كيف أكون أنيقة بعباتي ؟؟!

أم عدوني
اي والله كلامك عين العقل فصلت عباة ثانية قماشها خفيف

نورما
اذا تزوجتي وقالك زوجك البسيها راح تلبسيها وانت تضحكين كمان خخخخ

فهدونه;12474575:
أما أنا ألبس عباية راس قماشها وايد حلو و نازل مش سميك و بعدين سويها على طولج لا تسوينها طويلة ترى أتبهدلج و حطي لها (طقطق) علشان ما تنفتح و أنتي تمشين أو تضطرين أتشلينها و بعدين أتغربلين و بالعكس ما فيها شي لو بغيتي أتصيرين كشخة و رزة بعد الزين محد أيعافة و الله ايسهل لج و أشتري من المتحجة أذا عندكم عندة قماش أسمة الفارسة:thumbs_up:

فهدونه يازينج ويازين اسمج يذكرني بغالي علي:o
اي انا لازم طقطق مااعرف اخليها مفتوحه
واي اشوى هالمره فصلتها اطول مني بشوي واحس براحه
بس فصلت اللي يدها مزمووومه واذا تحركت قالي ريلي كانج بات مااان :p
خخخخخخخخخخخخ

هلا اختي دريم ويب ...

انا مثلج لا يمكن يوم اقتنع بعباية الراس لأنه وااايد اتضايق و احسها اتشل الحركة !!

لكن و في نفس الوقت لايمكن اني اتبرج او ألبس اشياء ملفتة للنظر...

أنا البس دفة كتف و سيعة و الشيله اتكون عريضة و تنزل لي تحت بحيث اتغطي الكتف ...

والفها بطريقة حلوة ومرتبة

... الله يجعل ايامك حلوة مثل طعم الدريم ويب ...

مولازم تكونين كشخة ورزة !!والله اتعجبت من كلامك اختي
البسي الطرحة وحطي غطوتك وارفعي عبايتك فوق راسك وماتطيح الا اذا كان قماشك حرير هذا النوع ابد من حلو يبين كنه فستان اذا كان كذا انصحك غيريه وجيبي قماش عادي هذا راح يمسك ولا يطيح العباة من فوق راسك

اسأل الله لي ولجميع المسلين والمسلمات الهداية

مشكورات حبيبات قلبي ماتقصرووون .. وانا احب اكون كشخه ورزه ان الله جميل يحب الجمال ما احب يكون شكلي رث وكاني عجوز خخخخ

dala hawwa;12483815:

الله يهديك ويرحم ضعفي وضعفك عبايتك هي عزك وحشمتك

لاحظي اللي بالمحلات لما يبيعو اللي عالراس مستحيلللللللللللللللللللللللللللللللللللللللل
يتجراء عليها بالحكي لكن اللي حجابها مش ولا بد العكس يصير معها

بعدين ياحبيبتي العبايه ستر ماهي للرزه والكشخه الله يهديك هدايه منيره يارب

مو شرط حبيبتي اللي تلبس عباة راس الكل يحترمها .. انا شفت بعيوني وحده لابسه عباة راس وتتكلم بدلع وتضحك مع راعي المحل
يعني الايمان مو باللبس بالقلب حبيبتي

وانا بالمثل مااعرف امشي ولا اعرف اسيطر للي حولي ولا اشوف زييين الله ياجرنا عليها لان اكتافي مو عراض بالمرة لكن اهم شي يكون ساتر

العبايه للستر وإرضاء ربنا سواء كتف أو راس أهم شي يتوافر فيها الشروط الشرعيه بعض الحريم الله يهديهم لو لبسوا عباية الراس لكنها تكشف أكثر مما تستر وبعضهم لو لبست عباية كتف لكنها ساتره
بالنسبه لي ألبس عباية راس إسلاميه
وألف طرحه وألبس نقاب أفغاني أوعادي وأنزلها الطرحه على عيوني وبس

