جحة حمرة;11985360:
السلااااام عليكم
اني جييييييييييت
شحباركم ؟
للصبايا الحوامل اللي للحين ما فتحوا ليهم كارت حوامل في المركز
ضروري تفتحون في المركز حتى لو تفكرون تتابعون او تولدون في الخاص
ما تدرون ظروفكم بعدين شلون بتصير ويمكن مردكم للسلمانية
للي حامل لأول مرة :
اول شي تتأكدين ان عنوانش وعنوان زوجش واحد .. يعني اللي عرست ولا قلبت عنوانها على عنوان زوجها تروح تغير بطاقتها حالا بالا
عقب ما تتأكدين ان العناوين توحدت .. اذا كنتين قبل في بيت ابوش تتابعون في مركز . والحين رجلش على مركز ثاني .. تروحين مركز اللي قبل كنتون تتعالجون عليه وتقولون لهم انش تزوجتين وانتقلتين منطقة ثانية عشان ينقلون اوراقش الى مركز اللي فيه زوجش .. وعقب تروحين مركز اللي يتعالج فيه زوجش وتطلبين يفتحون لكم ملف عائلة ( انتين وزوجش واولادش المستقبليين )
عقب تروحين الرعاية وانتين تتمشين حاملة ورقة التحليل اللي تثبت انش حامل سواء من المركز او من خاص .. لكن ما يقبلون الاختبار المنزلي بروحه ) .. المهم تروحين الرعاية وتقولين تبغين موعد حوامل ...
هم بيسألونش عن آخر دورة وبيشوفون لش كم شهر .. وبيعطونش موعد في الثالث او عقب ( طبعا يعتمد على مدى زحمة المركز ومدى كثرة حوامل المنطقة خخخ ) عشان جدي ضروري تخبرينهم اذا صادتش اي مشاكل في الحمل او اذا كان عندش اطراح من قبل او اذا كان ينزل عليش دم او اذا كنتين تعانين من مرض مزمن عشان يحطون في حسابهم ويعطونش موعد قريب ويطلعون لش موعد من تحت الأرض خخخخ
بيعطونش ورقة فيها الموعد والاشياء المطلوبة .. بالنسبة للي اول حمل .. يبغون شهادة الميلاد اللي فيها التطعيمات ( طبعا اذا كانت ضايعة حتى لو تحلفين ليهم ان امش مطعمتنش كل التطعيمات :lol: ما بيهمهم .. لازم بيعيدون لش كم تطعيم يمكن اربعة لو خمسة عشان يطمنون انش محصنة من هالامراض ) وبعد بيطلبون بطاقات الفحص اللي قبل الزواج عشان يعرفون الامراض الوراثية اللي فيش وفي زوجش وفصيلة دمكم واذا كانت ضايعة بيخلونش تطلعين نتايج التحاليل السابقة من المختبر .. وصورة من بطاقتش وصورة من بطاقة زوجش
ووو تنتظرين الى موعدش اللي راح يكون فتح الفايل .. بيفتحون لش فايل وبيسوون لش تحاليل دم وبول وبيسألونش اسئلة عن اذا عندكم في العائلة توأم او اذا عندكم احد معاق وكم سؤال بعد ..
وعقب بيعطونش موعد على الدكتورة :D
وعلى فكرة ترى الاجراءات المتبعة في المراكز افضل بواجد من بعض العيادات والمستشفيات الخاصة ... خاصة ان الاطباء والقابلات في المراكز على طول عندهم ابديت عن كل الجديد اللي يصير في الساحة الحمالية والولادية خخخخ :D ... وعلى طول يحضرون محاضرات واجتماعات وورش عمل عن هالسوالف ..
عيبهم الوحيد هو الالتراسااااوند :worn_out:
كفيتيين ووفيتيييييين خيوو:)
اني اول مارحت كانت الكاتبة عند البريك انتظرت نص ساعة على ماجت
عقب تقول وين ورقة التحليل قلت ليها ماعندي:lol:
قالت روحي فتحي لش فايل وسوي تحليل
قامو يتحججون يبون نسخ من البطايق وحالة
وعلى مابرز رحت للدكتورة وعطتني ورقة التحليل
وسويت تحليل بول
عقب فتررررة تقريبا ساعة الا ربع طلعت النتييجة
واخذت موعد:D
وعطوني شهر 6 نهايته