السلام عليكم ورحمة الله وبركاته

السلام عليكم اختي ام عبد اللطيف
انا اسفه لو طولت في الحديث بس عشان اوصل للتفسير الصحيح
اولا انا انسه واسمي امنيه واعتبر ملتزمه الي حد ما بصلي كل الفروض والحمد لله وبصلي قيام الليل بس بدات اصلي من حوالي اربع شهور بس يعني كنت الاول بصلي وبنقطع عن الصلاه ومن حوالي 3 اسابيع كنت في العمره ولسه جايه وانا طالبه جامعيه وكان في موضوع خطوبه بس فشل وانا في ازمه نفسيه بسبب الموضوع ده لاني للاسف كنت بحب الشخص اللي كان حيخطبني ده بس محصلش نصيب وانا كل يوم بصلي وادعي ان المشاكل تتحل ومن كام يوم كده بعد ما جيت من العمره بيومين كنت بتفرج علي قناة السعوديه للقران الكريم اللي بتعرض الكعبه ولما نمت حلمت اني بطوف بس داخل الكعبه يعني جواها مش زي ما الناس بتطوف حواليها وبعدين وانا جواها نمت فيها وكنت متغطيه بكسوة الكعبه وخلصت الرؤيه وامبارح كنت مهمومه اوي وكنت ببكي ولما نمت حلمت اني بصلي قدام الكعبه بظبط وبعدها كنت ملتصقه بالكعبه وبعيط ولما كنت ملتصقه بالكعبه نزلت عليا كسوة الكعبه انا وامي يعني انا وامي كنا بين الكعبه والكسوة ولما امي حست اني ببكي وبرتعش جامد سحبتني من تحت كسوة الكعبه ورحنا قبلنا الحجر الاسود وكان فاضي مع العلم اني وانا في العمرة مقبلتوش عشان الزحام ولما رحت اقبل الحجر الاسود لقيت ان في ناس كاتبين ادعيه في ورق وواضعينه هناك في الحجر الاسود قمت كتبت ورقه فيها ادعيه عشان اضعها هناك انا كمان عشان ربنا يستجيب لدعائي وكتبت في الورقه استغفر الله العظيم عشان انا عارفه ان الاستغفار سبب تحقيق الامال وبعدها كتبت يا رب اجمع بيني وبين حسن واجعله لي زوجا صالحا وارزقني منه بالذريه الصالحه ومش فاكره كتبت ايه تاني ورميت الورقه في الحجر الاسود مع العلم ان حسن ده الانسان اللي كان حيخطبني ومحصلش نصيب بالله عليكي يا اختي ام عبد اللطيف تردي عليا وانا اسفه اني كتبت رؤيتين بس عشان هما متصلين ببعض وربنا يجازيكي كل خير وامانه عليكي متحزفيش الموضوع لاني مهمومه ومحتاجه لردك اوي والسلام عليكم ورحمة الله وبركاته