تجمع ربات البيوت القمورات بيتنا الثالث

اهلين بنات ماشاءللة عليكم سنعات
انا اليوم جايبتلكم حل جذري للكشنة يعني البصل والطماط
من اضرار التكشين اليومي :
الرائحة القوية في البيت
والرائحة تلزق في شعرك وملابسك
التعب في التقطيع وقلي البصل والطماط غير المواعين الي يبيلها غسيل بعد كل تقطيع من سكين ولوح التقطيع
طيب بتقولون وش الحل
الحل ياحبيباتي :
المقادير :
كيسة بصل كبيرة
كرتون طماط كبير
قشري البصل وقطعي اطرافة كلة بعدين اغسلية وغسلي الطماط كلة
جيبي لوح التقطيع وسكين وقدر كبير
الطريقة :
ضعي في القدر زيت بس كثري شوي عن العادة علشان الكمية كثيرة
قطعي البصل ارباع يعني مو لازم تقطيع صغير وضعية في القدر جميع كمية البصل وخلية لين يذبل وضعي ملعقة صغيرة ملح خشن
بعدين قطعي الطماط ارباع وضعية على البصل وخلية لين يذبل وتطلع مويتة بعدين سكري النار وحطي القدر على الطاولة وخلية لين يبرد
جيبي اكياس نايلون وضعي فيها من الكشنة قدر الكمية الي تحطينها يوميا بعدين اربطي الكيسة وهكذا لين يخلص القدر وضعي الاكياس في الفريزر
اذا كان تبين كشنة لغير الرز يعني تبينها لمكرونة او شوربة
خلي في القدر من الكشنة وضعية في الخلاط بعدين صبية في اكياس حسب احتياجك اليومي واربطية وضعية في الفريزر
الفوائد من هذي الطريقة :
الريحة بس في يوم واحد وتروشي وبخري البيت وخلاص وانسي الريحة طول الايام الجاية لانك اذا بغيتي كشنة تبين تاخذين من الفريزر وتفتحينها وتحطينها في القدر وتحطين عليها على طول الدجاج والماء الخ
المواعين خلاص ترتاحين انسي لوح التقطيع والسكين
اسرع في الوقت يعني اذا جيتي تطبخين تخلصين بسرعة حتى لو جاك ضيوف اسرع في تجهيز الاكل
وسلامتكم

خلود ريح العود;12116635:

u.me

مشكوره على الطريقه ,,أتمنى تنضمين معنا في التجمع لأنو باين عليك سنعه ..

لا شكر على واجب ويشرفني انضم معكم حبيبتي
وكل ماذكرت شي يفيد ويختصر الوقت بكتبة لكم

u.me فكرتك حلوة والله وتنفع هلللبة للموظفات

وصورتك الرمزية مشجعة جدا

سلخير.. اصحك اوعي..واحذري وانتبهي..وخلي بالك..

تفكرين تاخذين الي تتعبأ من الامام..

انا اللي عندي الحين تتعبأ من الامام..

مااااااااا تنفع!!! اغسل الملابس وتطلع ببقعها..

ان كانها ما زادت فهي ما نقصت!!!

مع اني ابخ البقع بفانيش قبل.. واحط مسحوق فانيش مع الايريل..

ولا فيه فايده..

خوذي اللي تتعبا من فوق وبعمود..

وحركة ام مها مره حلوة..انك تسألين الورش عن النوعيه الافضل..

بس احس الامريكي دايم زين..

صباح الخير
خلووود هلا وغلا ومرحبا لك وحشششششه والله الله ييسر لك لاب توب وتسنترين معناF:
سلخير انا غسالتي اتوماتيك تتعبا من فوق وروعه 9 كيلو وتغسل البطانيات ونوعيتها ال جي ممتاااااااااااازه:thumbs_up:
اليوم لاجديدقمت وطلعت لحم مفروم وصلحت لنا سمبوسه وشوربه ومصقعه نتذكر رمضان تغدينا على 5 بس في نص المعمعه والحوسه خلص الغاز:hysterical:
السمبوسه محلوله في القلايه الكهرب بس الشوربه وكشنت المصقع وزوجي طاااالع فكرت وفكرت وارسل شغالتي وتجيب اللاسطوانه حقت جاراتي الله يسعدها:thumbs_up: فكتنا من ازمه وكملت عليها وعلى طول نزلتها تغدينا واشبك الغلايه واسوي لنا شااهي نعنع مخمخنا عليه
اتصلت جاراتي وقالت تعالي بعد العشاء اسمري بتنادي الجارات فكرت اروح ماروح بس انا مطوله مادخلت بيتها استحيت منها وهي عزيزه ع قلبي بس كنت ابغى انسسسسسسدح واريح قلت يالله لبست وتهندمت علخفيف ورحت
وماقصرت احتفلت فيني وجابت انواع من الفطاير واسمبوسه وبيتفور وبسبوسه وتشوكليت تقهوينا وانبسطنا و12 ونص رجعت من عندها وسلالالام:L:

السلام عليكم00
اليوم صحيت 11و58 دقيقه وفررحت مرره لانها باقي ماوصلت 12خخخخ
المهم قمت صلحت قهوتنا وصحيت زوجي وحطيت اللحمه تستوي00وجات عمتي وجلسنا نتقهوى بعدها دخلت صلحت عصيده عشان الغدا 00ورحت اجهز ملابسنا واكويها وتغديناوشربنا شاااي وروشت اولادي وتروشت ولبسنا وصلينا المغرب وجهزت شنطتي وخرجنا رحنا لسلفتي 00تقهوينا وتعشينا وتشهوينا وسولفنا وانبسطنا00غيرت جو 00ورجعنا على 1
اشترينا واحنا راجعين بيبسي وبيره00وصلنا البيت شربنا وروقنا ونامو اولادي وزوجي وانا جيت اشوفكم 00

انثى عالبركه اغراض النونو00
والببغاء حقكم تححفه00حاطك في دماغه
ابتسامه00باذن الله خير بما انها متاخره 00يارب تكوني حاامل وتفرحينا 00
جداويا00قصتك خطيييره00بس باقي ماخلصتها وذكرتني شلة الصاعقه فيني انا وصاحباتي كنا 3وحده مرجووووجه الله يستر عليها 00وحده عاااقله ووحده هاديه بس كانت هي الراس المدبر اللي هو انا;) وقتها كنا سنه اولى ثانوي
وصرنا معروفين في المدرسه برجتنا 00وماانسى المشرفه اماتجي تاخذنا على مكتب الوكيله عشان نكتب تعهد00
وفي الطابور كيف كانت العين علينا 00ولما صرنا في ثاني ثانوي حطوا كل وحده مننا في فصل 00وهجدنا بعدها صرنا مانتقابل الا اخر اليوم00

خلود00هلا وغلا00يارب يتيسر لك وتشترين اللاب توب وتصيرين على طول معانا00وربنا يحفظ لكم ابوكم00
يو مي طريقتك حلوه للكشنه وكنت اسويها ومريحه شكلي بارجع لها00وتنفع للعاملات والحوامل00واوقات الزنقه00
وحياك الله معانا00
سلخير اول شي تراني معاك في تنظيف البيت والجدران والابواب 00مكسله هذا الاسبوع واحس بيتي ينحاس بسرعه00
والغسالة الاتوماتيك00انا عندي اللي تتعبى من فوق ال جي 10 ونص كيلو لها عندي 4 سنوات وماشاء الله مريحتني واغسل فيه البطانيات واللحف الصغيره موالكبيره مره00اللي لشخص واحد00
همس 00يعطيك العافيه 00وياشين الغاز اذا خلص وانا في نص الطبخه00اتذكر مره في عيد الفطر جيت اسوي قهوه بعد الفجر عشان الجيران (رجال)يمرون علينا مباشره بعد صلاة العيد 00
الا والغاز مخلص 00وماكان قدامي الا جارتي الله يجزاها بالخير دقيت عليها وطلبتها تسوي لي دله قهوه وترسلها وماقصرت 00
مها يعطيك العافيه 00وحلوه صور الاطفال والتعليقات
وعجبني اللي لااازم ينتقم من المدير00
روحي تحبك00اين انتي 00
وشذى الورد 00بعد مختفيه ماشفت لها ردوود من فتره00عسى المانع خيير00
روز00الحمدلله تطمنتي على بنتك 00
وياليت تترجمين لي هذي يا دعله ما يفدس
فلبتها يمين يسار ماطلع معي شي خخخخ

لوووووووووووووووووووووووووش
جداويه كيفك الحمد الله خلصت القصه واخيرا والله حلوه مشوقه
من بكره راجعلكم بومياتي
تصدقي مشتاقه للمنتدى لانه كل ما سمحتلى الفرصه اجلس على النت جلس اقرى القصه

عجبني هالموضوع عن تجهيزات السفر
http://go.3roos.com/e0ph6d6wSIC

صباح الخير..

كوب نسكافة.. دعلة ما يفدس = جعله ما يفطس

ما يفطس = ما يتوفى

اي الله يطول بعمرها..:094:

همس..يووووه يا كرهي للغاز كرهاااااه..

كنت ادعي عليه كل ما خلص علي..و اقعد اسب واشتم فيه:031:

الى ان استبدلناه بفرن كهرب..يالله من فضلك..بلا غاز بلا هم..:thumbs_up:

جوجو..قريت اللي مسوية نفسها فاهمة..عن الاربعين والحمل..

عصبت منها وطلعت.. ما ادري ليه الرجال لازم يكون شغلنا الشاغل؟؟!!!!

وما يحق لنا نرتاح!! و اذا ارتحنا جا امثال هالبنت وقعدت تتفلسف!!!

واكثر شي منرفزني انها تعم بكلامها وما تخص..!! ليه انتي شايفتني؟؟

اسلوبها كان بايخ وفيه استهزاء.. ما عجبني..<<< عصبت..

وتصدقين..حتى قصة اسمهان..نرفزت من تفاصيلها اللي طولت القصة وهي قصيرة!!

ولا كملتها..خخخ

اصلا انا ما احب اقراء..واذا شفتوني اقراء..

فاعلمو ان الكاتب شااااطر وعرف يشدني..ويا قلهم..خخخخ