المتأخرات بالحمل بعد الطفل الاول&,,,
بنت الغلا والحلا
12-05-2010
27 رد
996 مشاهدة
ب
بنت الغلا والحلا
عروس متألقة
12-05-2010 | 12:36 PM
السلام عليكم ورحمة الله وبركاته
كيفكم بنات اقصد حريم؟
حبيت اسوي هالتجمع عشان نستفيد ونواسي بعضنا
كل وحده تكتب:
اذا عندها بنت او ولد؟
كم عمره او عمرها؟
كم سنه متأخره؟
متى حملتي بعد الزواج؟
استخدمتي موانع بعد طفلك الاول؟
وين تراجعين(اسم الدكتوره والمستشفى )؟
اي شي استخدمتيه وحسيتيه مفيد اعشاب خلطات؟
اش مشكلتك؟
مشكلتي انه عندي بنت عمرها 5 سنوات وحملت من ثاني شهر من عرسي واستخدمت حبوب ياسمين تقريبا 3 سنوات وتركته صار لي سنة ومالله كتب لي الحمل من الشهر اللي فات رحت لكذا دكتورة واخر مرة الدكتورة قالت لي البويضات صغار فعطتني العلاج اللي معظمكم تستخدمونه اللي هو كلوميد + ابرة تفجيرية ودفستون في حالة اذا في حمل يثبته واذا مافي ينزل الدورة وطبعا لازم يصير جماع بعد الأبرة والله ما كتب يصير حمل الشهر اللي فات ورجعت كررت اخذ الكلوميد وانا الحين 5 يوم من الدورة يعلني ما اشوفها الشهر الجاي .
الأشياء اللي سويتها طبعا اولا:
1) الاستغفار
2) رحت للممرخة شاطرة يعني على كلام الناس وقالت لي فيج التهاب بول الله يعزكم حاد والبويضات صغار عندج وفعلا نفس كلام الدكتورة قالت لي البويضات صغار وعطتني من عندها عسل نوعين للبويضات وللألتهاب وطبعا طعمه اللي يعيني عليه بس الواحد يستحمل..
المهم ياليت كل وحده تشاركنا تعطينا التفاصيل عشان تفيد غيرها واالي مايعجبها الموضوع ترفعه بدعوه..
ب
بنت الغلا والحلا
عروس متألقة
12-05-2010 | 03:19 PM
يلللا بنات نبغيكم تفيدونا اللي يجزيكم خير
انا بنتي عمرها 7سنوات وبعد كم شهر تدخل 8 سنوات
والى الان استنى الفرج
اجهضت 3مرات
ومن سنتين ماعاد حملت
الله يرزقنا الذريه الصالحه
ب
بنت الغلا والحلا
عروس متألقة
12-05-2010 | 09:57 PM
هلا اختي خيوط الأمل الله يرزقج هالشهر يارب بس اختي ماعرفتي اش سبب الأجهاض المتكرر؟؟
رحتي لمراخة او خذتي اعشاب حاولي ولا تيأسين والله يرزقج ويرزقني معاج يارب
اذا عندها بنت او ولد؟
ولد ربي يخليه ليا
كم عمره او عمرها؟
6 سنوات
كم سنه متأخره؟
حملت بعد 4 سنين لاني كنت مسوية منع لكن البيبي مات من سنة ولدت قيصري ومن3 شهور وقفت المانع
متى حملتي بعد الزواج؟
بعد 10 شهور
استخدمتي موانع بعد طفلك الاول؟
نعم حبوب منع الحمل 4 سنين وقفتهم وحملت في نفس الشهر لكن البيبي توفي وانا بالشهر التامن
وين تراجعين(اسم الدكتوره والمستشفى )؟
اي شي استخدمتيه وحسيتيه مفيد اعشاب خلطات؟
اش مشكلتك؟
انا لسه موقفة حبوب من 3 شهور والحمد لله كولشي سليم وبكره راحاعمل اختبار منزلي دعواتكم
وربي يرزقنا اخوان واخوات لاولادنا
والف شكر اختي على التجمع
ب
بنت الغلا والحلا
عروس متألقة
13-05-2010 | 11:28 AM
ان شالله حامل يادعاء بشرينا ننتظرج يارب الله يرزقج اخت حق ولدج الله يخليه لج
الله يرزقكم يارب بالذريه الصالحه عاجلا غير اجل
اذا عندها بنت او ولد؟
ولد
الله يخليه لي
كم عمره او عمرها؟
5 سنوات
كم سنه متأخره؟
4 -اهو موب تاخير بس كنت انا وزوجي مسوين تخطيط
متى حملتي بعد الزواج؟
وسنه الخامسه حملت
استخدمتي موانع بعد طفلك الاول؟
بس ماستخدمت الا بعد ماكمل ولدي ٤ سنوات بس كتجربه فتعبني ووايد وسبب لي صداع وتركت على طول
لحد الحين مارجعت لاني حمل وسقط في شهر الاول في رمضان ٢٥ -2009 وكنت مادري اني حامل
وين تراجعين(اسم الدكتوره والمستشفى )؟
مارجعت اي دكتوره بس هذا شهر بكون مع دكتوره فرح في تخصصي
اي شي استخدمتيه وحسيتيه مفيد اعشاب خلطات؟
ولا شي
اش مشكلتك؟
مشكلتي اني احس تاخرت من سقط اخر مره كملت 9 شهور وحد الحين مافي اي شي
وربي يرزقنا والخوات
شكر اختي على التجمع
الله يرزقكم ويرزقنا معاكم
اذا عندها بنت او ولد؟
ولد - الله يخليه ويحفظه ويحفظ عيالكم -
