رابطة امهات مصر

صباح الخير

ازيك يا اسارير

انا عن نفسي اديت لابني كل التطعيمات الاضافيه
والروتا الدكتوره قالتلي مهم

هدى مشيت تاني

ام ميزو المشكلة ان كل الدكاترة بالاجماااااااااااااااااااااااااااع بيقولوا مهم طبعا عشان الفلوس وزي مايكون بيتفقوا مع بعض عشان ينفعوا بعض وسمعنا كمان انها ضااااااااارة جدا وان في عيال جتلهم نزلات معوية بدل من الوقاية,,,
الروتا اللي هو ضد النزلات المعوية خدوها من هنا وجالهم نزلات معوية من هنا

والله الواحد محتار ماعارف يعمل ايه

السلام عليكم حد هنا ؟

صباح الخييييييير

ام معاذ عيزاكى
عروسه نعومه حبى معلش والله الشبكه امبارح كنت اييييييييييع

السلام عليكم
صباح الخييييييييييييييير

عايزة اسأل على قص ضوافر البيبي أنا خايفة أوي و الواد بدأ يخربش نفسه جامد

ازيك يا بوسي ايه اخبارك وياسين عامل انهرده المغص راح ؟

انا موجودة اهوا
اامري يا عسل

بسبستي و لا يهمك يا قمر ازي ياسو .. يلا جاوبي على السؤال اللي فوق و آه كمان حد شرب البيبي مايه و هوا عنده أسبوعين و نشربه امتى و قد ايه ضروري

عرووسه يا حبى بصى انا كنت بقص ضوافره من بعيد لبعيد

يعنى مش بوصل للجلد كدا

وهو كل ما هيكبر ضوافره لونها هيبان اكتر متخافيش

ايمى حبى

بقولك انا كنت عايزاكى تقوليلى طريقه الفراخ اللى بتتشوح وبعدين تتقلب شوربه دى

عروسة نعومة;12045797:
بسبستي و لا يهمك يا قمر ازي ياسو .. يلا جاوبي على السؤال اللي فوق و آه كمان حد شرب البيبي مايه و هوا عنده أسبوعين و نشربه امتى و قد ايه ضروري

تسلميلى يا حبى

بصى اغلى المايه كويس اوى وسيبيها تبرد وبعدين اديله منها 5 معالق على مدار اليوم
لان الدنيا حرررررررررررر

انا بشرب يويو مايه عادى :thumbs_up:

عروسة نعومة;12045782:
عايزة اسأل على قص ضوافر البيبي أنا خايفة أوي و الواد بدأ يخربش نفسه جامد

حمدالله على سلامتك يا قمر ماشاء الله
انتي جبتي ايه ؟

بالنسبة لقص الضوافر طبعا لازم تقصيهاله لانه هيخربش نفسه وحرام يا حبيبي جلده مش يستحمل
بصي قصيها بالمقص بتاع الاطفال بلاش القصافة لانها بتاكل حتة كبيرة من الضوفر وقصيهاله وهو نايم عشان مايقعدش يتحرك وتعرفي تتحكمي كويس

ازيك يا أم معاذ انتي كمان مطلوبة فورا للرد على الأسئلة قبل ما ميزو يصحى

السلام عليكم ازيكم يا بنات؟؟؟

بقلكم انتوا بتعملوا اية فى موضوع النوم بالنسبة لاجوازكوا بتروحوا اوضة تانية ولا اية ؟؟؟ البنت صريخها فظيع و باباها مش بيعرف ينام و اُثر عليه فى شغله و حصل مشاكل ادعوله ربنا يعديها على خير

انا عايزه انضف اوضة النوم ضرورى اوى عشان رشتها امبارج ومش هينفع ننام فيها كدا

وكمان عايزه انضف المطبخ وارشه هو كمان

لان الصيف جيه والنمل بيجننى وخصوصا اللى كانوا مأجرين الشقه كانوا معفنين مفيش حته مفيهاش بيت نمل لما جننونى

sweet_toota;12045819:
السلام عليكم ازيكم يا بنات؟؟؟

بقلكم انتوا بتعملوا اية فى موضوع النوم بالنسبة لاجوازكوا بتروحوا اوضة تانية ولا اية ؟؟؟ البنت صريخها فظيع و باباها مش بيعرف ينام و اُثر عليه فى شغله و حصل مشاكل ادعوله ربنا يعديها على خير

صباح الفل

اه طبعا انا ويويو فى اوضه وهو فى اوضه لانه فعلا مش هيعرف ينام وهيتعب اوى فى شغله

هو بينام فى اوضة الاطفال وانا ويوويو فى اوضة النوم :|

أنا ربنا رزقني حمزة الحمد لله

بوسي
انا بقطع الفرخة 4 وبعد كده بقطع بصلاية كبيرة حلقات واحطها ف ارضية الحلة واحد حتة زبدة او سمنة او زيت براحتك يعني وماتقلبيش البصل سيبييه مفرود ف الحلة وبعد كده رصي الفراخ فوق البصل وغطيها وسيبيها لحد ما تنشف خااااااااااااااااالص والبصلة لونها يغير من الجناب كده وشم تقلبيها عشان الفراخ ممكن تكون لزقت ف الحلة وتتهري منك انتي لما تبصي عليها من جنب الحلة كده هتلاقي البصلة لونها بقى بني
قومي مزوداها ميه وحطي الملح بتاعك وسيبيها لحد ما تستوي بقى وبعد كده شيلي الفراخ من الحلة هتكون عندك الشوربة قليلة وتقيلة زوديها ميه بعد ما تسيلي الفراخ وسيبيها تغلي وبس كده
وبعد كده بحط الفراخ ف صينية وادهن وشها صلصة طماطم وادخلها الفرن تاخد وش
بس

بت يا توتا ازيك يا مجرمة وحشتيني مبروك مريم عاملة ايه معاها و ايه أخباركو ولدتي فين و امتى .... لسه لسه الكلام كتير مش هارحمك بجد وحشتيني

ماشاء الله عروسة حمد الله عالسلامة



توتا يا قمر لازم ف الاول كده جوزك ف اوضة وانتي والبيبي ف اوضة وبعد كده سنة ولا حاجة تعودي البيبي ينام لواحده بقى ف اوضته ان شاء الله

النمل ده مقرف جدا يا بوسي انا بكرهه اوىىىىىى
بس مش عندي غير ف المطبخ بس الحمدلله
هو ايه اللي وصله اوضة النوم ده خلي بالك على يويو احسن نملة تروح تقرصه ولا حاجة اصله معسل الواد ده هههههههههههه