بنات ما ابي احبطكم بس امس نتناقش انا وانكساري واكتشفنا ان حسبة الشريط لشهور الحمل غلط يعني حساب الاسابيع مضيوط لكن حساب الشهور في خلل وعلى هالحسبه بكون كلنا للحين في السادس
لان لو تقسميين عدد اسابيع الحمل اللي اهي 40 اسبوع على 9 شهور يطلع لج 4 اسابيع و4 ايام
يعني كل شهر يستمر اربعة اسابيع و4 ايام وهالحسبه سويتها لكم بنفسي واهي شبه مضبوطه وتقدرون تتاكدون بنفسكم بالعمليات الحسابيه
\
الشهر الثاني من 5 اسابيع إلى 9 اسابيع و5 ايام
الشهر الثالث من 9 اسابيع و6 ايام إلى 14اسبوع
الشهر الرابع من 14 اسبوع وويوم اسبوع إلى 18و5 ايام
الشهر الخامس من 18اسبوع و6ايام إلى 23اسبوع
الشهر السادس من 23 اسبوع ويوم إلى 27 و5 ايام
الشهر السابع من 27 اسبوع و6 ايام ويوم إلى 32 اسبوع
الشهر الثامن 32 ويوم ويوم إلى 36 ويوميين
الشهر التاسع من 36اسبوع وثلاث ايام إلى 40 اسبوع
وهذاب بعد من موقع يوضح طريقه الحساب
تحسب مدة الحمل بالاسابيع:
بمعنى4 اسابيع = شهر
8 اسابيع= شهرين
12 اسبوع= ثلاث شهور كاملة
16 اسبوع= اربعة شهور
20 اسبوع= خمس شهور
24 اسنوع= بداية الشهر السادس
28 اسبوع= بداية الشهر السابع
32 اسبوع= بداية الشهر الثامن
36 اسبوع= بداية الشهر التاسع
وهذا بعد يوضح للأسف الصوره طلعت صغيره تقدرون تطلعونها من النت وتتاكدون بنفسكم
تشوفون في اختلاف بسيط بين حسابي وحساب الموقف وحساب الرسمه لكن تقريبا مثل الشي لكن الشريط يدخلج شهر يديد من وقت وايد فانتبهو بنات