تجمع بنات مصر منتظرات الحمل بإذن الله الجزء ( 7 )

لا ان شاء الله ربنا يشفيه يا قمر و يبقي بالف سلامة ان شاء الله

آمين يارب يا حبيبتى
الله يسلمك
انتى في الشغل ولا اجازه؟؟

*Om Mo3az*;12119921:
ولا يهمك يا جمييييييييل
ربنا يكرمك يارب ويكمل لك حملك على خير يارب وتقومي بالسلامة

عرفتي نوع البيبي ولا لسة
انتي ف الشهر الكام

[QUOTE=محبة_الرسول;12120073]

ميساا
ازيك ربنا يخليكى يااارب
اخبااارك ايه ؟؟




[QUOTE=Nesoo;12134186]

ميسااااااا
حبيبتى عامله ايه انتى والبيبي ؟؟؟
لاء ياحبيبتى انا موجوده لسه هاروح إن شاء الله عند مامتى الخميس ايلي جاى
بس والله ايام كنت انظف فا ملحقش ادخل وايام يروح عليا نومه
معلش مكنتش مظبتا بس اليويمن ايلي فاتوو

ميساااااااا منوره ياقمر
الله يسلمك يا حبيبتى
بوسيهولى اكترررررررر :)
يارب تطمنى عليه قريب إن شاء الله يا حبيبتى

انا هاقوم يابنات علشان اجهز في الغدا إن شاء الله

بالهنا و الشفا يا قمر

ازيكو يا بناات































ابشركو


















































































































الدورة نزلت بعد تاخير 7 ايااام :(












الحمد لله على كل حاال

الله يهنيكى يابوسى تعالى كلى معانا :)

محبة_الرسول;12137721:
ازيكو يا بناات

ابشركو

الدورة نزلت بعد تاخير 7 ايااام :(

الحمد لله على كل حاال

محبتى
حرام عليكى بجد والله وقعتى قلبى واقعه يا شيخا انا لسه بقرأ ابشركو وشى فرح وقلبى والله حسيتو اتنطط يا شيخا
بكمل اتسطمدت
بجد تعبتينى والله يا شيخا :(
ربنا يكرمك يارب يا حبيبتى ويرزقك عاجلا غير آجلا يارب العاليمن
انا كمان البيوت جات النهاردا بس مضايقتش الحمد لله :D

السلام عليكم
محدش موجود ولا ايه يابنات؟؟

السلام عليكم ياحلوين ياللى كالعادة مش موجودين

وعليكم السلام يا دندن
انا هناااااااااااااااااااااا

السلام عليكم

نيسووو
هههههههههههههه
معلش مش قصدى والله اضايقكو :(

بس قولت اعمل حركة كده

يالا الحمد لله ربنا يعوضنا يااااارب :(



ميساا
ربنا يخليكى يا حبيبتى ويرزقنا الذرية الصاالحة يااارب

دينا
ازيك انتى هناااااااااااااااااا ؟؟؟

وعليكم السلام سامحبتى
ولا يهمك ياقمر
وربنا يعوضك خير يارب العالمين

صباح الخير يا بناتيت عاملين ايه كلكم نفر نفر يارب تكونو بخير .....

ماجدة
ازيك عاملة ايه ؟

محبه ازيك انتي عامله ايه ؟؟؟ وفين البنات

bosy82;12136829:
السلام عليكم ورحمة الله وبركاته
انا هحيلكم حكاية مريت بيها وفيها عبرة كبيرة اوي
هحكيلكم عن اصعب لحظات مرت بيا في حياتي اصعب
لحظة على اي ام لما تشوف ابنها بيموت قدام عينيها ومتقدرش تعمل حاجة

بس هبدأ الموضوع من اوله مش من اخره
من فترة قريبة كنت عاملة مشروع وحطينا فيه كل فلوسنا انا وزوجي
وبعت دهبي كله علشان المشروع ده
وكنا في بداية حياتنا وقاعدين في شقة ايجار جديد كمان

