لقيت حل للسواد والله يشهد على كلامي وبالصور بعد

ashgany;11941242:

لقيت حل للسواد والله يشهد على كلامي وبالصور بعد

مراحب يالغاليات

الصراحة عتبانه عليكم كثييير لانكم اذا دخلتوا موضوع تناظرون وتروحون بدون ردود..حرام والله ما ترضونها يعني..

المهم اختي كان عندها سواد بالإبط ومارضت تستخدم ولا خلطة وما تؤمن بالخلطات وراحت لدكتور الجلدية وعطاها صابونة مع كريمها وقال استمري شهر وشوفي النتيجة..

المهم هي استخدمته بانتظام والنتيجة بسسسسسسسسسسسم الله ما شاء الله تدرون كأنه باط بيبي صغير حتى لما تتروش ماتحط الا بودرة الأطفال..

فراحت اختي الثانية واستخدمته لسواد المنطقة الحساسة وتحلف لي انه اختفى وانها تركت المنتج ولاعاد تستخدمه ومارجع لها السواااااد..

هلا فيكم بنات

المنتج نزلت الصوره والاسم مكتوب عليه

ولا يهمكم راح اجيب الشرح كاااامل الان


بسم الله الرحمن الرحيم..

مشكورين يالغاليات على المرور وأحلى الددعوات.. تسلمون لي واللهـ...

أعذروني ترى البارحه نزلت الموضوع بالليل وتوني داخلة المنتدى وانصدمت من كثرة الردود واللي تقول اني اذلهم لا والله بالعكس انا ما دخلت من امس وتوني داخلة الحين..

حبيباتي مشكورين على الردود وعلى الدعوات وربي يسمع منكم ان شاء الله ..

ومثل ما قلت لكم.. الصابونة والكريم بنزل الحين صورهم واساميهم وممكن تلقونهم في أي صيدلية وتراهم صناعة فرنسية.. واتمنى من الله انكم تستمرووووووون عليها مرتين يوميا ولا تنتظرون نتيجة ولا تيأسون لين تشوفون وتنعمون بالبياض والله شاهد على كلامي..

حبيباتي اسم الصابونة..BIODERMA سعرها أظن 59 درهم/ ريال..

اسم الكريم..BIO-TACHES EMULSION وسعره 145 درهم/ريال..

وهذي هي صورة الصابونة يسار والكريم يمين

shkshk;11955430:

مشكوره وايد حبيبتي وتستاهلي تقييم

بس بغيت أسأل عادي أحط بودره على الإبط بعد ما أسخدمه تعرفي عشان العرق