ساعدوني محتاجه لكم ضروريبليززز

خل يتقدم اول رسمي وبعدها قولي رايك الى الوالدة والى شخص يقدر يقنع الوالد
والله يوفقك ان شاء الله

خله يتقدم لج يمكن اهلج اذا شافوه يوافقون عليه
اذا انتي مرتاحه منه واهلج ماوافقوا حاولي تكلمين افرب شخص لج يقنعهم بالموضوع
الله يوفقج وييسر لج

بقول لك رأي ربما الكثير ما يوافقني عليه، بس جايز هو أفضل خيار إذا عرفتي توصليه لأهلك بالطريقة الصحيحة، طبعا هذا يعتمد على شخصيتك وعلاقتك بأهلك ومدى تقبلهم لمثل هذي الطريقة.
إمسكي حد من أهلك الكبار اللي تحسي انهم يحترموك وممكن تتفاهمي معهم، يعني أمك أبوك، أخوك الكبير عمك، وقولي لهم بإختصار اليوم وحدة من صديقاتي كلمتني تريد تخطبني لأخوها بس أنا حبيت أستشيرك في الموضوع قبل ما يجوا "يعني مو لأنك بتردي عليها أو شيء بس لأنها خبرتك وانتي محتارة وتريدي حد يعطيك رأيه"، واللي قالته لي عنه هو كذا وكذا (يعني بالمختصر الصفات اللي عجبتك فيه) وبعدين قولي له المشكلة انه مطلق وعنده طفل عمره كذا ومواصفاته كذا وممكن تخبريه سبب الطلاق بإختصار وتقولي له أنا مثل ما تعرف صار لي تجربة والله ما كتب لي نصيب وهالرجال بعد مثلي صارت له تجربة وما انكتب له نصيب فيها، وأنا أريد رأيك قبل ما أسمع آراء باقي العائلة فحالة لو تقدموا،، في حالة ان هالشخص إقتنع كان انتي كسبتي شخص فصفك ممكن يساعدك على إقناع الآخرين، ولو ما قتنع ما تكوني خسرتي شي لأنك متوقعة هالرد وجايز يقنعك بسبب الرفض.

الله يوفقك ويسعدك ويرزقك اللي تكملي معه أحلى مشوار في الدنيا والآخرة ^_^

ادا شايفه انه هلزواج خير لك

اجلسي مع اهلك وقولي لهم انك تبيه وانا اشوف انه من حقك توافقين او ترفضين

لانه هدي حيااتش والمفروض محد يتدخل فيها

انا وقفت اب وجه اهلي لما تقدم لي وااحد وقلت ابيه بس للاسف طلع مو كفو

بس صدقيني اصابعك مو سوى

وانا الحين منفصلى عنه صار لي شهرين والحمد الله احس اني مرتاحه صحيح صرت مطلقه وماكملت العشرين

بس الحمد الله انا كدى نفسيتي مرتاحه

الله يتمم عليك بخير ياااارب

ويوفقش في حياتش يااارب

تحياااتي