حبوبه لاتتشائمين ولاتتضايقين
وبقول لج عن دكتور نيوترشن ترى نصيحه روووحي له ممتاااااز
انا وحده من هلي راحت له ماشاااء الله اضعفت في شهر 10 كيلووو لانها وايد دبدوبه
واتقول اهم شي انج تنتطمين على الجدول اللي يعطيج ايااه
وخلي عندج عزيمه وارااااده وشوي شوي ان شاء الله بيتنزلين وبيكون جسمج نفس ايام قبل
سوء التعذيه هي الي تخلي وجهك شآحب ومسمر
أول شي أنتي تغيري عشآن نفسك مو عشان زوجك
والله يسخره لك وتكونين بعينه أحلى وحده
لااا تتضااايقيين ولا شي
عااادي حبيبتي انتي تغيري عشاان روحج مو عشاانه هووو
ولا تخلي نفسيتج داون لانج ما بتقدرين تواصلين وعزيمتج قويه عشان نفسج
وان شااء الله تفرحينا
الله يعينك على الاهل
تحتاجين رياضه وبس بدل جهاز الساونه اللي ماخدته ليش ما خدتي جهاز الامشي وكل يوم حددي ساعه والعبي وبعدين بكون جسمش جاهز سوي تمارين ضغط وانشالله بتنفع وياش
بالنسبة لي لاني طويلة 172 ووزني 85 احس روحي صايره ضخمة ما اقدر اخد لي جهاز المشي لان ما عندي مكان اليه بس كل يوم الصبح قبل الدوام اسوي رياضه
محد يدري امسوتنها مفاجأة تقريبا صار لي 10 ايام امس اختي اتقول لي احس جسمش نازل كيلو قلت اليها الا اتقول لي واصلي شجعتني يعني
انشالله ما عورت راسش
الله يسخره لك الافضل تروحي للطبيب ان شاء الله تلاقي الحل الي يناسبك بخصوص وزنك
وحاولي تحلي جميع مشاكلك بعد الولاده لان المره تتغير وبذلك مايلاقي الزوج المتعه اللي كان يحسها من قبل وانصحك تزوري قسم النساء والولاده هناك الاخوات ما قصروا نصايحهم ذهب الله يعطيهم العافيه(فهمتي قصدي)الله يسخره لك ويجعلك في عينيه ملاك
الله يعنيك ويعين الجميع هذه ضربية الامومة وان شاء الله تضعفي
أختي أنصحج تشيكين ع الهرمونات خصوصا هرمون الغدة الدرقية
يمكن تكون الغدة خاملة و هذا يسبب زيادة بالوزن
بالنسبة للبشرة و الإسمرار أعتقد هذا من سوء التغذية
اعتقد لو تسوين تحاليل و فحوصات اول عشان تتأكديين ان كل شيء سليم
بعدين سوي لج كم جدول
جدول للعناية بالشعر و البشرة و الجسم
جدول للرياضة
جدول للتغذية السليمة
و اذا في مجال تروحين لأخصائي تغذية أو تسجلين بنادي بتكون الأمور بإذن الله تمام
بس يبيله صبررررررررررررر و الله كريم اختي
ممكن تجربى الميثوثرابى واللف التنحيفى
اضن من الافضل انش اتروحين الدكتور وتفحصين يمكن زيادة هرمونات
وعليكم السلآم
تقدرين تضغطين على نفسك عشآن تنحفين ، عليك بشرب الزنجبيل و الشاي و المشي ومآ أدرآك مآ المشي الصرآحه معععععععععععجزه ،، إنشآلله رآح تنحفين بس تصبري وكوني وآثقه من نفسك عشآن ينعكس على الي حوآليك
الله يصبرك وينحفك ويهدي زوجك
إدعيلي بالسسسسسستر و الشفآء عآجلآ غير آجلآ
مشكورين عن جد خوات دائما والله يبارك فيكم يارررررب ويرزقكم بالصحه والعافيه
اهلين اختي ثلاجه :)
انتي اول شي لابد تمشين باليوم سااعه
حتى يبدا الحرق لابد تكثفين الريااضه
ساعه مشي ونص ساعه ريااضه ونص ساعه
