زوجي

السلام عليكم ورحمة الله وبركاته

شو أخباركم عرايس.. حبيت أقولكم مشكلتي وكيف احلها.. أنا صارلي متزوجة من ثلاث سنوات وبصراحة زوجي ما عليه كلام.. ما تتخيلون يوم هو هادى كيف يعاملني ولا كأني أميرة بس شوفو يوم يعصب ما يشوف الي جدامة واعود بالله منه يسب ويبى يمد يده ويضرب ويصرخ

البارحة صارت معاي مشكلة عودة معاه،، الله يسلمكم أنا صارلي خمسة شهور من ربيت.. وربيت قبل الموعد وطبعا بنتي كان عندها مشاكل فتمت في المستشفى ثلاثة شهور وطبعا انا معاها يعني اتخيلو اني ما طلعت من المستشفى طول هذي الفترة.. ويوم رجعنا البيت طبعا انا كنت طايرة من الفرحة بس هو كل موسوس وخدى على نفسة أن هو يجابل ولدي الكبير وانا الصغيرة.. المهم طبعا ولدي متعلق فيه بشكل ما تتخيلون وين ما راح يروح معاه.. وصارلنا تقريبا أسبوعين على هذا الحال..

بنتي صاحت بروح اشوفها وبكملكم القصة...

مرحبا...

المهم البارحة زوجي تم يعاند ولدي وأن يبى يعلمه أن ما يلحقة واي شي يبا يروح عند الخدامة... وولدي يبى يشله بس زوجي عانده وقاله لا خل الخدامة تشيلك.. ولدي يعاند لا أنت وتمينه على هذا العناد وأنا شايله بنتي المهم في الاخير طبعا ولدي استسلم وخل الخدامة تشيلة.. وفي السيارة ما طاع يلس عدل في السيارة وتم ريلي يقوله انت يلس عدل.. لين ما يلس عدل.. المهم نزلنا بيت اهل ريلي وهناك بعد ما طاع يشيله وقال خل الخدامة تشيلك.. المهم الولد ظرب راسه الطوفه.. المهم سرت اشوفه وأنا شايله بنتي.. قالي ما تسرين خلي قالته ان ظرب راسه الطوفة قالي ما يخصج فيه منو قاله ما يطالع جدامة.. المهم هذي الرمسة قهرتي سرت اشوفة وقلت حق ريلي اذا انت مو تعبان علية انا تعبانه عليه.. المهم هذي الرمسة قهرته وما تم سب ولا رمسه ما قالي عنه ولو موب شاله بنتي كنت رحت فيها... وبغا يضربني.. وقالي رد البيت وابا اشوف الغداء جاهزة وتم يسب ويسب لين ما قال بس.. بصراحة وايد تعبت من هذي السالفة يعني انا شو قلت عسب اسمع هذي الرمسة كلها.. وموب عارفة شو أسوي.. ويها.. أنصحوني يابنات.. شو أسوي..