كم عمره او عمرها؟
3 سنوات وونصف
كم سنه متأخره؟
من تركت المانع راح اكمل سنتين يعني من كان عمر ولدي سنة ونصف
متى حملتي بعد الزواج؟
بعد سنة تماما
استخدمتي موانع بعد طفلك الاول؟
ايي مانع طبيعي لمدة سنة ونصف
وين تراجعين(اسم الدكتوره والمستشفى )؟
ما اراجع
اي شي استخدمتيه وحسيتيه مفيد اعشاب خلطات؟
لاشيء
اش مشكلتك؟
المشكلة مو متعلقة فيني في زوجي يعاني من نقص في عدد الحيوانات المنوية وبطء في الحركة وعدم طول فترة بقائها على قيد الحياة وذلك بسبب الدوالي كان بسوي عملية الدوالي لكن في الأخير تم التراجع
الله يشافيه ويرزقنا ويرزقكم في القريب العاجل
اذا عندها بنت او ولد؟
ولد
كم عمره او عمرها؟
غمره سنتين
كم سنه متأخره؟
بد ماكمل سنه بغيت احمل لكن ماصار نصيب للان.. حملت مرة واجهضت
متى حملتي بعد الزواج؟
بد3 سنوات
استخدمتي موانع بعد طفلك الاول؟
لا ..الع زل بس
وين تراجعين(اسم الدكتوره والمستشفى )؟
الدكتورة كرامه
اي شي استخدمتيه وحسيتيه مفيد اعشاب خلطات؟
وايد بس ما احس استفدت
اش مشكلتك؟
مافي تبويض
عندي بنوته وعمرها الحين 4 سنوات ونصف,,
حملت بعد الزواج ب سنه ونص وبدون علاج الحمد لله بس راجعت اكثر من دكتورة وكلهم قالو لي انتي للحين صغيره ورحمج للحين مو متهيئ للحمل ومادري شنو كان وقتها عمري 17 سنه يوم اتزوج..
المهم ,, من جبت بنتي واحنا على المانع الطبيعي ( العزل)) وصار لي 5 شهور تاركه بس للحين مالله كتب لي بحمل..
دعواااااااااااااتكم لي ولجميع المحرومين بحمل سليم معافى في اقرب وقت..
ا
ام شهووودة الحلوة
عروس مشرقة
12-06-2010 | 03:28 PM
اذا عندها بنت او ولد؟
ولد
كم عمره او عمرها؟
سنتين و10 شهوور
كم سنه متأخره؟
سنه و4 شهور
متى حملتي بعد الزواج؟
سنه 4 شهوور كنت اتعالح
استخدمتي موانع بعد طفلك الاول؟
مانع طبيعي سنه ونص
وين تراجعين(اسم الدكتوره والمستشفى )؟
مستشفى الامريكي الدكتورة بانو
اي شي استخدمتيه وحسيتيه مفيد اعشاب خلطات؟
مانفعت معاي ولا اعشاب استعملت بردقوش وميرامية ..
اش مشكلتك؟
تكيس شديد في المبايض ,, والتبويض ضعيف
من خلال تجربتي أنصح كل متأخرة بعد طفلها الاول او الثاني تطلب من زوجها يعمل فحص لان ممكن يكون المانع لديه
ا
ام شهووودة الحلوة
عروس مشرقة
13-06-2010 | 07:41 AM
زوجي عمل فحص والحمد لله سلييييييييم وهذا اللي فرحني اكثر لان بحملي الاول كان عنده مشكلة بسيطة :)
ب
بنت الغلا والحلا
عروس متألقة
13-06-2010 | 12:10 PM
انا بعد زوجي عمل فحص والحمدلله كنت احاتي اقول مافيني شدة اتعالج وهو بعد يتعالج الحمدلله الحمدلله الحمدلله
سوى ريلي تحاليل مرة ثانيه و يحتاج فيتامينات وغنده التهاب وياخذ مضاد.
اما انا فبديت بغلاج الابر المنشطه..(اسمحوني حرف الغين اقصد اخوه خربان )وكله بسبة حمودي الله يبارك فيه
هلا وغلا بأهل ديرتي
مشكورة اختي على الموضوع
بالنسبة لي عندي بنت عمرها تقريبا 4 سنوات
بعد الزواج بخمسة اشهر حملت
يوم بنتي عمرها 1 وثمانية اشهر حاولت احمل
بعد تسعة اشهر كان حمل خارج الرحم
طرحت السنة الماضية شهر 5 ومن شهر عشرة احاول احمل وللحين ربكم ما كتب
اتعالج عند دكتورة فرح في الخصصي استعمل كلوميد وابر تفجيرية
عندي ضعف في التبويض يعني البويضات اصغار راحت مراخة قالت الرحم نازل من شهرين
ايم الدورة استعمل عصير اناناس ومرقدوش وربكم يكتب الخير
ام مريم
ب
بنت الغلا والحلا
عروس متألقة
14-06-2010 | 09:33 AM
الله يكتب اللي فيه الخير ياااااااااااااااااااارب لي ولكم ..
اختي ام مريم انا سمعت انه الدكتورة فرح مب وايد زينة يعني مادية بس وكله مستعيلة صحيح هالكلام؟؟؟
من وجهة نظري لا والله بالعكس مرتاحة لها وما شوف مادية
وعلى فكرة لو تروحين بن النفيس جان تشوفين وايد اسعارهم اعلى هذا الي سمعته
تحياتي
ام مريم
ا
ام شهووودة الحلوة
عروس مشرقة
14-06-2010 | 09:01 PM
بالتوفيق خواتي جميعا :)