بعد ثلاث شهور اخيرا قصة ولادتي بأحلى سوسو

انا بكرية وكان موعد ولادتي 20/2/2010 بس من اول الحمل وانا حاسه اني راح اولد بعد هادا الموعد وفي يوم 10/2/2010 رحت على الدوام عادي وكنت نشيطة على غير عادتي بالحمل :| وحاولت اخلص الشغل الي عندى وبعد هيك روحت على البيت انا وزوجي واكلنا وحاولت انام بس ما قدرت لاني حسيت بثقل في بطني وجع في ظهري .
المهم ظليت هيك للمسا وحكيت لابو الشباب اني بدي اروح عند اهلي لاني مليت من البيت وحكيتلو بكرة خدلي اجازة من الشغل لاني تعبانة وعلى فكرة هو بداوم معي بنفس الشركة , وبس وصلنا عند اهلي سهرنا عندهم بس ساعة وروحت على البيت انا وزوجي واحنا بنسهر مع بعض حكيتلو انا حاسه حالي راح اولد اليوم بالرغم انو ما كان في وجع , ولما روحت انام حسيت انو ماي بتنزل مني وبشكل كبير وانا مش مصدقة الي بيصير :hysterical: بس ظليت ساكته وما حكيت لزوجي وكانت الساعة عشرة وروحت كملت نوم ( عن جد برود) بس والله يا بنات كنت خايفة احكي لزوجي ونروح المستشفى لاني كنت خافة من الولادة , المهم الساعة 2 الصبح بلشت المي تزيد اكتر واكتر وبلش زوجي يحس اني مو طبيعية لاني روحت كتير على الحمام وسألني شو فيه حكيتلو المي عم تنزل مني , وعلى طول حكى مع الدكتور وعلى المستشفى وكل هاد وما فيه وجع عادي , وصلنا المستشفى الساعة 3 وزوجي كتير مبسوط وفرحان ولما فحصتني الدكتورة حكت ما فية طلق والتوسع 2 سم بس المي انفكت ولازم ولادة خلال 24 ساعة وانا لما سمعت هيك انصدمت :!!: وحكيت لدكتورة ممكن اروح علي البيت وارجع الصبح حكت طبعا لأ :thumbs_down:, وطلعت على زوجي وحكيتلو خلص ولادة.
بعد هيك عمل حبيبي اجراءات الدخول وطلعت على غرفتي , وكنت متفقة مع زوجي اني ما احي لاي حدا عن ولادتي الا لما اولد , وعلى الساعة 6 الصبح بلشو معي بالطلق الصناعي وظليت مسيطرة على الوضع ومتحملة الوجع حوالي نص ساعة بعد هيك بلشت المعاناة وزوجي يهدي فيه وانا كل المستشفى اجمعت عندي وانا اصرخ :'( والممرضات حوالي كلهم يهدو فيه وزوجي يصلي ويدعيلي ولساعة 10 وما فيه توسع عير 3سم وحسيت باحباط لانو الوقت ما عم يمشي :clock: وانا بموت من الوجع وعلى الساعة 11 صار التوسع 6سم وعلى وعل الساعو 12 صار التوسع 8.5 سم وبعد هيك نزلوني على غرفة الولادة وحطوني على سرير شكلو كتير غريب علي وكل هاد والوجع عم بيزيد والدكتورة تحكيلي يلا بوش بوش وانا كنت بس بدي اخلص وساعدتهم كتير بالرغم من اني بكرية وبعد هيك اجى دكتوري وكمل هو وطلعت بنوتي على الدنيا الساعة 12.53 وبعد هيك نمت وما حسيت حالي الا وانا نايمة بغرفتي وكان زوجي مخبر الكل وبعت مسج لاهلي واهلو وكان المسج :
الهم في المهد زهرة ندية
فانبتها نباتا حسنانا واجعلها ربي رضية
وكانت مفاجأة للكل لانو كان لسى علو موعد ولادتي
وشرفت بنوتي 11/2/2010 يارب تحفظلي بنتي وابوها ويصيرلها اخ عن قريب