Parents موديل 2010

لي عودة
موضوع عميق
مرة ثانية برجع ان شاء الله

حبيبتي السبب الأول والوحيد

هو ان الأم والأب يملون من كثر حنة ورنة العيال فوق روسهم .. فينفذون لهم طلباتهم بسرعه لو كانت خطيره بس عشان يسكتون ..!!!!

:)

انا وجهة نظري المنافسة مابين العائلات على قو لتن التفشخر وكل حاجة زائد عن حده ينقلب ضدة

اي والله هذي مشكلة منتشرة والمشكلة محد حاس انها مشكلة. صحيح التكنولوجيا تفرض نفسها وسهلت امور كثيرة بس احنا صرنا استهلاكيين حتر=ي الاطفال ماعادو يحسون بالبراءة.

اي والله حبيبتي صدقتي ان في هالزمن كل شي غيير

وعيااالنا كل وااحد في يده تلفوون وهوللحين ما دخل حتى المدرسة

ذاك اليوم رايحة الروضة بيب بنت حماتي والله وحده عندها تلفوون ليش ؟؟؟؟^o)

تقول عشان يتصلوون فيها ويطمنون عليها
يعني مايقدرون يتصلوون في الروضة ؟؟؟

المشكلة اذا انتي ما عطيتي عيااالج وجااافوا بره ان فلان عنده وفلان اصغر منة عنده الي احسن
اهني المشكلة ان لازم يبون يصيرون نفس المستوى واحسن وانتي اكيد ما ترضين ان يكونون اقل من غيرهم و الي معاهم احسن " لان هم يعتقدون ان الي عنده وانا ما عندي معناه احسن مني "
وهذا الي يصير

اني ايدش اختي في هذه النقطة واجد
اعتقد يمكن مفوشر قدام الاهل هاي سبب
السبب الثاني مافي سيطرة على الجاهل من صغره خلوه على راحته يلبون له كل شي لما يكبر مايقدرون يسطرون عليه لانه واجد صعبة عقب ماكبر يجون يبونه على كيفهم المفروض من البداية الطفل يتعلم مو لين كبر على قولتهم لين طاح الفأس بالرأس والله تستاهلي تقيم على الموضوع الرائع

عزيزتي الطفل عجينة تقدر الام تشكلها على كيفها إذا قدرت وسيطرت على هذا الطفل من الصغر يكبر الطفل على أسس ومباديء صحيحة
بالنسبة للكومبيوتر طبيعي يستخدمه الطفل لأنه منهج من الصف الأول ومن غير المعقول أن نقول للمدرسة طفلي لا يأخذ مادة الكمبيوتر لأني أربيه على أسس ومبادئ معينة لكن هنا يبدأ تدخل الأم والأب في المنزل الطفل أخذ حصته في المدرسة إن كان لديه واجب يجب عليه إنجازه في المنزل بإستخدام الحاسوب وهذا يحصل كثيراً طبعاً فمن المفروض أن يكون ذلك بحضور أحد الوالدين أي بعد الإنتهاء من الواجب ليس من الضروري إكمال باقي الوقت على الجهاز بدون سبب هنا نبدأ نقول ما هي الطريقة التي أقنع بها طفلي بأن جهاز الحاسوب للضرورة فقط ولأداء الواجبات فقط وليس للتسلية أو لقضاء الوقت ........... أيضاً تنظيم موعد النوم كما نشاهد فالمغريات كثيرة جداً على شاشة التلفزيون للصغير والكبير للسهر وبرامج كثيرة لكني ما الضرر الذي يصيبني لو نظمت موعد نوم أطفالي بحيث أن لا يتعدى الساعة 9 أقصى وقت حتى أيام الإجازة هو نفس الموعد حتى يتعود الطفل على نفس الموعد ............
الأم هي القادرة على توجيه الطفل في الصغر وتواصل بعد ذلك بالنسبة للبنات وبالنسبة للأولاد يأتي دور الأب في المواصلة ............
وأيضاً هنا يأتي دور المدرسة كركيزة أساسية في ترسيخ أسس التربية الصحيحة في تربية الطفل بعدها يأتي دور المجتمع أي الجيران والتواصل فيما بينهم

بصراحه صدقتي بكل كلمه قلتيها والمشكله ان الاولاد الحين يشوفون اصدقائهم ويبيون مثلهم ويزنون على روسنا لين نوفر لهم اللي يبونه هذي المشكله

هااي سوشيفلاور موضوعج عجيب و اذا تكلمين من اليوم الى باجر ما راح نخلص و لا نلقى الحل لأن بكل بساطة و لا تزعلون يا أمهات في فئة كبيره منهم ما يعرفون يربون يعني احنا يوم كنا صغار و لله الحمد كل سبل الترفيه كانت موجوده عندنا ابوي و امي مدللينا و دوم عندنا أحدث الألعاب بس طبعا بحدود المعقول لييييييييش؟؟ لأن أمي الله يحفظها كانت تسوي كنترول و تعلمنا من صغرنا ان فيه شي اسمة قناعه ذاتية و شي اسمه "هالشي ممنوع لأن ما تحتاجونه على الأقل مؤقتا" و طبع الكل يسمع الكلام حتى لو كان فيه شوية "تحلطم" ههههه خلاص تعودنا ان حى لو بابا يبي ياخذ لنا شي احنا مو محتاجينه نقول له لا خلاص و لما يسأل ليش نقول له لأن ببساطة احنا مقتنعين ان حاليا ما نحتاجه و ترا هالكلام مر عليه اكثر من 20 سنه تقريبا لأن التربيه مو يوم ولا يومين ,حتى لو اخواني مدرسه خاصه و كان فيه من هالفئة اللي يفوشرون وااااااايد ناس و تشوفين الياهل شبر و نص عنده موبايل مثلا يعني شنو يبي فيه حزة المدرسه الصبح؟؟؟؟ أخوي قعد يحن سنه لين كان تقريبا على وجه تخرج من المدرسة يوم طلعوله موبايل!! يعني ما كنا نتحجج الأهل قالو لا يعني لا و طبعا بدون طق و حاله لأن متعودين ان في شخصين نحاسب لهم و ندري ان هالشي لمصلحتنا,, و الصراحه اشوف وايد ناس يقولون " والله عيالنا حرام مانقدر نقول لهم لا و لازم ندللهم!" اي مو احنا ما قلنا لاتدلعونهم بالعكس الأطفال احباب الله و هم أمانة الله سبحانه بيسألنا عنهم لكن لما الدلع يكون عامل اساسي في دمار جيل كامل يسمى قلة تربية مو دلال.. نصيحه لوجه الله خلوكم شوية "ستركت" مع عيالكم لا تحرمونهم من العطف و الدلال لكن علموهم ان شي صح و شي غلط من الصغر و كلموهم و خلو عندكم شوية وقت لهم صج تعب لكن كلنا نعرف ليش الجنة تحت اقدام الأمهات طبعا هالكلام فضفضة لكن نبط جبدي من هالفئة اللي منتشرة عندنا وايد بالخصوص في الخليج!!