هي نامت تاني ومعرفتش انام بس فضلت مريحةو بردو بحاول كان عندي ارق جامد من كتر قلة النوم، وقمت لقيتها ليه نامية قلت يا حلاووووووووووة يعني كده فيها للظهر بقي بالمنظر ده، وفعلا احنا قاعدين اهو وهي مفنجلة جاية تعمل كده في عيد جوازي الوحشة :lol::lol::lol::lol:

مش فهمة يعنى بردو
مع احترامى للى قالوا كدة انا مش عارفة مين بصراحة
بس دة شاااات
في اماكن كتير اوى في المنتدى ممكن نستفاد منها وفيها معلومات مفيدة
لكن دة شات نرغي براحتنا
انا مع المشرفة في ان الحوامل في مكانهم والامهات في مكانهم علشان كلامنا وكلامهم مش هيكون مشترك هما بيتكلمو عن الحمل واحنا بنتكلم عن الولاد
يعنى قدام ولا جداد الاتنين كلامهم عن الولاد
لكن ان نقول لا هنا للامهات القدام اللى عارفين بعض بس ولازم يكون عددهم قليل لا معتقدتش ان دة كلام بجد ولا كلام المشرفة اللى تقصد
هنا شات وهناك شات
وفي شات للكل اللى هنو شات البنات

هوبا لا هي شنطة رياضه عاديه اللي بتتلبس كروس دي

كتكوته ربنا معاكي ومعلش لما جوجو تكبر شويه ابقي سربيها عند طنط واحتفلوا بعيد جوازكم براحتكم ياستي :D

لا والله يا توتي ده اللي حصل الامهات هما الللي طالبوا كده الاول وبعدين فعلا فيه جزء كبير من البنات التانية معجبهمش الكلام واستغربوا اوي وقالوا هنا تشات وفيه اماكن تانية مخصصة للاسئلة والاستفسارات بتاعة الامهات يبقي خلاص ليه نعمل كده.

بس الامهات قالوا انهم خلاص اتعودا علي هنا ومش بيفتحوا غيروا تقريبا ومبقوش فاضيين زي الاول وكلهم عارفين بعض ومتابعين مشاكل ولادهم وتعليم البوتي وكده.


وبعدين المشرفة جت بقي قالت كلام هنا بعد المشاكل دي ان اي حد يضايقهم او يمشي عكس المفروض يبلغوا عنه، ولو حد دخل في تشات غير بتاعه كمان دي نقطة تانية يعني هيتم حجبه