::: :هل استفدتي من الشاي الاخضر؟ :::

انا من ولدت وانا بديت اشرب شاي اخضر بس بدون اضافات بس نعناع
اشلون اضيف له زنجبيل يعني الي يكون طازج اقطعه على الشاي ولا كيف الطريقة

بحرينية ودمي عماني;12076217:

اي الشاي الاخضر حلو للرجيم وينزل عن تجربة

ولكن يكون رهييييييب مع الرياضة لانه يساعد على حرق
الدهون وتنشيط الدورة الدموية و عملية الأيض
انا طريقتي اشربه خالي بدون اضافات بس اشرب مرة العادي ومرة مع النعناع
عادي يعني اي وقت اشربه بس مو على الريق لأنه يسبب لي خفقان ساعات ودوخه
لان انا عندي نقص في الهيموجلوبين
بس هو عموما ينصحون فبه بعد الأكل
وانا اشربه مرتين باليوم مره بعد الغدا ومرة يوم بمشي اسوي رياضة وما اشربه بالليل
لأنه يسهرني

اي ونسيت اقولج نزلت مع الشاي الاخضر
والرياضة مشي ساعة على الاقل
يوميا او يوم وترك
وتخفيف الاكل
واعتماد الزبادي بديل لأي وجبه
حوالي
قولوا
ماشاء الله
25 كيلو
خلال 3-4 شهور

ووقفت فترة طويلة
تقريبا شهرين او ثلاثة
ولا رجع وزني ماغير يزيد
كيلو او كيلوين
في يومين اشيلهم

كان وزني 103
والحين
87
وطولي 185
وابي اصير
على الاقل
70
وبعدين 65

انا الحين مبتدية بالدايت
واكيد فيه الشاي الأخضر
واذا وصلت للوزن اللي ابيه
راح اكتب لكم تجربتي بالتفصيل

وبالنسبة للكرش
مايروح الا بالرياضة
وشدي حيلج
هههه
هذا انا سهرانه
وقعدت اشد البطن
:thumbs_up:

تحياتي

ماشاء الله اختي بحرينيه
عجبتني عزيمتك انا اكيد بسوي رياضه لان بدون الرياضه الجسم مايشد
بس حبيت اتاكد اذا الشاي الاخضر ممكن يساعد في زياده حرق الدهون
عساك عالقوه استمري:thumbs_up:

يتوم;12077654:
انا ما ابي اضعف بس ابي الكرشة مالت الولاده تروح يعني مثلج يا مراوي بس ان شاء الله نستفيد منكم :)

يعني انا وانتي في الهوا سوا .. انا الحين اشرب الشاي الاخضر من مره لمرتين في اليوم بدون سكر و قاطعه السكر تقريبا من اكلي ( شوي شوي بديت اتعود ) و انتبه حق اكل الدهون و الدسم الحين عشان اول من اطلع من الاربعين ابتدي المشي بالاضافه الى علاج الليزر ان شاء الله :)

Lolo wo bas;12078373:
انا من ولدت وانا بديت اشرب شاي اخضر بس بدون اضافات بس نعناع
اشلون اضيف له زنجبيل يعني الي يكون طازج اقطعه على الشاي ولا كيف الطريقة

ماعرف حق طريقته بالزنجبيل انا اخاف احط له زنجبيل و يأثر على رضاعه ولدي لان بولدي الاول حطيت زنجبيل في الحليب خلال 3 ايام بدا ولدي يظهر له طفح و احمرار بجسمه كله
انا اشرب اللي بالليمون

أنا أشربه من مرة إلى مرتين في اليوم ..أحيان أشربة مع الزنجبيل أو مع النعناع أومع شوية يانسون يعني أنوع وأحيان أشربه سادة

الاقمار6;12081923:

السلام عليكم

بالنسبة لي صار لي اكثر من سنة مداومه عليه
طبعا استفدت من الشاي الاخصر كثير.
الهضم عندي صار احسن من قبل .
يخفف الكرش بس مع الرياضه وراح تشوفي نتيجه سريعه . انا كان عندي كرش وبعد مداومتي على شربه مع الرياضه الكرشه راحت الحمدلله ورجع خصري مثل اول.
خلى بشرتي نظره وفيها لمعه. لان من مميزات الشاي الاخضر ان مضاد لتاكسد ويخلص الجسم من السموم.
حاليا استخدم شاي اخضر بالياسمين جايبه لي زوج اختي من الصين بصراحه روعه وطعمه حلو.
طريقة استخدامي:
اسخن ماي لحد ما يغلي
اجيب غوري زجاج واخلي فيه الماي مع ورق الشاي الاخضر واضيف شويه ماي ورد واوقات احط زنجبيل مطحون ملعقه صغيره واحط قطعه (سكر نبات) واسكر الغوري بلمغطاه واخليه شوي لحد ما يتغير لون الماي اخليه شوي لحد ما يصير دافي. بعدين اصب لي واشرب كوبين اوقات اشربه الصبح اوقات العصر اوقات بليل. على حسب يعني.

بس لازم تشربي الشاي الاخصر واهو دافي او بارد لا تشربيه واهو حار لانه ماراح ينفع جسمك .

مشكوره اختي على نقل تجربتك

وان شاء الله نشوف نتيجه حلوه بسرعه :)

مشكورين حلوين ,. حسيت بخفة لمااشربه بس مو مداومة عليه,.