العباة عبادة وليست للزينه لان الاصل فيها اخفاء الزينه

عند لبس العباءة تعتبرين في عبادة وتاجرين عليها ماودك في الاجر؟؟

هل سالتي نفسك العباة هذي ايش تستر اتوفع ولا شي لان شفتها على ناس كثير حتى حدود الملابس الداخليه واضحه وضوح الشمس وهؤلاء يدخلون في حديث الرسول نساء كاسيات عاريات لا يدخلنا الجنه ولا يجدنا ريحها ماودك في الجنه؟؟

الرسول صلى الله عليه وسلم يقول 0القابض على دينه كالقابض على الجمر )والصبر على طاعة الله خير من الراحه في معصية الله

اما مسالة اضهار العينين فهيا لا تجوز شرعا وانت قلتي بنفسك عيونك ملفته وحياء المراءة في عينيها وعيونك وجمالها المفروض لزوجك بس ما يحل لااحد يتمتع بهذا الجمال الا هو لان اذا حد شاف عيونك لك ذنب واذا وصفها لغيرة لك ذنب فكيف يتكون الذنوب الي عليك؟؟

اثبت الطب ان العيون تتحدث حتى لو لم ينطق لسانك فاتقي الله اختي

مسالت رزة وغيرة اتوقع ماراح تكون مهمه اذا كان همك رضي ريك

سارعي قيل فوات الاوان ودنو الاجل فما ذا تقولين لربك؟؟ وياي شي تتبررين لبسك لعباة الكتف والبرقع واضهار العينين والخدود

فكري بعقلك وخوفك من ربك يوم لا ينفع مال ولا بنون الا من اتى الله بقلبا سليم

الدنيا فانيه وكل سي بتسالين عنه

وعباة الراس ما احسه تطيح من على الراس الا نادر وهذا الشيطان يبقك ترجعين للمعصيه ويصعب الامر عليك حلاة الطاعة في تعبها لان الدنيا تعب واللاخرة والجنه باذن الله راحه

يقول احد التابعين عندما سال متى الراحه قال عندما اضع اول قدم في الجنه

اللهم ياسمع الصوت وباكاسي العضام لحما بعد الموت يامن نجى يونس في بطن الحوت ورد يوسف لاأبيه وارتد بفضله يصيرا ان يردك الى الحق ردا جميلا وان يريك الحق حقا وبرزف اتباعه وان ينور قلبك بطاعته واتباعه وان يبعد عنك الشيطان وكيدة وان يزهدك في العباة الفاتنه وييسر لك لبس العباة الساترة انه على ذلك قدير


همسة اخيرة لو الله اعطاك عين وحدة او احدى عينياك فيها عيب هل كنتي بطلعينهم؟؟ ؟؟؟؟؟؟؟؟؟؟؟؟؟

ابتسامه قلب اشدعوه حتى العين بعد حرام انطلعها !!! حتى لو بدون كحل ملفت و لا شي بعد عورة ؟؟؟!!... والله ساعات من هل تشديد اخاف يقولون حرام تمشي المرة لأن مشيتها ملفته لازم تنشال!!! و لا حرام تلبس عباية لازم تنحط في خيمة متنقلة ... ليش التشديد ليش ...

والله والله انا املاحظة كلما شددتوا كلما زادت لهفة رجالكم على النسوان !! طبعا لا اعني التحريض على التبرج لكن ادعوا للإعتدال !! و الوسطية !!