وحالتنا المادية على ادها

ورغم اننا تعبنا اوي في المشروع ده لكن ارادة ربنا نخسر كل فلوسنا فيه

طبعا حالتي النفسية ادمرت والفتوكات نصحوني اني احمد ربنا وخلاص وربنا هيعوض عليا

وكنت ساعتها حامل... طبعا لما الدنيا ضاقت بيا .. انا وزوجي بدأنا في الاستغفار وقلتله لازم نلزم الاستغفار ليل ونهار

من سورة نوح

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

وكنا مقصرين في صلاة الفجر وقرأت هنا في المنتدى ان اللي يقرأ خواتيم البقرة قبل ما ينام بصدق هيصحى
يصلى الفجر حتى من غير منبه
وجربنا والمفاجأة ان ده حصل فعلا
وقربنا اوي من ربنا

ورضينا بقضاء الله وقلنا خلاص هنصفي المشروع

وجه ميعاد الولادة ورحنا للدكتورة علشان اولد كان الكلام ده بعد الفجر

روحنا ونمت على سرير الولادة عادي وزوجي مسك ايدي وفضلنا نقول الاذكار بتاعة الصباح

ونقرأ قرأن سوا و.....
وبعدين الألم اشتد اوي اوي ولقيت الدكتورة بدل ما تيجي تولدني بتتكلم في الموبيل
انا اتغظت اوي
وفضلت اصوت واصرخ بكل قوتي من الالم ومن غيظي منها
و


ولقيتها بتقول في التليفون:
انت كويس يا ابراهيم انت وكل العيلة وفلان عامل ايه وفلان وفلان
حسبي الله ونعم الوكيل في الخونة وفي الحكام العرب


فهمت طبعا انها كانت بتكلم معارفها في غزة وقت القصف الاسرائيلي ( حصار غزة)

وبعد ما خلصت التليفون قالتلي وطي صوتك الرجل في فلسطين اتخض

المهم ده كله ولسه مولدتش والطلق شغال وبتوجع اوي اوي

فضلنا كلنا ندعي على اليهود منهم لله

وبعدين حسيت بألم رهيب وحسيت اني في دنيا تانية وكنت بموت وفضلت ادعي ربنا واتوسل اليه من شدة
الالم
انه ينقذني
ويساعدني وأولد واخلص من العذاب ده

وبعدين الحمد لله ربنا كرمني وولدت وفضلت احمد ربنا وبدأت اخد نفسي بعد ما كنت خلاص بموت
وفضلت مستنية اني اسمع صوت عياط ولا حاجة
مفيييييييييييييييييييييييييش
ذهلت طبعا واستغربت اوي اوي
وبعدين سمعتهم بيقولوا الولد لونه ازرق كده ليه
هو لونه اسود كده ليه!!!!!!!!!!!!!!!!!!!!!؟
قلت بيني وبين نفسي كل العيال بيتولدوا كده عادي

الدكتورة فضلت تعمل له اسعافات اوليه وتحركه وتعمل تنفس صناعي
وانا طبعا متنحة وبدأت افوق وعيني على الطفل
وزوجي مذبهل وحماتي كمان كلنا ساكتين ومحدش قادر يعمل اي رد فعل
الدكتورة بدأت تقول خلاص
خلاص

خـــــــــــــــــــــــــــلاص

سمعت صوت زوجي بيقول: انا لله وانا اليه راجعون
انا كمان روحت قايلة زيه
ولقيت حماتي بتقول : لا حول ولا قوة الا بالله
انا كنت متنحة ومش مصدقة
دي بئه كانت اصعب لحظة في حياتي
ان اشوف ابني بيموت قدام عيني

فضلت اقول الحمد لله ولا حول ولا قوة الا بالله وانا لله وانا اليه راجعون
ده كله وانا لسه نايمة على سرير الولادة وتعبانة ومش قادرة اتحرك وجسمي بدأ يترعش

الدكتورة قالت : مفيش نبض ومفيش تنفس
بس كانت عمالة تحرك في الولد ومعلاقاه من رجليه وبتخبط له على ظهره

قلت لزوجي كفاية كده وبدأ اعيط قلت له كفايه كده روح هات كفن للود وخده كفايه تهميد فيه وهو ميت
وفضلت اعيط جامد

حماتي طيبة ااوي قالتلي بتعيطي ليه؟ ده في واحده في غزة اولادها الستة ماتوا وهم رجالة في يوم واحد

