زواجي بعد شهرين أريد المساعده

:confused: وينكم00

هلا والله
انا بكويت مو بجدة انا مايعرف
اسف اسف وايد ؟

هلا مشكوره والله على ردك00
بس ما عندك أفكار للكوشه أو الزفه00

وينكم أعضاء المنتدى00
لو تكتبوا مواقع أكون محتاجتها في زواجي00:confused:

السلام عليكم ... يا يا اختي بالنسبه لمصممين فساتين الافراح عند المصمم فهد اسماعيل ومحل اسمه رهيد جنب سوق الجمجوم
وعندك في بوتيك ناديه قبرصى تتعامل مع مصمم لبناني كتيير شغله حلو
وعندك في سوق المساعديه اعتقد اسم المصمم شبء بدوي بس ناسيه شو اسم المحل

ان شاء الله اكون فدتك :)

يا ختى ما يميز عرسك عن باقى العرايس الا شيئ واحد
امانك بى الله والمهم ترضى الله ما ترضى العباد لنه الناس
مهما سويتى و تعبتى وصرفتى ما يعجبهم العجب
و القناعه كنز لا يفنى
انا عارفه انك ممكن تضايقن من كلمى لكن انا والله
حبيت انصحك

أول شي حبيت أبارك لج والله يهنيج في حياتج الجديده يا رب.. وبالبركه عليكم ومنه المال ومنج العيال..

وثاني شي هدي أعصابج ولا تتضايقين ان شاء الله الحل موجود ولكل مشكله حل يا الغاليه..

ثالث شي انا من الامارات مب من السعوديه والا كنت بساعدج أكثر عن جذيه وبدليج المحلات..

رابع شي ان شاء الله هالموقع بيفيدج واااااااااااااااااااااااايد وان شاء الله البنات ما بيقصرون معاج حبوبه:

smile:http://go.3roos.com/Hr5lusyZTkh

ويالله نبا انشوف ابتسامه حلوه في وجه عروستنا..

الغاليه اذا ما تبطلت الرابطه عندج هالمحلات لتصميم أزياء الزفاف في جده.. سويتهم كوبي وما اعرف اي شي عنهم:
* لامود شارع صاري..
* صالون توباز: حي الحمراء..
* دار جمجوم للاناقه: الشرفيه خلف الوزارة الخارجيه..

---------------------------

وعن الكوشه..؟!

أول شي اختاري الكوشه.. وبعدها البطاقه وبعدها الفستان..
لان بشكل الكوشه بتعرفين اللون والطريقه وبتتضح لج صورة الاشياء الباقيه وفكرة الزفه..

مثلا انتي بغيتي اتسوين كوشتج بشكل "الليل" وتحطين فيها شكل الكواكب والنجوم والمجرات وأرض التبانه وهالاشياء..

بعدها بتعرفين اتسوين بطاقه.. وتختارين شكلها تكون مثلا قمر أو نجمه كبيره أو تكون لونها بللون الكوشه بيضاء ومكتوبه بالاسود او الفضي وعليها رسومات النجوم..

وبعدها تقدرين تختارين فستان او تفصلين فستان يكون أبيض ومرصع بكرستال أو يوجد عليها رسومات القمر والنجوم وهالاشياء..

فتكون فكرة الزفه واضحه جدا..
يدخلون بنات صغار حاملين في ايدهم عصاة في مقدمتها نجمه تلمع أو قمر يلمع..

والماسكه تكون كرستال..

ان شاء الله وضحت الفكره.. :smile: