ارووح ولا ما ارووح ؟؟؟؟

السلام عليكم جميعا خواتي بنات منتدى عرووس ..

حبيت اخذ رايكم في موضوع ..
وعشان توضح لكم الامور بخبركم شوي عن وضعي ..

انا البنت الوحيدة بين اولاد .. عمري 24 سنة ومتزوجة .. طبعي هااااااااااااادية جدا .. وشخصيتي ما احب اكون قيادية ولا احب اكون في المقدمة .. ولا احب اطلع في الصورة لا في الامور الكبيرة ولا حتى الصغيرة

مرت ومرت الايام .. وقرر اخوي الكبير يخطب .. شفنا له بنت الحلال وامي كلمت اهلها وعطونا موافقة .. والمفروض الحين نروح نزورهم .. موعد الزيارة للحين ما تحدد.. بس راح يتحدد ان شاء الله في هالايام ..

وهني مشكلتي ..

على اساس ان اللي بيروحون حق اهل العروس امي وخالتي بس .. لانها اول زيارة وبعدين يمكن يصير نصيب ويمكن لا .. لكن الوالدة مصرة اني اروح معاهم .. حاولت افهمها ان هذي سوالف كبار وانا مااعرف لها واذا صار نصيب اكييد بروح معاكم الزيارة الثانية .. وامي مصرة اروح معاهم تقول موعدلة انتى اخته الوحيدة وما تكونين موجودة .. وانا صراحة احس وجودي ماله داعي .. لين صار نصيب بعدين اروح ان شاء الله

انا للحين ما رديت على امي .. قلت اول شي استشيركم واخذ من خبرتكم .. شنو اللي يصيير ومن الي يروح بيت العروس في الزيارة الاولى

واتمنى تفيييدوني