الدفه والا العباية

حبيبتي انا عندي فكره
في عبايات مال الراس يسونها ويانا في عمان
وهي انج تلبسين الدفه بس لما تفصليها تقولي للخياط يسكرها لج من جميع الاتجاه
تكون عبايه مسكره بس مال الراس
اتمنى انج فهمتي قصدي
بتقولي لي كيف البسها هي مسكره
بتكون عبايه مسكره وما تنفتح من كل مكان حتى لو عيالج يلسوا فوقج
وفيها فتحه على الراس عشان تقدرين تلبسينها
اتوقع الاخوات السعوديات كذاك يفصلون العبايه

حبيبتي في عبي واايد فالسوق ساااترة وبنفس الوقت ماتعيقج مهما كان حتى لو عندج عيالج

البنات ماقصرو عطوج اسما اماكن تبيع مثل هالعبي


أهم شي حبيبتي رضا ربج ورضا زوجج وزوجج مو قاعد ينصحج بشي يغضب ربج
فانتي حبيبتي ملزووومة انج تطيعينه وربي بيوفقج بحيااتج كلها وبيسعدج مع زوجج ان شاء الله لانه يبي مصلحتج ,,

احمدي الله انه زوجج مو من النوع الي ممكن يتريق وتمسخر على عباتج وسترج لان فيه ازواج والعياذ بالله يحبو يظهرو مفاتن زوجاتهم عشان الناس يشوفو كشخة زوجاتهم فاهمتني؟

وغير كذا احمدي ربج انه الله وفقج ولبستيها عن قناااعه أنا اتمنى البس هالعبايه لكن الشيظان واايد يلعب براسي واغير راي فاحمدي ربج واشكريه على هالنعمة الي انتي فيها ونصيحة خلج بالعباية الي فوق الراس لانه هو الحجاب الشرعي الي أمر فيه رب العالمين,,:thumbs_up:


موفقة الغلا بحياااتج :L:

وتقبلي مررروري

اشكر كل اللي ردوا علي والله يوفقكم ويحقق لكم امانيكم يارب
شقول لكم انا كلمت زوجي اليوم ورفض الفكرة نهائيا ورضخت للأمر الواقع وكلامكم بعد أثر فيني وايد وفعلا انا غيرت رايي عن العباية وراح البس دفه الراس وراح اسويها نفس ما قلتوا بأن تكون مسكرة من جميع الجوانب واليد فيها استيك وأشكركم مرة ثانيه خواتي لان كلامكم مثل البلسم والله يعطيكم العافية

اختي مشكلتك مابه شين بس زوجك
صادق عادي بالعكس الحين بعض الحريم يبون الرجال
الي يغار عليها وانتي عكس
بالعكس افتخري بزوجك يمكن يحبك طيب
وخليكي على العبايه ساتره احسن
لكـ
وصدقيني بيفيدكـ
تحياتي
(دلع شمر)

هلا أختي من الاسباب اللي تخلي الزوج يتحسس من العبايه اهي نظره شباب هاليومين الله يهديهم لا يفتكرون بوحده متزوجه ولا لا حتى لو عيالها معاها او حتى زوجها للأسف هاي اللي وصلنا له، واهو كرجل عارف الكلام اللي ينقال على اي وحده تمر جدام اي شاب واكيد اهو يسمع ويعرف هاذي الشي يولد الغيره اكثر، وفوق هاذي كله الزوج يجوف المناكر اللي يسونها بنات هاليومين في العبايات فتخلي عبايه الكتف سوده في عينه حتى لو كانت واسعه، انا زوجي اصلا ماكنا يحب العبايات تخيلي الحين انصدمت انه صار يدقق وايد حتى لو واسعه بعد يتأكد بنفسه بس الشي الحلو ان الزوج يكون صريح مع زوجته لان مثل هاي القرار الشخصي اللي خاص فيج مايصير يتاخذه بدون نقاش معاج وكل واحد يفهم الطرف الثاني وجهه نظره، واذا على الغيره ترى مارح اجوفين ولا حرمه في الشارع وكل وحده بتقعد في يتها ولا بتطلع ولا بتلبس، بس الحمدالله كل واحد الللي ماشي بطريجه ماعليه من الناس وخلي عندج ثقه في قرارج، عبايه الراس تنفع حق المناسبات والزيارات وحله وكشخه على الوحده، بس من ناحيه عمليه اسمحيلي ماقدر عليها، عليج انج تكونين منفتحه مع زوجج وتتكلمون بدون احراج. لان القرارات في الحياه الزوجيه ماتكون من وجه نظر شخص واحد وانما اثنين

