التجمع الأول لحوامل شهر يناير (1) 2011

طفلة خانها التعبير;12323126:
رحت اليوم الصبح عالمستوصف وصايمة 12 ساعة وحالتي حالة وطلعت من عندهم وانا كارهة نفسي آآآآآآآه بس طلعت فيني علل الله يهونها
دعواتكم اخواتي

تذكر يوم;12323148:

الحمدلله على كل حال اختي

والكل يحاتي يعني

بس انتي خلي ايمانج قوي وربي ماراح يخيبج ان شاء الله

أسيرة البدر;12323156:
ليش ماتطلع ردودي عيزت وانا اتكلم !!!

منوى;12323186:
مشكورة خيو بيبي فيس تسلمين على التوقيع

*بيبي فيس*;12323069:

لالا خذي راحتج وسألي

جوفي أول حمل كان أول شهرين من زواجي

كنت جاهلة وماعندي أي خبرة في هالأمور

كل اللي أتذكره إني ماكملت شهرين ونزل البيبي

كان الدم ينزل على دفعات من أول الحمل لين صادني نزيف ونزل البيبي

أما ثاني حمل فقدته كان شهر 12 اللي راح وكنت جريب بادخل شهري الخامس

يعني البيبي متشكل وحي ومافيه شي غير إن الماي كله نزل على 3 دفعات

بإختصار ترقدت وتبهدلت على أمل إن الماي يرجع يتكون بس الله ما أراد

وبدت ترتفع عندي كريات الدم البيضة وإضطرت الدكتورة تحط لي طلق صناعي وولدته

وطبعاً الله خذ أمانته على أساس إنه مايعيش بمشاكل في الرئة بسبب نقص الماي

ثم إن كريات الدم اللي إرتفعت عندي كانت ممكن تسبب لي إلتهاب في الرحم

بالنسبة للمستشفيات الحكومية أنا كرهتها وحطيت عليها إكس من اللي جفته

لا عناية ولا إهتمام كأني في سوق الغنم ويمكن بسبب الضغط اللي عليهم

كلش كلش كلش مارتحت وتحسفت إني مارحت خاص وغربلت روحي معاهم

لكن الحق ينقال العسكري عيوبه أقل بوااااااااااااايد من السلمانية اللي ضحاياه كل يوم يزيدون

دنيا القوي2;12323258:
بنات بروح اتغدى او برجع لكم
مو تشردون

أسيرة البدر;12323285:
الظاهر بروح الطوارئ اليوم،، مااقدر استحمل ، التفكير ذبحني

طفلة خانها التعبير;12323319:
احس اني تعبانة للحين
تخيلي يا بيبي فيس من الصوم تعبت مرة ودخت حييييييييييل المهم انخفض عندي الضغط وطحت عليهم من الدوخة
وسويت التحليل وطلع عندي سكر حمل وفقر دم بعد
عطتني حبوب حديد وقالوا لي اكلي شي مالح عشان يرتفع ضغطك
وعطتني حمية عن السكر وقالت بعدي عن الرز والمكرونة والخبز الابيض والفواكه اللي فيها سكر طبعا غير الحلويات
مع اني تاركة الحلويات بس ما ادري من وين جاني السكر
وللحين الدوخة مأثرة علي بس منسدحة الوقفة تهد حيلي
واخذت موعد للالترا ساوند بس ما رحت اسوي الموعد ما قدرت ما صدقت رحت على بيتي وطحت عالسرير
دعواتكم ان يروح السكر وفقر الدم وانخفاض الضغط مني هدوا حيلي بالمرة الله يفرجها

دنيا القوي2;12323250:
بيبي فيس ان شاء الله ما فيه اله الخير ولا تحاتين اهم شي تابعين موآعيدش كل شهر او ما تجهدين نفس ولا في اي شي
ان شاء الله الله يعوضش بكل خير
قولي آمين

دنيا القوي2;12323258:
بنات بروح اتغدى او برجع لكم
مو تشردون

عروس متفرغة;12323334:
بنات انا بروح اريح بريك وبرجع لكم باك

أسيرة البدر;12323285:
الظاهر بروح الطوارئ اليوم،، مااقدر استحمل ، التفكير ذبحني