انا رديت وقلت ربنا يصبرها

وكنت طبعا بعيط وحزينة بس راضية بقضاء الله لان الفترة اللي قبل الولادة على طول كنت قربت اوي من ربنا




وبعدين كان فات حوالي ربع ساعة بس الدكتورة دي طيبة اوي وعمالة تحاول واتصلت بدكتور زميلها وقالت له تعالى فورا
كان بالصجفة قريب من العيادة
قالها انا معايا مريض وهعمل له عملية الان
قالت له لا
اجل العملية وتعالى فورا يمكن نقدر ننقذ روح انسان

المهم بئج جه الدكتور وعمل استرة للولد دخل انبوب في الجهاز التنفسي وبدأ يعمل تنفس صناعي ويشفط اي مواد ممكن تكون سدت الجهاز التنفسي

واحنا زي ماحنا متنحين

قلت لهم كفاية بئه الولد مات
وفضلت ازعق بس بصوت واطي لاني اصلا مكنتش قادرة اتنفس

وسرحت وفضلت اتخيل ان زوجي واخده يدفنه من غير ما اخده في حضني ولا ابوسه

وفضلت اعيط جامد اوي واقول ابني هاته ليا انا عايزة ابني

زوجي فضل يهديني وزعقلي قالي اسكتي وسيبي الدكاترة يشوفوا شغلهم

فضلت اشاور على الولد واقول لهم هاتوه هاتوه ليا
راحت الدكتورة وقفت علشان تداريه علشان مقدرش اشوفه
علشان قلبي ميتعلقش بيه

وبعدين فضلت انادي عليه كنا مختارين له اسم محمد فضلت اقول عايزه محمد
محـــــــــــــــــــــــمد

حماتي فضلت تعيط جامد والممرضة حاولت تهديني ويطلعوني بره بس انا قولت لهم مش هخرج بره انا عايزة افضل جنبه

وبعدين بعد ده كله كان عدى 20 دقيقة او اكتر وسمعت صوت كحة

صوت امل جديد انه ممكن يعيش

وبدأ الولد يكح والدكتورة قالت خدوه جري على الحضانة

خدوه وهو عريان واحنا في عز الشتا على اقرب حضانة

هكمل معاكوا اهوه

زوجي خد الطفل وراح يوديه الحضانة مرديوش يقبلوه وقالوا له
دي حالة سيئه وهيموت ومش عايزين مسئولية علينا
رد عليهم وقال لهم انا هكتب تعهد بس حاولوا تنقذوه واعملوا اللي عليكوا
قبلوا الولد في الحضانة

وانا في الوقت ده جال انهيار شديد حماتي بتقولي تعيطي ليه قلت لها \ده فضل 20 دقيقة من غير تنفس واكتر كمان

يعني الولد مش هيكون طبيعي
لقيت حماتي فتحت بؤها

وسكتت

وراحت كلمت الدكتورة
والدكتورة اكدت كلامي بس مرديوش يقولوا ليا

انا فضلت ادعي ربنا واقول يارب انا راضية بقضائك لو عاش راضية
ولو مات راضية
ولو عاش سليم راضية والحمد لك
ولو عاش معاق بأي شكل هرضى وعيني اني ارضى والحمد والشكر لك

بس طببعا كنت منهارة جدا

روحنا البيت وانا ماشية على رجلي من غير حد ما يسندني
اللي حصل خلاني اصحصح لنفسي واداني قوة غريبة

بس كنت راجعة وانا كلي حسرة
يعني خرجت من البيت بطني كبية واد الفيل وراجعو فاضية من غير ما اكون شايلة عيل على ايدي

شعور صعب اوي اوي


بعد ما روحت البيت لزمت الاستغفار ليل ونهار
وطبعا في فترة النفاس مش هقدر اصلي
فضلت استغفر وبس
استغفــــــــــــــــــــــــــــــر وبس
وزوجي كمان
كنت بسمع صوت زوجي وهو بيدعي ربنا
ويقول اللهم اشفه شفاء لا يغادر سقما
وانا مكنتش بدعي ربنا خالص خالص
كل اللي كنت بعمله اني استغفر وبس