رقص شرقي<< مصري بالذات والله ينحف
ويخصر الجسم بقووه خصوصا هززالخصر ينحف الارداف
مع نظام معين ولعبي الحبليه النط واذا تبين رجيم ينزلك
5 ايام 5 في كيلو مجررب<<ارسلي عالخااص وانزله لك ..:thumbs_up:
ماابي غير الدعوه ان الله يصخر لي زوجي وعيالي:lol:
الله يهدي لك زوجي ويسخره لك يارب
بالعكس كلامهم مايحبطك يعطيك عزيمه واراده إن شاءالله واستمري
ونظامك من تجارب البنات ونصايحهم اشوفه غلط لازم تخلي 3 وجبات ووجبتين خفيفه
وكثري فواكه وخضار وابتعدي عن النشويات والسكريات والمقالي طبعا
وسبب عدم نزول وزنك انه تعود علي سعرات بسيطه عشان كذا يحافظ علي الاكل الي تاكليه
وحاولي تشتركي بتجمعات عشان تتشجعي
ويارب اكون افدتك وينحفنا جميعا بصحه وعافيه
هلا اختي ..
في وجهة نظري 3 كيلوو وااجد زين في شهر يعني بعد كم شهر راح توصلي للوزن اللي تبينه بس اهم تواصلي على الريجيم وبإرادة
والله يسخر لك زوجك ان شاء الله
وعلى فكرة ترى الرجال كله جدي ما يعجبهم العجب ولا الصيام في رجب ..
الله يعينك يا اختي
بشري شنو اخبارك من تاريخ الموضوع لحد اليوم؟؟
والله ان الرجال ما منهم امان
ولا يقدرون المرأة ولا يعملون لها حساب,,
المفروض يحطون في بالهم انج ربيتي مرتين ,, ووزن بالـ80 جدا طبيعي نتيجة الحمال
عيل انا شقول وزني حوالي 140 كيلو وتوني صغيرة 23 سنة وجريب بصير 24؟؟
يبي لي اشيل من جسمي ازيد من 80 كيلو
والله انه احباط ومو قادرة ,, نفسيتي كلش زفت
انا متينة وما احب اروح نادي ,, لان اتعب كثيير ونفسي ينقطع واغلب الوقت ما اواصل وياهم
شنوو اسوي في روحي,, خايفة حتى زواج للحين ما تزوجت,,
بديت اجرب حبوب تخسيس من امانة كير سفن سليم
يجيب نتيجة اول مرة ضعفت 5 كيلو في 3 اسابيع
والمرة هذي ضعفت حوالي 3 كيلو في اسبوعين
بس هالشهر انا مادري ما احس له تأثير في الشهيه!!
والله تعبت من معاير امي وابوي لي,, واهلي اللي كل مرة يكلموني عن هالسالفة
طيب ليش يحرجون الواحد؟؟ يعني الشخص ما يعرف نفسه انه بحاجة للتخسيس؟
كفاية الهموم اللي فينا مو يجون يزيدون همومنا
مسامحة اختي قلبت المواجع بس من شاف مصايب غيره تهون عليه مصيبه ,,
انا منج اقعد جلسة مصارحة مع زوجي وشوي اعاتب فيه واخليه يشجعني بدل ما يبتعد عني
وابدي في المشي وانظم اكلي,, روحي للمركز اللي قلتين عنه
عليج بالشاي الاخضر مع الزنجبيل والمرمية والزعتر
وشوفي شنو كريمات الشد اللي تجيب نتيجة بدي فيها مع الرياضة وان شاء الله تتغيرين للأفضل اكيد
والسموحة طولنا عليكم :)
المفروض يكون احساسك الغضب مو احباط
طبعاً أنا فاهمة شعورك زين هو الوحده تعز عليها نفسها ان كل قيمتها
عند زوجها اسمها جسد جميل فقط لا أكثر
يعني حمل وولادة كيف جسم الانسان بيصير
حتى الزمبرك من كثر المط والشد يخرب وهذا هو حديد
واحنا متحملين ثقل الحمل والولادة تعب البيت والأولاد ونفسية الزوج
ان كان زعلان ولا متضايق ولا ماله خلق
وبالخير من الغلطان
المرأة !!!!!!!!!
