تجمع ربات البيوت القمورات بيتنا الثالث

هااااااااااااااااااي بنات حبايبي
والله وحشتوووووووووووووووووني موت

هموسه: حبيبتي ما تشوفين شر ان شاء الله وربي يخفف عنك يارب.
دندونه: يا هلا والله ومسهلا ، لك وحشه والله.
جداويا: يلا انتي بس جهزي القهوه وتلاقيني عندك ، والحمد لله احنا ساكنين بنفس الحي ،،
بسومه: هلا ، احنا القطايف نسويها في رمضان ضروري مع القهوة والتمر والعسل والقشطه ، والله يخليلك ست الحبايب.
مهاوي: فديييييييييييييت قلبك الطيب وروحك الحلوه ، ما شاء الله تبارك الله ، الله يحفظك من كل شر ، نفسي تكوني جارتي ، أحسك حنونه ومتواااااضعة جداً ما شاء الله ، ضحكتيني لما قلتي ديناصورات بطني بتزمجر ههههههههههههههههههههههه ، حسيتك مييييته جوع ياعمري ، لو قلتيلي ارسلك اي شي ، وبعدين مو كأنك بدأت تصغرين خطك ، تخاصمين أنوثه وانتي تصغريه؟؟؟؟
كوب نسكافه: كيف صحتك؟ ان شاء الله انك بخير وصحه يارب.
كوامن الليل: يعطيك العافيه.
خلود: ياقلبي فينك؟ والله لك وحشه؟

حبيبة زوجها: الله يقويك ان شاء الله ، واذا خلصتي نسويلك حفله هههههههههههههه

كوب نسكافه: كيفك ياقلبي؟ كيف صحتك الحين؟
مدنونة: وحشتيني ، كيف السفرة ، ان شاء الله ما تعبتوا؟

مدنونة: فضفضي ياقلبي ، الله يكون في عونك

" صباح الفل والياسمين على الصبايا الحلوين "
كيفكم؟ وكيف أصبحتوا؟

يومياتي:
البارح: صحيت الساعه 1 ونص ، غيرت فرش السرير ، والقديم حطيته في الغساله ، شوي ونزلوا عندي اخوات زوجي ، كنست البيت ومسحته ، سويت غدا بروست وبطاطس مقلي وصلصة ثوم ، وعلى الساعه 3 ونص طلعوا بيتهم ، انا تجهزت ولبست ، وجا زوجي على الساعه 5 ، تغدينا وقعدنا على التي في ، وقبل المغرب بشويه رحت أخذت شور ولبست وتكشخت عشان بروح هند أهلي في لمة بنات عماتي وخالاتي ، (هذه اللمه كنا نسويها من قبل ما اتزوج ، كل اسبوعين أو ثلاثة أسابيع عند وحده ، بالكبير ، وبعد ما تزوجت قالي زوجي خلاص ما تروحين ، انتي صرتي متزوجه وهما لسا بنات) انا مررره انقهرت ، مع انه لما كنت اكلمه ايام الملكة كان يقولي ايوا عادي ما رح احرمك منهم ، الحين صار يخليني اروح كل 10 لمات لمه وحده ، يقولي خلاص مو لازم تروحين كل اللمات ، المهم فأمس كانت عند اخواتي ، وجبنا معانا دفوف وغنينا ورقصنا ، وعلى الساعه 12 ونص تعشينا ، وقعدنا الى الساعه 1 ونص وكل وحده راحت لبيتها ، انا جيت قعدت على المنتدى شويه ومانمت ، ودوبني فطرت زوجي وراح عنده كم شغله ، وانا بروح انام.
تمسون على خير.