كيف ممكن اتصرف مع ابني

مرحبا خواتي اليوم حابه اتشاركوني مشكلتي الي هي مع ابني الي عمره 6 سنوات قبل 3 ايام اجا من الروضة وكان معاه ورقة من المدرسة تقول انو في تصور شخصي بالمدرسة للطلاب مع المعلامات والطلاب وانا شفتها معاه وحكيتلوا ان شاء الله بعد يوم بعطيك تدفع للمدرسة طبعا قيمة التصوير 3 دنانير فقط المهم شوفو كيف اتصرف ابني

انا دايما فلوسي بالشنطة والشنطة موجودة بالبيت قدام الاولاد ابني فكر انو انا ما بدي اعطيه عشان التصوير راح اخذ من جزداني خمسة دنانير وخباها في شنطة المدرسة عشان ثاني يوم يدفع للمدرسة طبعا انا ما لاحظت في نقص بالفلوس لاني بكون مشغولة بامور البيت.

ثاني يوم ذهب الى الروضع ودفع للمعلمة رسوم التصوير دفع خمسة دنانير ورجع دينارين المهم لما اجا ابني من المدرسة اعطاني الباقي لما سالتو شو هاي لفلوس قال المعلمة رجعت باقي لفلوس انا استغربت من وين جاب لفلوس لما شديت عليه بالكلام اعترف انو اخذهم مني ودفع بدون ما يسالني ولما حكيت مع المعلمة قالت انو جاب خمسة دنانير ودفع 3 دنانير ورجعتلو دينارين.

المشكلة انو كيف ابني يتصرف هيك تصرف غريب وانا خايفة ابني يتعود على اخذ الفلوس او السرقة ارجوكم ساعدوني كيف ممكن اتصرف معاه عشان ما يعيدها مرة ثاني . وشكرا على الاطالة.