رابطة امهات مصر

طيب خير يا ايمان

خلينا للاربع اللى بعده
انا حتى كنت لسه بفكر واقول انى ناويه باذن الله ابتدى اعلم عمر الحمام على يوم الاتنين
فكان هيبقى صعب
عالعموم شوفي كده فعلا لو الاربع اللى بعده ان شاء الله يمون احسن وعمر اتعلم الحمام

ازيك يا هوبي؟ وازى محمد؟

ايمان
انتى بقالك فترة مرحتيش لمامتك ولا ايه؟
حاسه ان معاذ نفسه يروح هناك

ازيك يا هبه وازي حمادة

خلاص ان شاء الله يا شهيدة الاربع اللي بعده طالما مناسب ليكي


اه يا شهيدة من ساعة ما بدات اعلمه الحمام وانا مش ببات هناك بروح يوم الجمعة بس وارجع ف نفس اليوم
بس هروح بكرة واقعد للسبت ان شاء الله

معلش يا ايمان كلنا زهقانين والله مفيش حد مرتاح يا بنتى

احنا نفسنا زهقانين مابالك العيال يا حبابيبى عاوزين يشوفو ناس ويغيرو جو

خلاص خير بس مقلتيش بالنسبه للاماكن
عارفه انا كنت بقول ممكن لو اليوم ده بعد ما نتقابل نكون رايحيين لماما وجوزى يعدى ياخدنا ونوصلك

طب ما تقابلييني يا سالي انهرده تحت ف قناة السويس
ايه رايك
خلي جوزك يوصلك ونقع شوية والولاد يلعبو ف الجناين اللي في الشارع واسعة وحلوة وقريبة من البيت عندي لاني مش عاوزة اروح بعيد بصراحة

ها ايه رايك بجد

طب يا ايمان مينفعش جوزك ييجى بدرى شوية ويفسحكو لو حتى تلفو كده بالعربية؟؟

شوفى مع ان جوزى حاليا فاضى فترة الليل بس بيقع\ يقولى عاوز انام بدرى ومش بيرضى اننا نخرج برده

هقوله كده نروح عوض الله نمرجح محمود شوية ونرجع اهو يبقى تغير جو برده

بس يارب يواااااافق

هاقوم بقه علشان جه وهنتغدى بس انا ماليش نفس خالص

مش هاقدر اكل

انا كمان والله زهقانه واكتر حاجه مزهقاني الحر وكمان ورايا توضيب كتير ومليش نفس خالص

ازيك يا سالي ؟ وازى حمودى النهارده؟

امبارح كان الدكتور ياسر نصر عالهوا وفي واحده بتقله ان بيتها اكتسبت حاجات مش كويسه وعند وكده
فقلها الحل انك تبتدى معاها من الاول واعملى في حسابك انك علشان تغيري اى سلوك في الطفل
السلوك الواحد بياخدله شهرين علشان يتصلح
مش عارفه ليه لما قال كده افتكرت حمودى

والله يا شهيدة انا مش قلت له اني هقابلكو لسة انا لما لقيته مش مرحب اوي بالموضوع وبعدين قال لي سيبيها لوقتها فمش اتفقت معاه على الموضوع ده
بس هو مش هيمانع اننا نتقابل لو وافق على فكرة السفر يبقى هنتقابل ان شاء الله
وربنا يكرمك يارب بس لو جوزي مش هييجي يرجعني عند خالتي ممكن اي حد ييجي ياخدني من ولاد خالتي
الموضوع سهل ان شاء الله المهم اننا نتقابل بس والمرواح سهل ان شاء الله

مش عارفة يا ايمان هيرضى ولا لا ؟؟

هو مش بيحب المناظر دى خالص

بيقولى شكلهم مش ظريف وهما قاعدين فى الشارع كده لا وتلاقى منتقبات ورافعين النقاب هههههههههههه

عموما هاقله وهارد عليكى انا نفسى اشوفك اوى والله انتى وزيزو

محمود ماريف خااااااااالص ونازل زن زن زن زن زن زن

فعلا الزهق بقا عالكل
الواحد نفسه يسافر يغير جو

من ضمن الافكار اللى جاتلى امبارح اننا نسافر ونعدى عالمنصورة مثلا واقابلكم
هههههههههه

كنت بحلم

شهيدة دكتور ياسر بييجي على قناة ايييييييييييييييه والساعة كام وايام ايه ؟


والله يا سالي جوزي كل حاجة يقعد يقول لي انا شغلي اصلا بيبدا بالليل لانه بيعمل حسابات المحل في اخر اليوم وماينفعش يمشي بدري لان هو اللي ماسك الحسابات ومحدش بيعرف يشتغل على برناج الحسابات غيره فهو اللي بيعملها وكمان انهرده الخميس وامبارح كان مسافر يعني عنده حسابات يومين
وحتى لو مش يوم خميس بيقعد يقول لي مش هينفع وروحي مع حد من اخواتك بس علياء مش فاضية رايحة فرح واحدة صاحبتها
بس انا هنزل لواحدي لاني فعلا زهقانة

ههههههههههههههههههه يلا يا شهيدة والله فكرة حلوة


سالي انا كمان اصلا مش بحب القاعدة دي وبحس انها باقت بيئة شوية عن الاول بس انا مش قدامي غيرها
بس على فكرة اليومين دول مش بيبقى فيها حد لان لسة فيه دراسة والناس مش بتخرج كتير زي الاجازة

امبارح كنت بقلب في التلفزيون بالصدفه لقيته مباشر على قناة الناس وكان شكلها اول حلقه
برنامج ساعة التربيه
تقريبا الساعه كانت 9 او 10 بالليل مش فاكرة بصراحه الوقت بالضبط

ههههههه
مهو المشكله ان مينفعش اسافر خصوصا الطريق الزراعى صعب اوى وكله حفر ومطبات

طب كويس انه رجع تاني اصله كان تعبان وبقى له مدة مش بيجي حتى ف الموقع بتاعه كاتبين انه بييجي على قناة الحافظ يوم الحد بس مش بييجي خالص

اه صح السفر والحمل يا شهيدة غلط
انتو مش هتسافرو تصيفو السنة دي بقى ولا ايه ولا هتستني شوية لما الحمل يستقر شوية

شاهدوا الدكتور ياسر علي قناة الناس كل يوم اربعاء الساعة 9:15 مساء بتوقيت القاهرة و لمدة ساعة في برنامج ساعة التربية و قناة الحافظ كل يوم احد الساعة 10:00 مساء بتوقيت القاهرة و لمدة ساعة في برنامج التربية الربانية