صج ايبطون الجبد هل رياييل بس عندهم ان طاعه الزوج واجبة و احنا لازم انطيع !!ما قلنا شي لكن يا اخي لا تتعسف حتى تطاع !! انا حاسه فيج اهي صج هيبه لكن مب حق ام اعيال اتبهدل وياهم

انا اقولج كثر الدق يفج اللحام

الرازجيه حبيبتي اذا العباية مو حق حرمة ام عيال طيب هالعبالية حق منو برايج؟؟؟وضحيلنا
العباية فوق الراس اهي الحجاب الشرعي الي أمر فييه الشرع وماااظن ربج مب عارف انج فيوم من الايام بتمري بمراحل بحياتج ومنها الزواج والعيال والخ
عيل كيف عاشو امهاتنا الاولين مايلبسون الا العبايه فوق الرااس؟

غلاي انتي بطريقتج تقدرين تقنعينه
قولي له عيالك مايخلون شي على راسي
وانا ماقدر كل شوي اشيل وارفع والله انها تبهدلني وثانيا ماتستر
وانا ماعرف البسها
روحي معاه محل العبايات وخليه اهو الي يختار لج عبايه بكيفه
والله يهديه يااارب :]

خبريه قوليه المواقف الا تصيدش مع عباية الراس وقوليه هاذي استر وعشان يرضى قوليه بالاول والاخير طالبة رضاك وستري واني قابلة بشروطك اذا بدون الوان ووسعها وانته تجي وياي بعينك تجوف تفصيلها ..

تآج الوقآر;12010011:
الرازجيه حبيبتي اذا العباية مو حق حرمة ام عيال طيب هالعبالية حق منو برايج؟؟؟وضحيلنا
العباية فوق الراس اهي الحجاب الشرعي الي أمر فييه الشرع وماااظن ربج مب عارف انج فيوم من الايام بتمري بمراحل بحياتج ومنها الزواج والعيال والخ
عيل كيف عاشو امهاتنا الاولين مايلبسون الا العبايه فوق الرااس؟

حق وحده ما عندها اعيال او اعيالها اكبروا

أنا اكاني اشزيني البس عباية كتف وسيعه و الشيله عريضة و تنزل لي تحت
أصلا استر من الل على الراس كل ساعه اليهال اسمتوها و طاحت

والله استانست من ردودكم يا بنات
واتمنى بعد اشوف ردود اكثر وخاطري تعطوني موديل يكون مرتب ومسكر حق دفه الراس وهل اسوي موديل بسيط في اليد والا لا ساعدوني حبايبي بخبرتكم

لااااااااااااااااااا وردة لا تسوين موديل في الايد<< ماتحب هي لا :rolleyes:
سوي الموديل العادي آل ابراهيم عندهم خلق يشبه الحرير اسمه لكزس والله تصيرين رزة:thumbs_up:
طبعا الحرير أكشخ تقدرين تأخذين حرير حق المناسبات الخاصة لأن عندش جهال

حبيباتي اميرةالاحساء و فجر القرأن و ماريا اشكركم من كل قلبي على ردودكم الطيبه واخت ماريا دعيت لج من كل قلبي مداخلتج مميزة واستفدت منها وايد وتم التقييم

وردة ألم;12018182:
حبيباتي اميرةالاحساء و فجر القرأن و ماريا اشكركم من كل قلبي على ردودكم الطيبه واخت ماريا دعيت لج من كل قلبي مداخلتج مميزة واستفدت منها وايد وتم التقييم