المهم ...أول شي ..انسي ان زوجك يقول ولا يحس ولا ....امسحيه من دماغك بأستيكه
رضى ولا عمره ماطاب خاطره >>> عارفه مابتقدرين لأنك حاببتيه من قلبك
خلي نزول وزنك سببه الرئيسي صحتك وبس ومليون ..$%&*$#@ للي مو عاجبه جسمك
يروح يشرب من البحر >>>> تشفير لزوم الرقابة
النظام الصارم راح يسويلك رد فعل عكسي يبدا جسمك يبطيء في حرق الدهون
مشان مايفقد المخزون
فامشي على التوازن
أنا وزني صعب نزوله من فنرة نزلت كيلوين والسبب التزمت بضوابط مو بأكل
اللي هي ..
1- تحديد وقت معين ماتاكلين فيه لوقت العشا
يعني تحددين الساعة 7 أو بالكثير 8 بالليل تكونين تعشيتي ومن بعدها مايدخل فمك شي
2- فطورك ملوكي وخذي راحتك
وغداكي أميري ... يعني كلي لاتحرمي نفسك بس حددي لك تقومي قبل الشبع الكامل
يعني تحسي انك شبعتي زين قومي
شوي شوي بتصغر معدتك وتصيري تلقائياً تقومين بسرعة من الأكل
والعشاء مثل أكل الفقراء خفيف جداً والتزمي بوجود الزبادي يساعد كثير كثير
وبإذن الله ينزل وزنك على خير
ولا تنسي النفسية راح تقلل من نزول وزنك شيء أكيد
أنا من أصير زعلانة ومكسور خاطري يزيد وزني
3- الرياضة سواء مشي ولا تمارين شد واذا الاثني نبيكون ممتااااااز جداً
لو تصير نص ساعة باليوم بركة
طنشي كل التعليقات وحولي شعور الاحباط الى غضب هذا اللي بيقويكي عليهم
عن جد قهروني عليكي
اووووووووف من هالزمن مايرحم ،، ولا تخلين حدا يتطاول عليكي
زوجك ماعليه اسكتي ولا تردين عليه مو مشكله اصبري وانتي الربحانه
اي أحد ثاني ردي بذرابو وبقوة بنفس الوقت
يعني ا نصار احد علق عليكي قولي له ...الله لايبلاكي باللي بلاني ترى الزمن غدار
ويوم لك ويوم عليك والدنيا دوارة >>> وانتي انواع البراء ةبس هم بيخافون
يدرون ان الدنيا مالها أمان وتصوري يجي يوم ووحده منهم سمنانة بتخاف من الشماته
فيسكتون من الحين أحسن لهم
ولا قولي ..اي بالله ماهي هينة زيادة الوزن ...تخيلي تصيرين مثلي بيوم من الأيام
المهم تعطينهم كلمة تخليه ميتخيلون جسمهم صاير مثل جسمك !!!
والله لتجيهم حوسه وبيركزون على حالهم والخوف من الشماتة بالمستقبل
ويتركونك بحالك
والله مدري شقولك أكثر غير الله يعينك على اللي حواليكي
بس خذيها مني كلمة كل اللي يعايبون على غيرهم الله يبتليهم بنفس البلوة
ان ماكان تاليوم فهي بكرة
خلي أملك بالله قوي وقسي قلبك مع ان قلبك رهيف مبين عليكي وتحبين الخير للي حواليكي
وهذا اللي مخليهم ياكلونك عالبارد ...
الله يوفقك
&
ღ. pink dream .ღ
عروس مشاركة
08-06-2010 | 04:23 PM
الله يعينك اختي
كلنا نعاني من هالوزن خخخخخ
اهم مابالموضوع هو الاراده والرياضه بس