زوجي لما رجع من الحضانة .. غصب عنه عينه دمعت وفيه دموع نزلت من عينه
حماتي طبعا فضلت تعيط وخرجت بعيد
وانا سكت خالص لاني مكنتش متوقعة اني ممكن في يوم من اليام اشوف زوجي بيعيط حتى لو كان ابننا مات

بدأنا بئه رحلة العلاج
بدأ الولد يترعش وتجيله تشنجات عصبية وبدأوا يديله ادوية التشنجات وادوية تقلل الكهربا بتاعة المخ
وهو عمره كلة ساعتين او اقل

لما عرفت حسيت طبعا انه ممكن نقص الاكسجين والاختناق ده يأثر عليه

وكنت انا بين الحياة والموت
عايزة اعرف واطمن هيعيش ولا لا
نفسي اعرف
كنت حاسة اني في دنيا تانية خالص

الولد بدأ يتنفس بس طبعا بالأجهزة الصناعية والنبض بدأ يتحسن

بس عايش على المحاليل بس
والدكاترة قالوا هسفضل فترة تحت الملاحظة علشان نشوف الجهاز الهضمي هيشتغل ولا لا

روحت الحضانة ازوره وياريتني ما روحت

روحت لقيته خس اوي وبئه عامل زي الهيكل العظمي وعنده الصفرا والتهاب رئوي علشان التنفس الصناعي اللي اتعمل له

طبعا انهارت اكتر
بس الحمد لله ربنا الهمني الاستغفار الدائم
طبعا انتوا عارفين مصاريف الحضانات عاملة ازاي وخصوصا اننا كنا بنمر بأزمة مالية
وتبقى حاجة كبيرة اوي على النفس ان الواح يستلف علشان يعالج ابنه

شوفوا بئه كرم ربنا شوفوا ابواب الرزق هتتفتح ازاي
بفض الله وبفضل الاستغفار








في الوقت ده
كنا داخلين جمعية ولسه قابضينها
وانا ربنا بعت لي شغل ورزق من حيث لا احتسب وربنا رزقني مبلغ كبير
وجوزي جاتله حوافز من شغله

الحمدلله ربنا فرجها لاننا صرفنا في 10 ايام يجي 6000 جنيه

شوفوتوا ربنا كريم ازاي متحوجناش لحد ولا استلفنا علشان نعالج الولد

كنت بتصل بالحضانة واسألهم الولد عامل ايه يقولوا ليا هادي وكويس
وانا طبعا احزن وازعل اوي واقول نفسي يعيط زي باقي العيال
اكيد المهدئات دي اصرت عليه
وانا حزينة

في الوقت ده جوزي كان بيروح الشغل لانه شغل خاص ومفيش رحمة وممكن يفصلوه ...

حماتي راحت تتطمن عليه في الحضانة
الدكتور طلب منها ادوية غالية جدا وقالها هتلاقيها في المكان الفلاني
مكان بعيد اوي
كتر خيرها وهي ست كبيرة سافرت بنفسها مسافة طويلة علشان تجيب العلاج ورجعت بسرعة علشان تديه للدكتور

ورجع الدكتور قالها الولد محتاج بلازما وهاتيها في اسرع وقت

راحت مستشفى عام وطلبت البلازما قالوا لها لازم حد يتبرع بكيس دم
قالت طيب انا هتبرع
قالوا لا
هاتي شاب صغير انتي ست كبيرة ومينفعش
قالت طيب انا هدفع فلوس
عايزين كم؟
قالوا لا مينفعش
هاتي حد يتبرع بدم
حماتي فضلت تتحايل عليهم وتقولهم ده طفل عنده اسبوع وبين الحيا والموت وبعدين فضلت تعيط

كان في شاب ابن حلال ربنا يكرمه سمع الحوار ده
قالها يا حاجة انا هتبرع ليكي
ده طفل صغير ... انا كنت هتبرع لقريبي بس خلاص في ناس غيري اتبرعوا ليه

وفعلا الشاب الشهم ده اتبرع لابني بكيس الدم من غير ما نعرفه ولا يعرفنا

ولغاية دلوقتي بدعيله ان ربنا يفك كربته في الدنيا والاخرة ويوقف له ولاد الحلال

المهم بئه الولد بدأ يعيط ويفوق بعد اسبوعين
بعد ما خد البلازما وادولوا كالسيوم والفا هيموجلوبين