والله التشدد بدعة من الناس

والا رب العالمين عطى الانسان حريه ومجال للمسلم انه يقرر المناسب له

وطاقة كل مسلم تختلف عن المسلم الثاني

الله يجزاتس الجنه يا ابتسامه قلب وصح لسانتس والله وانااقرا الموضوع صدع راسي معقوله شلون تفكير البنات انه العباه للزينه يارب لاتؤاخذنا ولاتخسفبنا لهدرجه الغرب لعب على عقولنا بعباه الكتف وغيره وبعدين حبايبي هذا مو تشدد هذا خوف من جل جلاله واكثر حطب جهنم هن النساء وقليل حنا يامعشر النساء في الجنه والله العظيم اللحين اكتب بالايباد ماعرف باللمس كثير وواقفه العبره بحلقي وطي انفجرمعقووووووله وصلت فينا نخلي العباه زينه وهي الله شرعها لنا ستررررر ياعالم شلون تجتمع الزينه والسترررر شلون علموني؟؟؟خافوووو ربكم نرا بيجي يوم بتقولون فيه(ياليتني قدمت لحياتي) والله ثم والله ان اللي بقلبي اعظم ربي يهديكن لطاعته وينور قلوبكن للحق وان شاءالله اذا دخلت من الاب توب قدرت اعلق على الموضوع وانا مرتاحه بالكتابه. واولا واخيرا الله يستر علينا ويثبت قلوبنا هالدنيا كلها فتن يارب رحمتكككك

اختي تقدرين تكونين مستورة ومرتبة في نفس الوقت من حيث اخيارج لنوع القماش و طريقة لف الشيلة وغيره .. اوقفي جدام المراية وقعدي جربي لين تثبتين على الطريقة المناسبة لج في المظهر ..
وحتى الشنطة !!! قعدي جربي الشنط اللي عندج عشان تعرفين بعدين اي نوع شنط المناسب للعباة تبعج وماتخليج مبهدلة .. شنطة ايدها طويلة ولا قصيرة .. تنحط عالكتف ولا عالذراع فقط ...
------------------------------

خواتي ترة الدين يسر مو عسر ... ومحد في هالموضوع قاعد يدعو للتزين ولا شي

لكن ايضا لازم المسلم يهتم لمظهره انه يكون مرتب ومايقرف نظر الناس !!!

حتى في المسجد ولا في المصلى لما ابي اصلي ما احب اصلي بجانب وحدة مبهدلة ولا عندها ادنى اهتمام لمظهرها !!
لما اروح اكمل اشغالي سواء في البنك ولا المستشفى ولا اي مكان .. ما احب اروح اتعامل مع وحدة مظهرها مو مرتب ويقرفني في النظر!!

احب اروح للمرتبة صاحبة المظهر الجيد !! وهالشي طبيعي في الانسان انه مايحب يتعامل مع شخص مو مرتب !!

يعني الحين كل وحدة بتترتب ولا تهتم في مظهرها الخارجي صار غلط ولا حرام ؟؟

وايد سهل للوحدة انها تجمع بين الستر و الترتيب و الاناقة!!!

هولية كيوت

يسلم بؤك

يا جماعة صلوا عالنبي .. شدعوة ما يجوز للمرأة ان تظهر عينها لو كانت من غير زينة ؟!!!! أصلا فرض علينا لما نصلي و احنا مجابلين رب العالمين ان نكشف عن وجوهنا و أكففنا و هال مظهر أهوه المفروض على المرأة المسلمة دامها من غير زينة أو مكياج و نفس الشي مفروض علينا لما نكون محرمين فالحج أو العمرة .. اتيون أنتو تحرمون و تحلون على كيفكم !!!! استغفر الله يا ربي ، هالتشديد و التعقيد أهوه اللي بيضيع البنات و بيخليهم يبتعدون عن الدين .. الدين يسر و ليس عسر

حبيبتي دام لباسج لا يصف و لا يشف و لا يلفت النظر فما اعتقد انه فيه مشكله .. ونفس ما قالت احد الأخوات حاولي تقنعني زوجج ان تليين عباسية كتف واسعه من غير تطريز مع شيلة طويلة و عريضة و ان شاء الله بترتاحين فيها و بتكوين أنيقة و مرتبة و "محتشمة"

بعدين عباية الرأس اللي أجوفها على بعض البنات اللي لها يد و طقطق فوق أو جرار "سحاب" .. تصدقون ان هاذي تلفت النظر لان البنت تمشي جنها بطريق و يكون شكلها غريب .. يمكن بعض المجمعات يكون عادي عندها بحكم ان هال عباية انتشرت بينهم .. لكن لما نجوفها فمكان غير تلفت النظر و تضحك الصراحة ..


سامحوني على صراحتي بس هاذي الصج