ورجع البيت بعد 10 ايام

كنت في قمة السعادة والراحة النفسية كفايه انه بئه في حضني

بس حصلت حاجة غريبة اوي

وبعدين يا حبايبي
روحنا جبنا الولد الصبح من الحضانة
وكنت فرحانة اوي
بس الولد فضل نايم وم بيتحرك من الظهر لغاية بليل
انا اترعبت ده حتى مش بيرضع ولا بيعيط
انا خوفت اوي من المجهول ومبئتش عارفة اعمل ايه

طبعا اخوات زوجي جم يهننونا وكده واختي وانا مكنتش ليا نفس اكلم حد ولا ابص في وش حد

وخصوصا لما حد يعلق ويقولي هو نام كتير كده ليه
لاني اصلا مش عارفة
والناس مشيت من عندي ودخلت انام الساعة 11 بليل
والبيه الصغير صحي وفضل يعيط
ههههههههههههههههههههههه
انا بئه فرحت جدا وكنت عايزة اقوم ارقص
الحمد لله اخيرا عيط
ههههههههههههههههه

وكل ما يعيط انا افرح بالظبط كأني بسمع موسيقى وكأن عياطه نغم

والله العظيم بتكلم جد

وطبعا مكنش بيعمل حمام خالص لانه اصلا مرضعش طول الفترة دي

لما بدأ يعمل حمام يتبول ويتبرز (معلش انا مش قصدي اقرفكم بس علشان تكونوا معايا في كل لحظة)

فرحت جدا ان بفضل الله جهازه الهضمي بيشتغل

الحمد لله رب العالمين

وكنت برضعه كده ولقيت حد رزع حاجة بصوت عالي اوي

لقيته اتخض وفضل يعيط

حمدت ربنا كتير انه بيسمع (شوفتوا في نعم كتير عندنا واحنا مش عارفين قيمتها ازاي)

وبعدين في مرة حد كان بيلعب في النور ولقيته بيببربش بعنيه
حمدت ربنا كتير وقلت الحمد لله ان عنيه بتستجيب للضوء
اللهم لك الحمد والشكر يارب العالمين

الحمد لله ربنا كرمنا ومحمد دلوقتي عنده سنة وخمس شهور
وبيمش بفضل الله سبحانه وتعالى وبدأ يقول ماما وبابا
وما شاء الله زكي يعني لما اسأله اقولة الفرخة بتقول ايه: بقول كاك كاك

ههههههههههههههههههههه
الحمد لله الف حمد وشكر ليك يارب
وزوجي اتنقل من شغله الرخم لشغل احسن منه ومرتب اكتر ووقت عمل اقل وبرستيج اكبر بفضل الله العظيم

والحمد لله ربنا كرمنا واشترينا شقة تمليك بعد ما كنا في ايجار في منطقة وحشة

والله ابواب الرزق اتفتحت لنا من كل جانب وربنا كرمنا وشفا لنا ابننا

القصة دى رائعة وانا حسيت بصاحبتها
لانى جنى اول ما اتولدت كان عندها الصفرا وفيه دكتورة ربنا يسامحها كتبتلنا دوا ادتهولها لقيت البنت فاتحة نص عين كدة واحرك فيها متتجاوبش بسرعة ومبتعيطش (مع العلم انها كانت قرفانى بعياطها وصريخها على طول) وكانت بتضحك كدة نص ضحكة انا قولت خلاااااااااص بتضحك للملايكة وحتروح منى
وكان نفسى تعيط اوى والله انا كنت بعيط ووبقول يلا جنى عيطى بقى كدة وفوقى
يلا الحمد لله انها عدت
الواحد فعلا فى نعم وربنا بيسترها معانا

الحمد لله يا ماجدة كويسة :)

البنات زى ما انتى شايفة اختفووا

ما فيش حد بقى يدخل زى الاول :(

انتى اخبارك ايه
وعاملة ايه فى الشغل ؟؟؟

السلام عليكم ازيكم يا بنات وحشتونى
انا عملت تحليل دم و طلع مفيش حمل الحمد لله رب العالمين
ربنا يرزقنى و إياكم ياااااااااااااااارب